Гадаад улсын иргэний харьяаллаас татгалзах
Бүгд Найрамдах Солонгос улсын иргэний харьяалал авсан хүмүүс гадаад улсын иргэний харьяаллаас татгалзах үүрэгтэй.
- Ерөнхий нөхцөл
· Бүгд Найрамдах Солонгос улсын иргэний харьяалал авсан гадаадын иргэн нь БНСУ-ын иргэний харьяалал авсан өдрөөс хойш 1 жилийн дотор гадаад улсын харьяатаас татгалзах ёстой. Хэрэв тогтоосон хугацаанд гадаад улсын харьяатаас татгалзаагүй бол БНСУ-ын иргэний харьяалал дуусгавар болно (Иргэншлийн тухай хуулийн 10 (1) болон (3) дугаар зүйл).
- Онцгой тохиолдол
· Гадаад улсын харьяатаас нэг жилийн дотор татгалзах үүрэгт өөрөөр заагаагүй бол дараах хүмүүс нь Бүгд Найрамдах Солонгос улсын иргэний харьяаллаа хэвээр хадгалж үлдэхийн тулд Солонгос улсын иргэний харьяалал авсан өдрөөс хойш 1 жилийн дотор гадаад улсын иргэний харьяаллаас татгалзах буюу Бүгд Найрамдах Солонгос улсын нутаг дэвсгэрт гадаад улсын иргэний харьяаллыг дагаж мөрдөхгүй байх хүсэл эрмэлзлээ Хууль Зүйн Яамны Сайдад батлан тангараглах ёстой (Иргэншлийн тухай хуулийг Хэрэгжүүлэх тухай Тогтоолын 13 дугаар зүйл, Иргэншлийн тухай хуулийн 10 (2) дугаар зүйл).
1. Иргэний харьяаллын зөвшөөрөл авахдаа дараах нөхцөлд байдалд байгаа хүмүүс;
A. Солонгос улсын иргэнтэй гэр бүл болсон бөгөөд Солонгос улс дахь албан ёсны хаяг дээр хамгийн багадаа тасралтгүй 2 жил оршин сууж байгаа; болон
B. Солонгос улсын иргэнтэй гэр бүл болсноос хойш 3 жил өнгөрсөн бөгөөд Солонгос улс дахь албан ёсны хаяг дээр хамгийн багадаа тасралтгүй 1 жил оршин сууж байгаа бол.
2. Гадаад улсын хууль тогтоомж болон байгууллагаас шалтгаалж гадаад улсын харьяаллаас татгалзах боломжгүй эсвэл үүнтэй холбоотой нөхцөл байдалд байна гэж үзэх хүмүүс;
3. БНСУ-ын иргэний харьяалал авах эрхээ эдэлсний дараа нэн даруй тухайн улсынхаа иргэний харьяаллаас татгалзах үйл явцыг эхлүүлсэн боловч холбогдох улсын хууль, тогтоомж, тогтолцооны улмаас тухайн улсын иргэний харьяаллаас татгалзахад хүндрэлтэй байгаа нөхцөл байдлын талаар баталгаажуулсан баримт бичгийг Хууль зүйн Яамны Сайдын Хуулийн 10 (1) дүгээр зүйлд заасан хугацаанд ирүүлсэн хүмүүс
· Бүгд Найрамдах Солонгос улс болон гадаад улсын иргэншил давхар эзэмшдэг иргэн (цаашид "Давхар иргэншил бүхий этгээд" гэх) нь Бүгд Найрамдах Солонгос улсын иргэний хувьд Бүгд Найрамдах Солонгос улсын хууль, тогтоомжийг мөрдөх ёстой (Иргэншлийн тухай хуулийн 11-2 (1) дүгээр зүйл).
· Давхар иргэншил бүхий этгээд нь гадаад улсын иргэний харьяаллаа хэвээр хадгалж байгаа үед холбогдох хууль тогтоомжид заасан хууль ёсны үүргээ биелүүлэх боломжгүй байгаа тохиолдолд тухайн этгээд гадаад улсын харьяатаас татгалзах ёстой (Иргэншлийн тухай хуулийн 11-2 (2) дугаар зүйл).
