Бүгд Найрамдах Солонгос улсад хүчин төгөлдөр мөрдөгдөж буй Иргэний хуулиар Гэрлэлтийг хүчин төгөлдөр бус гэж үзэх
Гэрлэлт хүчин төгөлдөр бус болох шалтгаан
- Талууд хоорондоо гэрлэх тухай хэлэлцэж тохиролцоогүй бол тухайн гэрлэлт хүчин төгөлдөр бус гэж үзнэ (Иргэний хуулийн 815 дугаар зүйл).
Хүчин төгөлдөр бус гэрлэлтийг шүүхээр авч үзэх
- Гэрлэлтийн баталгаа хүчин төгөлдөр эсэхийг тогтоохын тулд шүүхэд нэхэмжлэл гаргах шаардлагагүй бөгөөд 「Гэр бүлийн хэргийг шүүхээр хэлэлцэх тухай хууль」-д шүүхийн бүсчлэл, нэхэмжлэл гаргах эрх бүхий иргэн, эсрэг талын эрх үүргийг хуульчлан заасан байдаг(「Гэр бүлийн хэргийг шүүхээр хэлэлцэх тухай хууль」-н 2(1) болон 22~24 дүгээр бүлэг, 50(1) -р дүгээрзүйл).
Гэрлэлт хүчингүй болгох
- Гэрлэж буй талуудад үйлчлэх тухай
· Тухайн гэрлэлтийг хүчин төгөлдөр бус, хүчингүй гэж нэгэнт үзсэн бол гэрлэх гэж буй талуудыг анхнаасаа эхнэр, нөхөр байгаагүй гэж үзнэ. Түүнчлэн өв залгамжлах болон гэрлэлттэй холбоотой нэмэлт өөрчлөлт оруулах эрхийг хүчингүйд тооцно.
· Гэрлэлт цуцлагдсанаар нэг тал нь нөгөө талынхаа эсрэг оюуны болон эд хөрөнгийн нэхэмжлэл гаргах эрхгүй болно (Иргэний Хуулийн 806 болон 825 дугаар зүйл).
- Хүүхдэд үйлчлэх тухай
· Эцэг, эх нь хууль ёсоор гэрлээгүй гэр бүлд төрсөн хүүхдийг талуудын хүүхэд гэж үзнэ (Иргэний Хуулийн 855 (1) дугаар зүйл).
Бүгд Найрамдах Солонгос улсад хүчин төгөлдөр мөрдөгдөж буй Иргэний хуулиар Гэрлэлт Хүчингүй болгох
Гэрлэлт хүчингүй болгох шалтгаан
- Дараах нөхцөл байдал үүссэн бол талууд Гэр Бүлийн Шүүхийн эвлэрүүлэх комиссоор эсвэл гэрлэлтээ цуцлах тухай нэхэмжлэл шүүхэд гаргаж гэрлэлтээ цуцлуулж болно:
1. Гэрлэж буй талуудын аль нэг нь гэрлэх насанд хүрээгүй бол (18 нас) (Иргэний Хуулийн 807 болно 817 дугаар зүйл);
2. Гэр бүл болоход шаардлагатай зөвшөөрөл аваагүй бол (Иргэний Хуулийн 808 болон 817 дугаар зүйл);
3. Гэрлэлт батлах эрх бүхий байгууллага тухайн гэрлэлтийг цусан төрлийн гэрлэлт гэж үзсэн бол (Иргэний Хуулийн 809 дүгээр зүйл, 816 дугаар зүйлийн 1 дэх хэсэг);
※ Хэрэв талууд гэрлэлтийг хүчин төгөлдөр бус гэж үзэх шалтгаануудын аль нэг нөхцөл байдалд ороогүй бол дээрх нөхцөлүүд нь гэр бүл хүчингүй болгох шалтгаан болно.
4. Гэрлэх үед талуудын нэг нь нөгөө талынхаа амь насанд хүрэх аюултай өвчтэй эсвэл цаашид гэрлэлтийг үргэлжлүүлэх боломжгүй аливаа бусад ноцтой шалтгаантай болохыг мэдээгүй бол (Иргэний хуулийн 816 дугаар зүйлийн 2 дахь хэсэг);
※ Талуудын аль нэг нь тухайн шалтгааныг мэдсэн өдрөөс хойш 6 сарын хугацаа өнгөрсөн бол гэрлэлт хүчингүй болгуулах нэхэмжлэл гаргах эрхгүй.
