Паспортни қайта расмийлаштириш тартиб-таомиллари
Паспорт қайта расмийлаштириш учун ариза
- Қуйидаги ҳолатларда паспорт қайта расмийлаштирилиши учун Корея Республикасининг хориждаги дипломатик миссиясидаги (Корея Республикасининг элчихоналари, дипломатик ваколатхоналари, бош консулликлари назарда тутилмоқда) ёки мамлакатда Ташқи ишлар Вазирлиги номидан паспорт билан боғлиқ масалалар билан шуғулланувчи муассасага ариза билан мурожаат қилиши мумкин (“Паспорт тўғрисида”ги Қонуннинг 11(1) ва 21(1)-моддаси; "Чет элларда Корея Республикасининг дипломатик миссияларини ташкил этиш тўғрисида"ги Қонуннинг 2-моддаси; “Паспорт тўғрисидаги қонунни қўллаш тўғрисида”ги Қарорнинг 37 (1) 1-моддаси).
· Қуйидагиларни тўғрилаш ёки ўзгартириш керак бўлганда: паспорт тури, қайси мамлакат томонидан берилганлиги, паспорт рақами, берилган вақти, амал қилиш муддати ва ким томонидан берилганлиги, паспорт эгасининг исм-шарифи, миллати, жинси, туғилган санаси ва фотосурати;
· Берилган паспорт йўқотилган бўлса;
· Берилган паспортга зарар етган бўлса;
- Қайта паспорт олиш учун мурожаат қиладиган шахслар қуйидаги ҳужжатларни тақдим этиши керак (“Паспорт тўғрисида”ги Қонуннинг 11(3)-моддаси, “Паспорт тўғрисидаги қонун ижроси тўғрисида”ги Қарорнинг 3(2) ва 18 (2)-моддаси ва “Паспорт тўғрисидаги қонун ижроси тўғрисида”ги Қоидаларнинг 4-моддаси).
· Паспортни қайта расмийлаштириш учун ариза:
· Қайта расмийлаштириладиган паспорт(фақат, ёқотилган ҳоллар бундан мустасно)
· Паспорт фотосурати
· Бундан ташқари, паспортни қайта тиклаш учун керакли ҳужжатлар
“Паспорттўғрисидаги қонун ижро қоидалари”ги Қоидаларнинг4-моддасида
Паспортни онлайн қайта расмийлаштириш учун ариза бериш
- Aввал электрон паспорт (оддий паспорт)ни камида бир марта олган 18 ёшга тўлган фуқаролар паспортни қайта расмийлаштириш учун онлайн тарзда мурожаат қилишлари мумкин (фуқаролик мурожаатлари электрон ойнаси). Бироқ, қуйидагиларнинг бирортасига тегишли бўлганлар онлайн паспортни қайта расмийлаштириш учун ариза бериш ҳуқуқига эга эмаслар (“Паспорт тўғрисидаги қонунни қўллаш тўғрисида”ги Қарорнинг 5-моддаси, 2-банди ва Ташқи ишлар вазирлигининг паспорт маълумотлари веб-сайтига қаранг).
· 18 ёшгача бўлган вояга етмаганлар
· Ҳаётидаги биринчи электрон паспортга ариза берувчи
· Дипломатик ва расмий паспорт олишга ариза берувчи
· Фавқулодда паспортга ариза берувчи
· Aриза бера оладиган ёки ҳарбий хизматни ўтамаган ариза берувчилар
- Маҳаллий резидентлар Ҳукуматнинг веб-сайтида 24, чет элда яшовчилар эса консуллик Minwon24 веб-сайтида ариза беришлари мумкин, ариза беришда паспорт бериш тўловидан ташқари алоҳида онлайн тўлов тизими тўлови олиниши мумкин.
Қайта расмийлаштирилган паспортни олиш
- Паспортни ўзи, ўрнидан ёки почта орқали олиши мумкин. Фақатгина онлайн тарзда паспортни қайти тикланса пасспорт эгасининг ўзи танлаган органдан боиб олиши керак.
