Паспортдан фойдаланиш бўйича чекловлар; ташриф ва вақтинчалик яшаб туришнинг таъқиқланиши
Паспортдан фойдаланиш бўйича чекловлар; ташриф ва вақтинчалик яшаб туришнинг таъқиқланиши
- Табиий офат ёки хавотир бор бўлган хориждаги жойларда хатарли ҳолатлардан ҳимоялаш мақсадида кишиларнинг маълум хорижий давлат ёки ҳудудга ташриф буюриши ёки вақтинчалик бориб яшашига вақтинчалик чеклов қўйиш зарур, деб топилса, Ташқи ишлар Вазирлиги маълум бир даврни белгилаган ҳолда паспортдан фойдаланиш бўйича чекловлар жорий этиши ёки маълум хориж мамлакати ёки минтақасига ташриф буюриш ва вақтинчалик бориб яшаб туришни таъқиқлаши мумкин (“Паспорт тўғрисида”ги Қонуннинг 17 (1)-моддаси асосий матни; “Паспорт тўғрисидаги қонунни қўллаш тўғрисида”ги Қарорнинг 28-моддаси).
Паспортдан фойдаланиш бўйича чеклов ҳақида билдиришнома
- Агар Ташқи ишлар Вазирлиги паспортдан фойдаланиш бўйича чеклов жорий этмоқчи бўлса, қайси мамлакатлар ёки минтақаларга чиқиш чекланиши, чеклов кўлами, паспортдан фойдаланиш бўйича чеклов шартлари ва муддати, паспортдан фойдаланиш, чет элга ташриф ва вақтинчалик яшаб туриш учун рухсатнома олиш тартиб-таомилини белгилайди ва бу ҳақида билдиришнома чиқаради. (“Паспорт тўғрисида”ги Қонуннинг 17(2)-моддаси; “Паспорт тўғрисидаги қонунни қўллаш тўғрисида”ги Қарорнинг 30-моддаси)
- Қачонки хориждаги хатарли вазиятнинг бартараф этилганлиги туфайли паспортдан фойдаланиш бўйича чекловларни сақлаб туришга зарурат қолмаганда, Ташқи ишлар Вазири ушбу чекловларни кечиктирмасдан олиб ташлайди ва бу ҳақида эълон қилади (“Паспорт тўғрисида”ги Қонуннинг 17(3)-моддаси)
Истисно тариқасида паспортдан фойдаланишга рухсат бериш
Рухсат бериш учун сабаблар
- Қуйидаги ҳолатларда Ташқи ишлар Вазири паспортдан фойдаланиш ва хорижга ташриф ва вақтинчалик яшаб туришга рухсат бериши мумкин (“Паспорт тўғрисида”ги Қонуннинг 17 (1)-моддаси қўшимча шартлари; “Паспорт тўғрисидаги қонунни қўллаш тўғрисида”ги Қарорнинг 29 (1)-моддаси)
1. Паспортдан фойдаланиш бўйича чекловлар амал қиладиган, аммо хориж мамлакатида ёки минтақасида доимий яшаш ҳуқуқи ёки бошқа шунга ўхшаш ҳуқуқни қўлга киритган шахс ўша мамлакатда ёки минтақада у ерни ўзининг асосий яшаш жойи сифатида эътироф этган ҳолда яшашда давом этмоқчи эканлиги маълум бўлса;
2. Давлат манфаатлари учун ўша хориж мамлакатидан маълумот етказиш ва репортаж тайёрлаш зарур бўлганда;
3. Тет элда яшаётган қуйидаги шахсларнинг вафот этганлиги ёки жиддий бирор касаликка чалинганлиги ёки бахтсиз ҳодисага учраганлиги туфайли талабгорнинг Кореяни шошилинч равишда тарк этиши керак бўлса:
√ Турмуш ўртоғи
√ Асосий талабгорнинг тўғридан-тўғри аждоди ёки авлоди ёки туғишган акаси ёки укаси ёки опаси ёки сингили;
√ Асосий талабгор турмуш ўртоғининг тўғридан-тўғри аждоди ёки авлоди ёки туғишган акаси ёки укаси ёки опаси ёки сингили;
4. Давлат органларининг ўз вазифаларини бажариши ёки дипломатик ёки хавфсизлик миссияси ёки чет элда яшаётган Корея фуқароларини ҳимоя қилиш ишларини бажарувчи халқаро ташкилотларнинг ўз вазифасини бажариш учун чет элга чиқиш зарур бўлса;
5. Тегишли марказий маъмурий давлат ташкилоти раҳбарининг тавсиясига кўра (ушбу тавсияда миссия мақсади ва тафсилотлари кўрсатиб ўтилади) давлат манфаатлари ёки корхона фаолияти билан боғлиқ миссияни амалга ошириш учун зарур бўлса;
6. Юқоридаги 1-дан 5-гача бўлган пунктларда айтиб ўтилган ҳолатларга ўхшаш ва Ташқи ишлар вазири томонидан, айниқса, зурур, деб топилган ҳолатлар.