- Иргэний харьяатаас хасагдсан тухай бичиг баримтуудыг ирүүлэх тухай
· Дээр дурдсан 3 дахь хэсэгт хамаарах нөхцөлд байдалд гадаад улсын иргэний харьяаллаас татгалзах хүсэлт гаргасан этгээд нь иргэний харьяаллаас хасагдсан тухай бичиг баримтыг Хууль зүйн яамны Сайдад нэн даруй ирүүлэх ёстой (Иргэншлийн тухай хуулийг Хэрэгжүүлэх тухай Тогтоолын 13 (2) дугаар зүйл).
· Дээр дурдсан журамд заасны дагуу иргэний харьяатаас хасагдсан тухай бичиг баримтыг ирүүлсэн этгээдэд гадаад улсын иргэний харьяатаас хасагдсан болохыг баталсан бичгийг Хууль зүйн Яамны Сайд олгоно (Иргэншлийн тухай хуулийг Хэрэгжүүлэх тухай Тогтоолын 11 (2) дугаар зүйл).
Оршин суух бүртгэл мэдүүлэх
Бүртгүүлэх үүрэг
- Бүгд Найрамдах Солонгос улсын иргэний харьяалал авсан бөгөөд өөрийн орны иргэний харьяаллаас татгалзсан этгээд нь Оршин суух Бүртгэлийн тухай хуульд заасны дагуу албан ёсны оршин суух хаягт хамаарах Хот/Дүүрэг/Хороондоо оршин суугчаар бүртгүүлэх ёстой (Оршин суух Бүртгэлийн тухай хуулийн 6 (1) болон 8 дугаар зүйл).
Бүрдүүлэх бичиг баримт
- Оршин суугчаар бүртгүүлэхдээ тухайн этгээд нь ① иргэний харьяаллын зөвшөөрлийн хуулбар, ② үндсэн бичиг баримтууд, ③ гадаад улсын иргэний харьяатаас хасагдсан тухай батламж зэргийг авч ирнэ (гадаад улсын иргэний харьяатаас хассан тухай нотлох бичиг).
Оршин суух бүртгэлийн гэрчилгээ олгох
- Оршин суух бүртгэлийн гэрчилгээг оршин суух бүртгэл хийгдсэнээс өдрөөс хойш 10-14 хоногт багтааж олгоно.
Гадаад Иргэний Бүртгэлийн Гэрчилгээг Цуцлуулах
Гадаад Иргэний Бүртгэлийн Гэрчилгээг Буцааж өгөх Үүрэг
- Гадаад улсын иргэн нь БүгдНайрамдах Солонгос улсын иргэний харьяалал авсан бол гадаад иргэний бүртгэлийнгэрчилгээг албан ёсны оршинсуугаагазрын харьяа газрын даргын нэр дээр буцаажөгнө(「Цагаачлалдхяналт тавих тухай хуулийн」 37 (2)болон 「Цагаачлалд хяналт тавих тухай хуулийг хэрэгжүүлэх тогтоолын」 46 (2)(1) дүгээр зүйл).
Цуцлах хугацаа болон журам
- Тухайн этгээд өөрөө, түүний эхнэр/нөхөр, эцэг эх, де факто тэжээн тэтгэгч, ах/эгч/дүү, шүүгч, эсвэл хамтран амьдрагч нь оршин суух бүртгэл хийлгэсэн өдрөөс хойш 30 хоногийн дотор багтаж гадаад иргэний бүртгэлийн гэрчилгээг цуцлуулахаар ирүүлнэ (Цагаачлалд хяналт тавих тухай хуулийг Хэрэгжүүлэх Тогтоолын 46 (2) дугаар зүйлийн 1 дэх хэсэг болон 89 дүгээр зүйлийн 1 дэх хэсэг).