(“Паспорт тўғрисидаги қонун ижро қоидалари”ги Қоидаларнинг 7(1)-моддаси)
- Тайёр бўлган қайта расмийлаштирилган паспортни талабгор вакили олганда, вакил ўз шахсни тасдиқловчи ҳужжати билан бирга талабгор шахсини тасдиқловчи ҳужжати ҳамда ишончномани тақдим этиши лозим (“Паспорт тўғрисидаги қонунни қўллаш тўғрисида”ги Қарорнинг 7 (2)-моддаси).
- Тайёр бўлган янги паспортни почта орқали олмоқчи бўлганлар бу ҳақида ариза берган вақтда кўрсатиб ўтишлари ва зарур маълумотларни тақдим этишлари керак, жумладан, паспорт жўнатилиши керак бўлган манзил ва почта харажатларини тўлашлари керак (“Паспорт тўғрисидаги қонунни қўллаш тўғрисида”ги Қарорнинг 7 (3)-моддаси)
Қайта расмийлаштирилган паспортнинг кучини йўқотиши
- Агар тайёр бўлган қайта расмийлаштирилган паспортни талабгор 6 ой ичида олиб кетмаса, паспорт кучини йўқотади (“Паспорт тўғрисида”ги Қонуннинг 13 (1) 2-моддаси)
- Паспорт қайта расмийлаштирилгандан сўнг, қайта расмийлаштириш учун ариза берганда қайтарилган эски паспорт ўз кучини йўқотади (“Паспорт тўғрисида”ги Қонуннинг 13 (1) 4-моддаси)
Паспортни қайта расмийлаштиришни рад этиш ва чеклаш
Паспортни қайта расмийлаштиришни рад этиш
- Қуйидаги шахсларга паспорт қайта расмийлаштирилмаслиги мумкин “Паспорт тўғрисида”ги Қонуннинг 12 (1)-моддаси)
· Камида 2 йил жазо ўташ муддати назарда тутилган жиноятдаайбланувчи шахс, ё бўлмаса уларга нисбатан тергов вақтинча тўхтатилганшахсларнинг ёки камида 3 йил жазо ўташ муддати назарда тутилган жиноятларда айбланаётгани учун уларганисбатан ҳибсга ёки қамоққа олиш ҳақида қарор чиқарилган шахслар орасида давлат ташқарисида истиқомат қиладиган шахс
· “Паспорт тўғрисида”ги Қонуннинг 24-дан 26-гача бўлган моддаларига кўра, бирор жиноят содир этганлиги учун жазога ҳукм қилинган ва жазонинг ижро муддати ҳали тугаман ёки унга нисбатан жазо ижросидан озод этиш ҳақида ҳали якуний қарор қабул қилинмаган шахслар;
· “Паспорт тўғрисида”ги Қонуннинг 24-дан 26-гача бўлган моддаларига кўра, бирор жиноят содир этганлиги учун меҳнатсиз қамоқ ёки ундан-да оғирроқ жазога ҳукм қилинган ва жазонинг ижро муддати ҳали тугаман ёки унга нисбатан жазо ижросидан озод этиш ҳақида ҳали якуний қарор қабул қилинмаган шахслар;
· Корея Республикаси давлат хавфсизлиги, жамоат тартибини муҳофаза қилиши ёки қайта бирлашиши ва ташқи сиёсатига зиён етказиши мумкин бўлган ва қуйидаги гуруҳлардан бирига кирувчи шахслар:
Паспортни қайта расмийлаштиришни чеклаш
- Қуйидаги шахсларга 1 йилдан кам бўлмаган, аммо 3 йилдан кўп бўлмаган муддатга паспортни бериш бўйича чеклов қўлланилиши мумкин (“Паспорт тўғрисида”ги Қонуннинг 12 (3)-моддаси).