- Юқоридаги 2-пунткда ёки 5-пунктда айтилган сабабга кўра паспортдан истисно тариқасида фойдаланиш учун рухсатнома олмоқчи бўлган шахслар ўзлари тегишли бўлган муассаса, ташкилот, корхона раҳбаридан бу ҳақида гувоҳнома олишлари ва уни Ташқи ишлар Вазирлигига тақдим этишлари лозим (“Паспорт тўғрисидаги қонунни қўллаш тўғрисида”ги Қарорнинг 29 (2)-моддаси)
- Ташқи ишлар Вазирлиги паспортдан фойдаланиш ва чет элга ташриф/вақтинча бориб туришга рухсат берганда, бу ҳақида тегишли рухсатнома хати талабгорга берилади (“Паспорт тўғрисидаги қонунни қўллаш тўғрисида”ги Қоиданинг 15 (3)-моддаси ва 7-иловасидаги шакллар)
Қонунбузарликларга қарши жазо чоралари
- Ташриф буюриш ёки бориб вақтинчалик туриш таъқиқланганлиги бутун оммага эълон қилинган мамлакат ёки минтақага рухсат олмасдан ташриф буюрган ёки бориб вақтинчалик турган ёки ўз паспортидан рухсат олмасдан фойдаланган шахсларга нисбатан 1 йилгача қамоқ ёки 10 миллион Корея вонигача жарима жазоси қўлланилади (“Паспорт тўғрисида”ги Қонуннинг 26 (3)-моддаси).
※Истисно тариқасида рухсат бериш ва паспортдан фойдаланиш бўйича чекловларга амал қилмай қонунбузарлик қилиш учун жазо чоралари йўл гувоҳномаси учун ҳам худди шундай амал қилади (“Паспорт тўғрисида”ги Қонуннинг 14 (3) ва 26 (3)-моддаси)
Паспортдан ноқонуний фойдаланишнинг таъқиқланиши
Паспортдан ноқонуний фойдаланишнинг таъқиқланиши
- Қуйидаги ҳаракатларни амалга ошириш таъқиқланади [“Паспорт тўғрисида”ги Қонуннинг 16 (2) дан (5) гача бўлган моддаси].
· Бошқа шахс номига берилган паспортдан фойдаланиш;
· Ўз паспортини бошқа шахсга фойдаланиш учун бериш ёки қарзга бериш ёки бермоқчи бўлишга ҳаракат қилиш;
· Бошқа шахс номига берилган паспортни ундан фойдаланиш мақсадида олиб қўйиш ёки вақтинчалик олиб туриш;
· Мажбуриятни бажариш учун гаров сифатида паспортни бериш ёки олиш.
Паспортнинг олиб қўйилиши
- Ташқи ишлар Вазирлиги расмий ходими, паспорт бериш ва шу билан боғлиқ масалалар бўйича масъул бўлган маҳаллий ҳокимият органи, полиция ходими, мухтор полияция ходими, жиноят полицияси ходими вазифаларини бажарувчи ва муҳожирлик устидан назорат ишларига жалб қилинган шахс ёки божхона операциялари агенти юқорида айтилган ишларга қўл урган шахслардан паспортни қайтариб олиб қўйиши мумкин (“Паспорт тўғрисида”ги Қонуннинг 20- ва 21(3)-моддаси).
Қонунбузарликларга қарши жазо чоралари
- Қуйидаги шахсларга нисбатан 2 йилгача қамоқ ёки 20 миллион Корея вонигача жарима жазоси қўлланилади: бошқа кимсанинг паспортини ундан фойдаланиш мақсадида тортиб олган ёки вақтинча олиб турган (“Паспорт тўғрисида”ги Қонуннинг 25-моддаси)
- Қуйидаги шахсларга нисбатан 1 йилгача қамоқ ёки 10 миллион Корея вонигача жарима жазоси қўлланилади: Мажбуриятни бажариш учун гаров сифатида паспортини берган ёки паспорт олган шахслар (“Паспорт тўғрисида”ги Қонуннинг 26 (1) ва (2)-моддалари)