Гуруҳлар визаси нима?
Гуруҳлар визаси тушунчаси
- “Гуруҳлар визаси” дейилганда, Корея Республикасининг хориждаги дипломатик миссияси бошлиғи томонидан (Корея Республикасининг элчихоналари, дипломатик ваколатхоналари, миссиялари, умумий консуллиги ва консулликлари назарда тутилмоқда, кейинги ўринларда "хориждаги дипломатик миссия" деб юритилади) бир кема, самалёт, поезд, автоуловда ёки бошқа бир транспорт воситасида биргаликда Корея Республикасига кириб борадиган дипломатик делегация, халқаро тадбирда иштирок этувчи шахслар гуруҳи, ўқув-танишув сафарига отланган талабалар гуруҳи ва шунга ўхшаш кўп сонли инсонлардан иборат гуруҳга бериладиган виза, тушунилади. ("Иммиграция назорати тўғрисидаги қонунни қўллаш тўғрисида”ги Қарорнинг 11 (1)-моддаси; "Чет элларда Корея Республикасининг дипломатик миссияларини ташкил этиш тўғрисида"ги Қонуннинг 2-моддаси)
Гуруҳлар визаси бериш
- Амалиётда Корея Республикаси билан визасиз режим келишувига эга бўлмаган Хитой фуқаролигига эга уч кишидан ортиқ сайёҳлар гуруҳларига гуруҳ визалари берилади [Хитойлик сайёҳлар гуруҳларини жалб қилувчи махсус сайёҳлик агентликлари учун амалий Йўриқноманинг 2(1)-моддаси (Маданият, спорт ва туризм Вазирлигининг 2016-0-сонли Йўриқномаси, 2016 йил 7 ноябрда чиқарилган ва кучга кирган)].
Гуруҳлар визаси учун ариза бериш тартиби
Гуруҳлар визаси учун ариза бериш
- Корея Республикасига кириш учун гуруҳлар визасини олмоқчи бўлганлар ўз вакили ёки икки томонлама келишув асосида тайинланган шахс орқали ўз паспортлари ва бошқа керакли ҳужжатларни Корея Республикасининг хориждаги дипломатик миссиясига тақдим этиши керак ("Иммиграция назорати тўғрисидаги қонунни қўллаш тўғрисида”ги Қоиданинг 11 (2)-моддаси)
※Гуруҳ визалар учун талаб этиладиган ҳужжатлар ҳақида қўшимча маълумот учун Корея Республикасининг Хитойдаги элчихонасига мурожаат қилинг.
Қабулқилиш ва текшириш
- Гуруҳ визаси Кореянинг хориждаги дипломатик идораси раҳбари томонидан берилади. Дипломатик идораси раҳбари хорижлик ариза берувчи қуйидаги шартларни қаноатлантириши ёки йўқлигини баҳолайди (“Муҳожирлик тўғрисидаги қонун ижроси тўғрисида”ги Қоидаларнинг 9-2-моддаси).
· Паспорт ҳақиқийлиги
· "Иммиграция назорати тўғрисида"ги Қонуннинг 11-моддасига асосан хорижлик шахснинг киришини таъқиқлаш ёки рад этиш керак ёки керак эмаслиги.
· Хорижлик шахс "Иммиграция назорати тўғрисидаги қонунни қўллаш тўғрисида”ги Қарорнинг 1 дан 1-3-иловасигача белгилаб қўйилган истиқомат қилиш мақоми учун белгиланган талабларни қаноатлантириши ёки қаноатлантирмаслиги (шахснинг истиқомат қилиш мақоми дейилганда, Корея Республикаси кирмоқчи бўлган хорижлик шахс учун талаб этиладиган квалификация тушунилади, кейинги ўринларда истиқомат қилиш мақоми, деб юритилади)
· Келишдан мақсад “Муҳожирлик тўғрисидаги қонун ижроси тўғрисида”ги Меъёрларнинг илова қилинган 1 дан 1-3-жадвалигача кўрсатилган виза турига мувофиқ эканлиги далиллар билан тасдиқланганлиги
· Ариза берувчи виза муддати тугагандан кейин ўз мамлакатига қайтиришини тасдиқлаганлиги
· “Муҳожирлик тўғрисидаги қонун ижроси тўғрисида”ги Қарорнинг илова қилинган 1 дан 1-3-жадвалигача белгиланган ва Адлия Вазирлиги томонидан алоҳида белгиланган мезонларни қаноатлантириши
Иммиграция назорати тўловларини тўлаш
- Гуруҳлар визаси учун ариза берганда ҳар бир шахс тўлайдиган иммиграция назорати тўловлари қуйидагилар ("Иммиграция назорати тўғрисида"ги Қонуннинг 87(1)-моддаси; "Иммиграция назорати тўғрисидаги қонунни қўллаш тўғрисида”ги Қоиданинг 71(1)-моддаси)
· Туриш даври 90 кундан кам бўлган бир марталик кириш визаси: АҚШ валютасида 40 долларга тенг қийматдаги сумма (кейинги ўринларда “АҚШ доллари”).
· Туриш даври 91 кундан ортиқ бўлган бир марталик кириш визаси: 60 АҚШ долларига тенг қийматдаги сумма.
· 2 марта кириш ҳуқуқини берувчи кўп марталик кириш визаси: 70 АҚШ долларига тенг қийматдаги сумма.
· Киришлар сони чекланмаган кўп марталик кириш визаси: 90 АҚШ долларига тенг қийматдаги сумма.
- Тўловларни гербли марка, нақд пул ва нақд пул тўлов сертификати шаклида амалга ошириш мумкин ("Иммиграция назорати тўғрисидаги қонунни қўллаш тўғрисида”ги Қоиданинг 73-моддаси 3-субпараграфи).
Гуруҳлар визаси бериш
- Хориждаги дипломатик миссия бошлиғи томонидан гуруҳ визаси берилганда, виза штампи гуруҳ вакили паспортигақўйилади ва сўнг виза остига чап томонига гуруҳ виза аризасининг нусхаси мавжудлиги ҳақида штамп қўйилади. Агар хориждаги дипломатик миссия бошлиғи зарур, деб топса, виза штампи ҳар бир талабгорнинг паспортига қўйилиши ҳам мумкин. Бундай ҳолатда, қўйилган виза штампи остига паспорт эгаси гуруҳ аъзоси эканлигини билдирувчи белги қўйилиши лозим ("Иммиграция назорати тўғрисидаги қонунни қўллаш тўғрисида”ги Қоиданинг 11 (3)-моддаси).