Метро, автобусаар үйлчлүүлэх
Та бүхэн ямар тээврийн хэрэгсэл ашигладаг вэ? Ажилсаг, бас арвилан хэмнэдэг хүмүүс бол магадгүй метро юмуу автобусаар голдуу үйлчлүүлж байгаа болов уу.
Метро юмуу автобусаар үйлчлүүлвэл хүрээлэн байгаа орчиноо ч хамгаалж, эрүүл мэндээ ч анхаарч, түүгээр ч зогсохгүй хурдан бас хялбар… Үнэхээр сайн тал их боловч тэр дундаас чинээлэг бус халаасны нөхцөл байдалд бол унааны зардал бага зарцуулагддаг байдал нь хамгийн сайхан юм шиг.
Метроны болон автобусны унааны зардал, угаасаа л хямд төсөр гэж хэлж болох боловч жаахан илүү арвилан хэмнэх боломжтой арга байдаг бөгөөд одоо хамтдаа танилцацгаах уу?
Арвилан хэмнэж үйлчлүүлээрэй!
Метроны тогтмол хэрэглээний билет ашиглах
- Метроны зардалыг хэмнэх эхний аргачлал нь метроны тогтмол хэрэглээний билет ашиглах явдал юм.
· "Тогтмол хэрэглээний билет" гэдэг нь тогтсон хугацааны турш тогтсон давтамжийн тоогоор ашиглах боломжтой суух билетийг хэлэх бөгөөд, тогтмол хэрэглээний үнэ нь энгийн хэрэглээний давтамжийн тооны зардалаас илүү хямд байдаг. Байнгын үйлчлүүлэгчид хөнгөлөлт үзүүлэх арилжааны үндсэн зарчим дээр тулгуурласан суух билет гэж хэлж болох юм. Өдөр бүр метрогоор үйлчлүүлдэг хүн бол их бага хэмжээгээр төвөгтэй байлаа ч хямдралын хувь өндөртэй тогтмол хэрэглээний билет ашиглах нь илүү хэмнэлттэй байдаг юм байна шүү.
· Гэхдээ, тогтмол хэрэглээний билет нь тусдаа тогтмол хэрэглээний билетээр цэнэглэх зориулалт бүхий тээврийн хэрэгслийн карт(2,500 вон)-ыг худалдан авах шаардлагатай бөгөөд, автобусанд суухдаа ашиглах боломжгүй гэсэн сул тал байдаг.
<Метроны тогтмол хэрэглээний билет>
※ Метроны тогтмол хэрэглээний билетийн талаар илүү дэлгэрэнгүй мэдээлэлтэй Сөүл бүс нутгийн хувьд < Сөүл метро >, < Сөүл хотын төмөр замын ерөнхий газар >, < Метро 9 > цахим хуудаснаас танилцах боломжтой бөгөөд, түүнээс бусад бүс нутгийн хувьд тухайн бүс нутгийн < аймаг хотын төмөр замын ерөнхий газар > цахим хуудаснаас танилцах боломжтой.
Автобус сонгон суух
- Кёнгги аймаг болон Сөүл бүс нутгаар байнга ирж очдог хүн бол Сөүл хотын автобус болон Кёнгги аймгийн автобуснаас хямд автобусыг нь сонгон суугаарай. Ер нь Сөүл болон Кёнгги аймгийн нийтийн тээврийн зардлын систем нь бага зэрэг ялгаатай. Өөрөөр хэлбэл метрополис бүсийн автобусаар үйлчлүүлэхэд Сөүлийн автобус ашигтай, хот доторх автобусаар үйлчлүүлэхэд Кёнгги аймгийн автобус ашигтай. Гэхдээ автобусаар үйлчлүүлэхдээ 1 удаа л суухад Сөүлийн автобус үндсэн төлбөр бодогдож, Кёнгги аймгийн автобус нь 10 км хэтэрвэл хэтэрсэн 5 км тутамд 100 вон нэмэгддэг учраас, 10 км хэтэрсэн зайнд автобусаар 1 удаа л зорчих бол Сөүлийн автобус илүү ашигтай болохоор сайн мэддэг байхад илүүдэхгүй.
- Жишээлбэл Кёнгги аймгийн Сонгнам хотын Бүнданг болон Сөүлийн Кванхуамүн рүү ирж очдог метрополис бүсийн автобус(улаан өнгөтэй автобус)-ийн 9401 номер болон 9001 номер байдаг. Энэ хоёр автобус нь маршрут нь нэлээн төстэй хэдий ч 9401 нь Сөүлийн автобус ба 9001 нь Кёнгги аймгийн автобус болохоор төлбөрийн хувьд 9401 номерт суувал илүү хямд байх болно. Үүний нэгэн адил Сөүл болон Кёнгги аймгийг холбодог ижил төстэй маршрут бүхий хоёр автобус байвал Сөүлийн автобусыг сонгож суух нь төлбөрөө хэмнэхэд тань тус болох юм байна шүү. Нээрээ, аль бүс нутгийн аввтобус болохыг автобусны дугаарын самбар дээрх бүс нутгийн нэрийг харвал мэдэх боломжтой.
Унааны зардал хэмнэгддэг кредит карт ашиглах
- Сүүлийн үед нийтийн тээврийн төлбөрийг хямдруулж өгдөг кредит картууд их байдаг биз дээ? Кредит карт ашигладаг бол өөрийн байнга үйлчлүүлдэг нийтийн тээврийн хэрэгслийг сайтар бодож үзээд хамгийн тохиромжтой кредит картыг сонгох нь ч бас арвилан хэмнэлт бүхий нийтийн тээврээр үйлчлүүлэх арга болох боломжтой.