5. Залилан мэхлэх замаар эсвэл албан шахалтаар гэрлэсэн бол (Иргэний Хуулийн 816 дугаар зүйлийн 3 дахь хэсэг).
※ Талуудын аль нэг нь залилан мэхлэгдэж гэрлэсэн гэдгээ мэдсэн өдрөөс эсвэл албан шахалтаас гарсан өдрөөс хойш 3 сарын хугацаа өнгөрсөн бол залилан мэхлэх замаар эсвэл албан шахалтаар гэрлэсэн гэх шалтгаанаар гэрлэлт хүчингүй болгуулах нэхэмжлэл гаргах эрхгүй.
Гэрлэлт хүчингүй болгуулахаар нэхэмжлэл гаргагч
- Дараах талууд гэрлэлт хүчингүй болгохыг шаардаж болно (Иргэний Хуулийн 817 болон 818 дугаар зүйл).
1. Гэрлэх зөвшөөрөл аваагүй бол эсвэл гэрлэж буй талуудын аль нь ч гэрлэх насанд хүрээгүй бол: Талууд эсвэл хууль ёсны төлөөлөгчийн аль нь ч,
2. Тухайн гэрлэлтийг цусан төрлийн гэрлэлт гэж үзсэн бол: Талууд, талуудын шууд цусан төрлийн удам угсааныхан (элэнц эмээ/өвөө, эмээ/өвөө, эцэг/эх) болон дөрвөн үеийн цусан төрлийн хамаатан садан, мөн
3. Тухайн гэрлэлтийг өмнө гэрлэлтээ цуцлуулаагүй буюу 2 эхнэр/нөхөртэй гэрлэлт гэж үзсэн бол: Итгэмжлэгч, түүний эхнэр/нөхөр, талуудын шууд цусан төрлийн удам угсааныхан (элэнц эмээ/өвөө, эмээ/өвөө, эцэг/эх) болон дөрвөн үеийн цусан төрлийн хамаатан садан эсвэл прокурор нэхэмжлэл гаргаж болно.
Гэрлэлт хүчингүй болгосны нөлөө
- Буцаж үйлчлэхгүй байх
· Нэгэнт шүүхээр гэрлэлтийг хүчингүй болгосон бол тухайн гэрлэлтийг буцаан сэргээх боломжгүй бөгөөд эргэж буцах чадваргүй гэж (Иргэний Хуулийн 824 дүгээр зүйл).
· Гэрлэснээс хойш төрсөн хүүхэд нь эцэг, эхийнхээ эхнэр/нөхрийн харилцаанаас төрсөн хүүхдийн хувьд статусаа хэвээр хадгалж үлдэнэ.
- Хүүхдийг тэжээн тэтгэх үүрэг, хариуцлага болон хүүхэдтэй уулзах эрх
· Гэрлэлтийг хүчингүй болгосон тохиолдолд Гэр Бүлийн Шүүх хүүхдийн хууль ёсны асран хамгаалагчийг тодорхойлж хүүхдийг тэжээн тэтгэх, асран хүмүүжүүлэх нөхцөл болон хүүхэдтэй уулзах эрхийг тогтоож өгнө (Иргэний Хуулийн 909 (5) дүгээр зүйл, 824-2 дугаар зүйл).
· Тиймээс талууд хүүхдээ тэжээн тэтгэх, асран хүмүүжүүлэх нөхцөлийг харилцан тохиролцох ёстой. Тэжээн тэтгэх, асран хүмүүжүүлэх нөхцөлийг тохиролцоогүй тохиолдолд талууд эсвэл асран хамгаалагчийн хүсэлтээр тэжээн тэтгэх, асран хүмүүжүүлэх шийдвэрийг Гэр Бүлийн Шүүх гаргана. (Иргэний хуулийн 837 (1) дугаар зүйл, өмнөх хуулийн (4)).
· Түүнчлэн, хүүхдээ асрамждаа аваагүй эцэг/эх нь хүүхэдтэйгээ уулзах, хүүхэд нь эцэг/эхтэйгээ уулзах эрхтэй. Гэр Бүлийн Шүүх шаардлагатай гэж үзвэл хүүхдийн эцэг/эх эсвэл хууль ёсны асран хамгаалагчийн хүсэлтээр тэжээн тэтгэх, асран хүмүүжүүлэх, уулзах эрхийг хязгаарлах буюу хориглож болно (Иргэний хуулийн 837-2 дугаар зүйл).