Визтэй нэвтрэх
Виз олгох хүсэлт гаргах
- Бүгд Найрамдах Солонгос улсын иргэнтэй гэрлэсэн гадаад улсын иргэний гэр бүлийн гишүүн эсвэл хамаатан садан нь Солонгос улсад нэвтрэхийн тулд Дипломат газарт (Бүгд Найрамдах Солонгос улсын элчин сайдын яам болон консулын газар) виз олгох хүсэлт гаргана. Аялал жуулчлал эсвэл төрөл саднындаа зочлох зорилгоор Бүгд Найрамдах Солонгос улсад нэвтрэх хүсэлтэй гадаадын иргэнд Богино-хугацаатай Зочлох (C-3) виз олгох бөгөөд Солонгос улсад байх визний хугацаа 3 сар хүртэл байна.
- Солонгос улсад байгаа гадаад иргэн виз мэдүүлэгчийн зочлох зорилго гэх мэтийг нотолсон урилга, тодорхойлолтыг (Солонгос улсын нотариатаар батлуулсан) виз мэдүүлэгчид явуулсан тохиолдолд Богино-хугацаатай Зочлох визийг хялбар, хурдан шуурхай олгох боломжтой.
Бүрдүүлэх бичиг баримт
※ Виз авахад шаардлагатай бичиг баримт нь тухайн улс тус бүр өөр тул хүсэлт гаргаж буй улсын элчин сайдын яамаар дамжуулан дэлгэрэнгүй танилцах боломжтой.
Виз олгоход анхааруулах зүйлс
- Визний өргөдөл мэдүүлсэн өдрөөс хойш 3 сарын хугацаа өнгөрсний дараа өргөдөл гаргагч виз олгохыг хүсэх тохиолдолд өргөдөл гаргагч нь дахин шинээр виз мэдүүлнэ (Цагаачлалд хяналт тавих тухай хуулийг хэрэгжүүлэх Журмын 12 (3) дугаар зүйл).
Виз Олгох Бичиг баримтаар (Дугаараар) нэвтрэх
Виз олгох бичиг баримтын (дугаарын) хэрэгжилт
- Зарчмын хувьд БНСУ-д нэвтрэх хүсэлтэй хүн өөрийн биеэр виз мэдүүлэх ёстой боловч Солонгос улсын иргэнтэй гэрлэсэн Солонгос улсын иргэншилтэй гадаад хүн Солонгос улсын иргэний харьяалал авахаас өмнө өөрийн асран хамгаалалтад байдаг хүүхдээ урихын тулд оршин суух газрынхаа эрх бүхий Бүс нутгийн Цагаачлалын Албанд хүүхдийнхээ виз олгох бичиг баримтын дугаараар өргөдөл хүсэх боломжтой.
Шаардлагатай бичиг баримтууд
- Виз олгох бичиг баримт (дугаар) олгохыг хүсэж буй өргөдөл гаргагч нь өөрийн орших суух хаягийн дагуу эрх бүхий холбогдох Бүс нутгийн Цагаачлалын Албанд виз олгох бичиг баримтыг бүрдүүлж дараах бичиг баримтуудыг хавсаргана (Цагаачлалд Хяналт тавих тухай хуулийг Хэрэгжүүлэх Тогтоолын Хавсралтын Хүснэгт-5 дахь 17 (2), Маягт-21):
1. Паспорт эх хувиараа мөн паспортын хуулбар;
2. Дипломат албан газраас зааж өгсөн эмнэлгээс олгосон Сүрьеэгийн (TB) шинжилгээний бичиг (Сүрьеэгийн өвчлөлийн эрсдэл өндөр улс оронд оршин суудаг иргэн Бүгд Найрамдах Солонгос улсад 90 хоног байх виз мэдүүлэх тохиолдолд эсвэл Хууль зүйн Яамны Сайдын тушаалаар шаардсан бусад тохиолдолд хавсаргах);
3. Бизнес гэх мэт нэвтрэх зорилго баталсан бичиг баримтууд.
Виз олгох бичиг баримт (дугаарыг) илгээсний дараа олгох
- Хэрэв виз олгох үндэслэлтэй гэж үзвэл уригч талд (гэр бүлийн шалтгаанаар цагаачлагч) виз олгох бичиг баримтын дугаар бүхий мэдээллийг Хууль зүйн Яамны Сайд хүргүүлнэ (Цагаачлалд Хяналт тавих тухай хуулийг Хэрэгжүүлэх Тогтоолын 17 (5) дугаар зүйл). Хэрэв дипломат албанд цагаачлалын мэдээллийн систем байхгүй бол виз олгох бичиг баримтыг олгоно (Цагаачлалд Хяналт тавих тухай хуулийг Хэрэгжүүлэх Журмын 17 (6) дугаар зүйл).
- Уригч талд виз олгох бичиг баримт (дугаар)-ыг нэгэнт олгосон бол уригч тал уригдагч талд (Солонгос улсад нэвтрэх хүсэлтэй) мэдэгдэх ёстой бөгөөд уригдагч тал виз олгoхыг хүссэн өргөдөл дээрээ виз олгох бичиг баримтын дугаараа бичих эсвэл виз олгохыг хүссэн өргөдөлдөө виз олгох бичиг баримтаа хавсаргаж уригдагч талын оршин суугаа улсын дипломат газарт хүргүүлнэ (Цагаачлалд Хяналт тавих тухай хуулийг Хэрэгжүүлэх Журмын 17-2 (1) болон (2) дугаар зүйл).
Виз олгох бичиг баримтын (дугаарын) хүчин төгөлдөр байдал
- Виз олгох бичиг баримтын (дугаарын) хүчинтэй хугацаа 3 сар байх бөгөөд зөвхөн нэг удаа виз олгоход үйлчлэх боловч Хууль зүйн Яамны сайд шаардлагатай гэж үзсэн тохиолдолд хүчинтэй хугацааг өөрчилж болдог (Цагаачлалд Хяналт тавих тухай хуулийг Хэрэгжүүлэх Журмын 18 дугаар зүйл).
Хуурамч урилгыг хориглох тухай
- Бүгд Найрамдах Солонгос улсад нэвтрэх зорилгоор дараах үйлдэл хийхийг хориглоно (Цагаачлалд Хяналт тавих тухай хуулийн 7-2 дугаар зүйл):
1. Худал мэдүүлэг өгөх эсвэл хуурамч тодорхойлолт, бичиг баримт бүрдүүлж өгөх эсвэл тусламж үзүүлэх гэх зэргээр хууль бус үйлдэл гаргаж гадаад улсын иргэнийг урих;
2. Визний мэдүүлэг эсвэл виз олгох бичиг баримтыг хуурамчаар үйлдэх эсвэл хуурамчаар үйлдэхэд туслах.
- Ийм хуулийн зөрчил гаргасан этгээдэд 3 жил хүртэл биеэр хөдөлмөр эрхлэх шийтгэл эсвэл 30 сая хүртэл воны мөнгөн торгууль ногдуулна (Цагаачлалд Хяналт тавих хуулийн 94 дүгээр зүйлийн 3 дахь хэсэг).