MONGOLIAN

- “Хөдөлмөрийн чадварыг нөхөн сэргээхтэй холбогдсон төлбөр” гэж Тахир дутуугийн 1-ээс 12-р зэрэгт хамаарах хэмжээнд хөдөлмөрийн чадвар алдсан бөгөөд тахир дутуугийн тэтгэмж авдаг ажилтан ажилдаа буцан ороход мэргэжлийн сургалт шаардлагатай тохиолдолд түүнд мэргэжлийн сургалтын зардал, мэргэжлийн сургалтын тэтгэмж хэлбэрээр олгох, мөн тус ажилтны ажлын байрыг хадгалж буй тухайн ААН-д татаас, мэргэжлийн дахин сургалтын зардал, нөхөн сэргээх зардал хэлбэрээр олгох даатгалын нөхөн төлбөрийг хэлнэ (Үйлдвэрлэлийн ослын даатгалын тухай хуулийн 72 (1)-р заалт).

- Хөдөлмөрийн чадварыг нөхөн сэргээхтэй холбогдсон төлбөр нь дараах төрөлтэй байна① ажилдаа буцах ороход мэргэжлийн сургалт шаардлагатай ажилтанд олгох мэргэжлийн сургалтын зардал, мэргэжлийн сургалтын тэтгэмж, ② ААН-д олгогдох ажилд буцаан авах татаас, мэргэжлийн давтан сургалт, нөхөн сэргээх зардал (Үйлдвэрлэлийн ослын даатгалын тухай хуулийн 72 (1)-р заалт).

- Хөдөлмөр халамжийн газар нь ажил үүргийн улмаас осолд орсон хөдөлмөр эрхлэгч(цаашид, “Ажлын байрны осолд өртсөн хөдөлмөр эрхлэгч” гэх)-ийн ажилдаа эргэж орох болон нийгэмд эргэж нэгдэхэд дэм болохын тулд ажлын байрны осолд өртсөн хөдөлмөр эрхлэгчийг ажилдаа эргэж ороход бэрхшээл болж буй доройтолын хэм хэмжээ ямар байгаатай холбогдуулан ангилж сувилал · нөхөн сэргээх · нөхөн олговорын үйлчилгээг зохистой үед системтэйгээр үзүүлэх тохируулсан хэлбэрийн нэгдсэн үйлчилгээг хэрэгжүүлж байгаа бөгөөд тохируулсан хэлбэрийн нэгдсэн үйлчилгээ нь өөрт тохирсон ажил хайх үйлчилгээ болон энгийн үйлчилгээ гэж ангилагдаж байна(Ажлын байрны осолд өртсөн хөдөлмөр эрхлэгчид тохируулсан хэлбэрийн нэгдсэн үйлчилгээг хэрэгжүүлэх журам -ын 2-р зүйлийн 3-р заалт).

- БНСУ-ын Хөдөлмөр, нийгмийн халамжийн газар нь ажил хөдөлмөр эрхэлж байгаад үйлдвэрлэлийн осолд орсон ажилчны шинээр бизнес эрхлэхэд нь дэмжих төсөл хэрэгжүүлж байна. Энэ төслийн хүрээнд БНСУ-ын Хөдөлмөр, нийгмийн халамжийн газар өөрийн нэр дээр дэлгүүр түрээслэн, тус дэлгүүрийг Үйлдвэрлэлийн осолд орсон ажилчинажиллуулахад дэмжлэг үзүүлэн, тэдний бие даах чадварыг бий болгох, нийгмийн халамжийг дэмжихэд чиглэн ажлууд хийж байна [Үйлдвэрлэлийн ослын даатгалын тухай хуулийн 92 (1)-р заалтын 2-р дэд заалт, Хөдөлмөрийн чадварыг нөхөн сэргээх журам 38-р зүйл].

- БНСУ-ын Хөдөлмөр, нийгмийн халамжийн газар нь хүндрэл, хор уршгийн менежментийн системийг ажиллуулдаг бөгөөд ингэснээр тахир дутуугийн тэтгэмж авсны дараа тухайн гэмтэл, өвчний онцлогоос хамаарч хүндрэл үүссэн эсвэл хүндрэл үүсч болзошгүй ажилтан эмчилгээ хийлгэх боломжтой болно (Үйлдвэрлэлийн ослын даатгалын тухай хуулийн 77-р зүйл).

- Үйлдвэрлэлийн ослын улмаас хохирсон ажилтныг нийгэмд эргэн хөл тавихад туслах зорилгоор БНСУ-ын Хөдөлмөр, нийгмийн халамжийн газар нь сэтгэл зүйн зөвлөгөө өгөх, итгэл найдвар төрүүлэх хөтөлбөрт хамруулах, нийгэмшүүлэх, спортоор нөхөн сэргээх, хобби клубт хамруулах, олон нийтийн нөөцийн хөтөлбөрт хамруулах, зөвлөгөө өгөх хөтөлбөрт хамруулах зэрэг үйлдвэрлэлийн ослоос хохирсон ажилтнуудад чиглэсэн олон төрлийн хөтөлбөрийг хэрэгжүүлж байна. [Үйлдвэрлэлийн ослын даатгалын тухай хуулийн 1 ба 92-р зүйл, Үйлдвэрлэлийн ослоос хохирсон ажилтнуудыг сэтгэл зүйн хувьд нөхөн сэргээхэд дэмжлэг үзүүлэх журам-ын 1 ба 2-р зүйл]

- Үйлдвэрлэлийн ослоос хохирсон ажилтан болон түүний ар гэрийнхний нийгмийн халамжийг сайжруулах зорилгоор БНСУ-ын Хөдөлмөр, нийгмийн халамжийн газар нь тухайн ажилтан болон түүний хүүхдүүдэд зориулан оюутны тэтгэлэг олгох төсөл, амьжиргааг тогтворжуулахад зориулан зээл олгох төсөл, тухайн ажилтан болон түүний хүүхдүүдэд оюутны зээл олгох төсөл зэргийг хэрэгжүүлж байна [Үйлдвэрлэлийн ослын даатгалын тухай хуулийн 92 (1)-р заалтын 2-р дэд заалт, үйлдвэрлэлийн ослоос хохирсон ажилтны амьжиргааг дэмжих журам -ын 1 ба 3-р зүйл].