Бүрдүүлэх бичиг баримт
- Гадаад иргэний бүртгэлийн гэрчилгээг цуцлуулахдаа тухайн этгээд нь иргэний харьяаллын зөвшөөрлийн мэдэгдлийн хуулбар, үндсэн бичиг баримтууд болон оршин суух бүртгэлийн гэрчилгээг ирүүлнэ.
Зөрчилд ногдуулах захиргааны мөнгөн торгууль
- Гадаад иргэний бүртгэлийнгэрчилгээг цуцлуулах журмыг зөрчсөн этгээдэд 100,000-аас дээш воны захиргаанымөнгөн торгууль эсвэл 1 сая хүртэл воны захиргааны мөнгөн торгууль ногдуулна (「Цагаачлалдхяналт тавих тухай хуулийн」 100 (2) дугаар зүйлийн 1 дэх хэсэг, 「Цагаачлалд хяналт тавих тухайхуулийг Хэрэгжүүлэх Тогтоолын Хавсралт дахь」 Хүснэгт-2 дахь 2 (ж) хэсэг).
※ Хураалгасан гадаад иргэний үнэмлэх нь холбогдох арга хэмжээг авсаны дараа цагаачлалын албаны ажилтан болон захиргаан дарга устгана(「Цагаачлалд хяналт тавих тухай хуулийг Хэрэгжүүлэх Тогтоол」 46 дугаар зүйлийн 6 дугаар заалттай танилцана уу).
Бүгд Найрамдах Солонгос улсын Иргэний харьяалал дахин авах
Иргэний харьяалал дахин мэдүүлэх тогтолцоо гэдэг нь
- Бүгд Найрамдах Солонгос улсын иргэний харьяаллаа алдсан этгээд нь БНСУ-ын иргэний харьяаллаа алдсанаас хойш 1 жилийн дотор гадаад улсын харьяатаас татгалзсан тохиолдолд Хууль зүйн Яамны Сайдад хүсэлт гаргаж Солонгос улсын иргэний харьяаллыг дахин авч болно (Иргэншлийн тухай хуулийн 11 (1) дүгээр зүйл).
- Тухайн этгээд нь иргэний харьяаллыг сэргээх зөвшөөрлийг мэдүүлэхгүйгээр зөвхөн бүртгүүлэх замаар Бүгд Найрамдах Солонгос улсын иргэний харьяаллыг дахин авах боломжтой.
Иргэний харьяалал дахин мэдүүлэх журам
- Бүгд Найрамдах Солонгос улсын иргэний харьяалал дахин мэдүүлэх хүсэлтэй этгээд нь иргэний харьяалал дахин мэдүүлэх өргөдөл (Иргэншлийн тухай хуулийг Хэрэгжүүлэх Журмын Маягт-1) болон дараах бичиг баримтуудыг бүрдүүлж Хууль зүйн Яамны Сайдад ирүүлнэ[「Иргэншлийн тухай хуулийг хэрэгжүүлэх тогтоол」-ийн 15 дугаар зүйлийн 1 дүгээр заалт, 「Иргэншлийн тухай хуулийг хэрэгжүүлэх журам」-ийн 10 дугаар зүйл болон「Иргэншилтэй холбогдсон асуудал зохицуулалтын зааварчилгаа」-ны 17 дугаар зүйл]
1. Гэр бүлийн харилцааг бүртгэхтэй холбоотой бичиг баримт эсвэл Солонгос улсын иргэний харьяалал авсан болохыг нотлох бичиг баримтууд;
2. Гадаад улсын иргэний харьяаллыг цуцалсан болон цуцалсан огноог нотлох бичиг баримтууд;
3. Гэр бүлийн харилцааг Бүртгэх тухай хуулийн 93 дугаар зүйлд заасны дагуу иргэний харьяалал авахаар мэдүүлэхэд шаардагдах болон Хууль зүйн Яамны Сайдын баталсны дагуу гэр бүлийн харилцааг бүртгэхэд шаардагдах бичиг баримтуудыг бүрдүүлэх шаардлагатай.