· “Паспорт тўғрисида”ги Қонуннинг 24-дан 26-гача бўлган моддаларида белгилаб қўйилганидек, бирор жиноятни содир этгандан сўнг унга нисбатан ҳукм ижроси тугалланган ёки ҳукмни ижро этмаслик ҳақида қарор якунланган шахслар
· Бирор хорижий мамлакатда Корея Республикаси шаънини булғайдиган ноқонуний ҳаракатни амалга оширганлиги ҳақида хориждаги дипломатик миссия ёки тегишли маъмурий давлат идораси томонидан билдиришнома олган шахслар
Шошилинч гуманитар сабабларга кўра паспорт бериш бўйича истисноли ҳолатлар
Паспорт бериш билан боғлиқ истисно ҳолатлар
- Ташқи Ишлар вазирлиги юқоридаги паспортни қайта тиклаш бекор бўлган ёки чекланган шахсга давлат ташқарисида истиқомат қилувчилар қуйидагилардан бирининг ўлими, шунга элтувчи оғир касалик ва шунга ўхшаш ҳолларда давлатдан чиқиб кетиш зарурияти бўлса саёҳат мақсадидагина амал қилинадиган паспорт беради. (“Паспорттўғрисидаги қонун”нинг 12-модда 4-қисм ҳамда “Паспорттўғрисидаги қонун ижро қоидалари”нинг 26-3(1)-моддаси)
· Турмуш ўртоғи
· Асосий талабгорнинг тўғридан-тўғри аждоди/авлоди ёки туғишган акаси ёки укаси ёки опаси ёки сингили
· Асосий талабгор турмуш ўртоғининг тўғридан-тўғри аждоди/авлоди ёки туғишган акаси ёки укаси ёки опаси ёки сингили
- Юқорида айтиб ўтилган бериладиган паспорт амал муддати саёҳат мақсадини амалга ошириш учун керакли энг минимал вақт ичида берилади. (Паспорт тўғрисидаги қонун ижро қоидаларининг 26-3 (2)-моддаси)
Паспортни қайта расмийлаштиришни рад этиш ёки чеклаш ва ҳоказоларнинг бекор қилиниши
Қайта паспорт беришни рад этишни ва/ёки чеклашни бекор қилиш
- Қуйидаги ҳолатларда паспорт беришни рад этиш ёки чеклаш ва ҳоказо шунга ўхшаш ҳолатлар бекор қилиниши мумкин (“Паспорт тўғрисидаги қонунни қўллаш тўғрисида”ги Қарорнинг 26-моддаси)
· Тегишли маъмурий давлат органи бошлиғи бекор қилишни сўраса;
· Талабгор бирор хорижлик шахс ёки хорижга кўчиб ўтган ва ўша ерда яшайдиган корейс миллатига мансуб шахс билан оила қуриш мақсадида Кореядан чиқиши керак бўлса;
· "Эмиграция тўғрисида"ги Қонуннинг 6-моддасига кўра, талабгор хорижга кўчиб ўтмоқчилиги ҳақида хабарнома тақдим этган ҳолда хорижга кўчиб ўтиш ҳақида гувоҳнома олган бўлса;
· Талабгор чет элда доимий яшаш ҳуқуқи ёки узоқ муддатли виза олган бўлса ёки олишни режалаштирган бўлса.
Ноқонуний равишда паспортни қайта расмийлаштиришнинг таъқиқланиши ва жазо
Ноқонуний равишда паспортни қайта расмийлаштиришнинг таъқиқланиши ва жазо
- Паспорт олиш учун тақдим этиладиган ҳужжатларда сохта маълумотларни киритиш ёки паспорт олиш учун ноқонуний воситалардан фойдаланиш/қўллаш таъқиқланади (“Паспорт тўғрисида”ги Қонуннинг 16 (1)-моддаси)
Қонунбузарликларга қарши жазо чоралари
- Қайта паспорт олиш учун тақдим этилган ҳужжатларда ёлғон маълумотлар киритган, қайта паспорт олиш учун бошқа ноқонуний воситалардан фойдаланган ёки қайта паспорт олиш учун ноқонуний воситалардан фойдаланишни ташкил этган шахсларга уч йилгача қамоқ ёки 30 миллион вонгача жарима жазоси тайинланади (“Паспорт тўғрисида”ги Қонуннинг 24-моддаси).