Гэр бүл болоход тавигдах үндсэн шаардлага 
Бүгд Найрамдах Солонгос улсад хүчин төгөлдөр мөрдөгдөж буй Иргэний Хуульд заасан гэр бүл болоход тавигдах үндсэн шаардлагууд
1. Талууд гэрлэхийг зөвшөөрөх ёстой; (Иргэний Хуулийн 815 дугаар зүйлийн 1 дэх хэсэг);
2. Талууд гэрлэх насанд хүрсэн байх ёстой; (18 нас) (Иргэний Хуулийн 807 дугаар зүйл);
※ Гэрлэх насанд хүрсэн эсэхийг тооцохдоо төрсөн өдрөөс эхлэн насыг тоолно.
3. Хараахан насанд хүрээгүй хүүхэд буюу насанд хүрэх гэж буй иргэн гэрлэх тохиолдолд тухайн этгээд нь дараах байдлаар гэрлэх зөвшөөрөл авах ёстой (Иргэний Хуулийн 808 дугаар зүйл);
A. Хараахан насанд хүрээгүй хүүхэд (19-өөс доош нас) эцэг, эхээсээ гэрлэх зөвшөөрөл авна. Хэрэв эцэг, эхийн аль нэг нь зөвшөөрөл өгөх эрхээ эдлэх боломжгүй бол зөвшөөрөл өгөх боломжтой эцэг/эхээс гэрлэх зөвшөөрөл авна. Эцэг, эхийн аль аль нь зөвшөөрөл өгөх эрхээ эдлэх боломжгүй тохиолдолд тухайн хүүхдийн хууль ёсны асран хамгаалагч нь гэрлэх зөвшөөрөл олгоно. (Иргэний Хуулийн 808 (1) дүгээр зүйл).
B. Насанд хүрэх гэж буй иргэн гэрлэхдээ эцэг, эхээсээ эсхүл хууль ёсны асран хамгаалагчаасаа гэрлэх зөвшөөрөл авна. (Иргэний Хуулийн 808 (2) дугаар зүйл).
4. Гэрлэлт нь цусан төрлийн холбоотой гэрлэл байх ёсгүй. (Иргэний Хуулийн 809 дүгээр зүйл).
5. Гэрлэлт нь 2 эхнэр/нөхөртэй гэрлэлт байх ёсгүй. (Иргэний Хуулийн 810 дугаар зүйл).
Гэрлэлтэд тавигдах зайлшгүй шаардлагууд
- Гэрлэлтийг хүчин төгөлдөр болгох үүднээс гэрлэж буй талууд Гэр Бүлийн Харилцааны Бүртгэлийн тухай хуульд заасан нөхцөлийн дагуу гэрлэлтээ бүртгүүлэх ёстой (Иргэний Хуулийн 812 (1) дугаар зүйл).
※ Гэрлэлтийн бүртгэл хариуцсан албан тушаалтан гэрлэлтийг зөвшөөрсөн тохиолдолд гэрлэлтийг гэр бүлийн харилцааны бүртгэлд бүртгүүлээгүй ч тухайн гэрлэлт хүчин төгөлдөр болно.
- Дараах журмын дагуу гэрлэлтийг бүртгэнэ.
· Гэрлэлт бүртгүүлэх этгээдүүд
√ Гэрлэж буй талууд гэрлэлтээ биеэр ирж бүртгүүлнэ (Иргэний Хуулийн 812 (2) дугаар зүйл).
· Гэрлэлт бүртгүүлэх газар
√ Гадаад эхнэр/нөхөртэй Бүгд Найрамдах Солонгос улсын иргэний гэр бүлийн харилцааг бүртгэх бүртгэлийн газар эсвэл хууль ёсны байнгын оршин суух эсвэл гэрлэж буй талуудын хаягаар гэрлэлтийг бүртгэж болно (Гэр Бүлийн Харилцааг Бүртгүүлэх тухай хуулийн 20 (1) дугаар зүйл).
· Гэрлэлт бүртгүүлэхэд шаардагдах зүйлс.
√ Гэрлэлтийн бүртгэлд дараах зүйлсийг багтаасан байна. Үүнд: 3 дахь хэсэгт заасан нөхцөл байдалд гэр бүл болж буй талууд гэрлэлт бүртгүүлэх өргөдөлдөө харилцан тохиролцсон гэрээг хавсаргана: (Гэр Бүлийн Харилцааны Бүртгэлийн тухай хуулийн 71 дүгээр зүйл)
1. Гэрлэж буй талуудын овог, нэр, эргийн овог, төрсөн огноо, оршин суух бүртгэлийн дугаар болон бүртгүүлсэн газар;
※ Гэрлэж буй талуудын аль нэг нь гадаад улсын иргэн бол гадаад улсын иргэний нэр, төрсөн огноо, иргэний харьяалал, гадаад регистрийн дугаар
2. Гэрлэж буй талуудын эцэг эх болон үрчилж авсан эцэг эхийн нэр, бүртгүүлсэн газар, оршин суух бүртгэлийн дугаар;
3. Гэрлэж буй талууд хүүхдийнхээ овгийг хүлээн зөвшөөрсөн тухай баримт (Иргэний хуулийн 78 (1) дугаар зүйл);
4. Гэрлэлт нь цусан төрлийн гэрлэлт биш болохыг нотлох баримт (Иргэний хуулийн 809 (1) дүгээр зүйл).
· Гэрлэлт бүртгүүлэх журам
√ Гэрлэлтээ бүртгүүлж буй талууд болон насанд хүрсэн хоёр гэрчийн гарын үсэг бүхий гэрлэлт бүртгүүлэх өргөдлийг ирүүлнэ (Иргэний хуулийн 812 (2) дугаар зүйл).