Виза мақомини ўзгартиришнинг асосий тамойиллари
Виза мақомини ўзгартиришга рухсатнома
- Агар Корея Республикасида яшаётган хорижлик шахс ўзининг истиқомат қилиш мақоми рухсат бермайдиган фаолият турлари билан шуғулланмоқчи бўлса, у Адлия Вазирлигидан виза мақомини ўзгартириш учун олдиндан рухсат олиши лозим ("Иммиграция назорати тўғрисида"ги Қонуннинг 24(1)-моддаси).
- Қуйидаги гуруҳлардан бирига кирувчи ва ўз мақоми ўзгарганлиги туфайли истиқомат қилиш мақомини ўзгартирмоқчи бўлган хорижлик шахслар ўз мақоми ўзгарган санадан бошлаб 30 кун ичида Адлия Вазирлигидан истиқомат қилиш мақомини ўзгартириш учун рухсатнома олиши лозим ("Иммиграция назорати тўғрисида"ги Қонуннинг 24(2)-моддаси ва 31(1)-моддаси; "Иммиграция назорати тўғрисидаги қонунни қўллаш тўғрисида”ги Қоиданинг 45(1)-моддаси).
· Корея Республикасидаги хорижий дипломатик миссиялар (шу жумладан, элчихоналар ва консулликлар) ва халқаро ташкилотлар ходимлари ва уларнинг оила аъзолари
· Корея Республикаси ҳукумати билан тузилган келишувга кўра дипломатлар ёки консуллар билан бир хил имтиёзлар ва дахлсизлик ҳуқуқларига эга шахслар ва уларнинг оила аъзолари
· Корея Республикаси ҳукумати томонидан таклиф этилган ва муҳим дипламатик, саноат ва/ёки мудофаа ишларига жалб этиладиган шахс ва унинг оиласи ёки Адлия Вазирлиги томонидан хорижликларни рўйхатдан ўтказиш тартиботини ўташдан озод этилган ҳар қандай шахслар
Виза мақомини ўзгартириш учун рухсат олиш тартиб-таомиллари
Ариза билан бирга тақдим этилиши керак бўлган ҳужжатлар
- Виза турини ўзгартириш учун рухсат олмоқчи бўлган шахслар виза турини ўзгартириш ҳақидаги аризани, паспортини ва хорижликни рўйхатдан ўтказилганлик тўғрисидаги гувоҳномани (агар бўлса) ва виза турига қараб талаб этиладиган бошқа ҳужжатларни тақдим этиши керак. Юқорида айтилган ҳужжатларни Муҳожирлик хизмати бошлиғига (кейинги ўринларда “Хизмат раҳбари” деб юритилади), муҳожирлик бошқармаси раҳбарига (кейинги ўринларда “бошқарма раҳбари” деб юритилади) ёки муҳожирлик бошқармаси ҳудудий бўлими раҳбарига (кейинги ўринларда “ҳудудий бўлим раҳбари” деб юритилади) тақдим этиш лозим ( “Муҳожирлик тўғрисидаги қонун ижроси тўғрисида”ги Қарорнинг 30(1)-моддаси ва “Муҳожирлик тўғрисидаги қонун ижроси тўғрисида”ги Қоидаларнинг 34-формаси).
- Агар тақдим этиладиган ҳужжатлар ҳақидаги маълумотни, "Электрон ҳукумат тўғрисида"ги Қонуннинг 36(1)-моддасига мувофиқ, маъмурий маълумотлардан биргаликда фойдаланиш орқали тасдиқлаш мумкин бўлса, ушбу тасдиқлаш ҳужжатларни тақдим этишнинг ўрнини босиши мумкин ("Иммиграция назорати тўғрисидаги қонунни қўллаш тўғрисида”ги Қоиданинг 76(3)-моддаси).
Агар виза мақомини ўзгартириш учун рухсат олмоқчи бўлган талабгор 17 ёшга тўлмаган бўлса
- Агар виза мақомини ўзгартириш учун рухсат олмоқчи бўлган талабгор 17 ёшга тўлмаган бўлса ва агар бу шахс ушбу рухсатномани олиш учун ариза тақдим эта олмаса, унинг ота-онаси, унинг ҳақиқий қўллаб-қувватловчи шахс, унинг акаси ёки опаси, унинг тавсия берувчиси ёки у билан бирга яшовчи бошқа шахс у аризани тақдим этиши лозим ("Иммиграция назорати тўғрисида"ги Қонуннинг 79-моддаси 2-субпараграфи; "Иммиграция назорати тўғрисидаги қонунни қўллаш тўғрисида”гиҚарорнинг 89(1)-моддаси; "Иммиграция назорати тўғрисидаги қонунни қўллаш тўғрисида”ги Қоиданинг 34-моддаси 2-субпараграфи).
Виза турини ўзгартириш учун рухсат олиш ҳақида ариза бериш учун тўлов
- Виза мақомини ўзгартириш учун ариза тақдим этишда олинадиган тўлов миқдори 100 000 вонни ташкил этади [аммо Доимий истиқомат мақоми (F-5)учун олинадиган тўлов 200 000 вон] ("Иммиграция назорати тўғрисидаги қонунни қўллаш тўғрисида”ги Қоиданинг 72-моддаси 5-субпараграфи)
Аризани қабул қилиш ва кўриб чиқиш
- Адлия Вазирлиги аризани тасдиқлаганда, хизмат раҳбари, бошқарма раҳбари ёки ҳудудий бўлим раҳбари ариза берувчининг паспортига виза турини ўзгартириш учун рухсат беришни англатувчи штампни босади ва виза тури, виза муддати ва иш жойи ҳақидаги маълумотни киритади ёки ариза берувчининг паспортига виза турини ўзгартириш учун рухсат беришни англатувчи стикерни ёпиштиради (“Муҳожирлик тўғрисидаги қонун ижроси тўғрисида”ги Қарорнинг 30(3)-моддаси).
- Агар виза мақомини ўзгартириш учун рухсат берилмаса, талабгорга туриш даврини узайтиришга рухсат берилмаганлиги ҳақида билдиришнома берилади. Бу ҳолатда, хорижлик шахсга олдиндан берилган туриш даври охиригача Кореяда қолишга рухсат берилиши мумкин ("Иммиграция назорати тўғрисидаги қонунни қўллаш тўғрисида”ги Қарорнинг 33(1)-моддаси; "Иммиграция назорати тўғрисидаги қонунни қўллаш тўғрисида”ги Қоиданинг 43-3-шакли)
- Агар виза муддатини узайтириш (ва ҳоказо) мурожаати рад этилган ҳолатларда, Корея Республикасини тарк этиш учун бериладиган муддатни мурожаат рад этилганлиги ҳақида билдиришнома берилган санадан бошлаб 14 кунни ташкил этади. Аммо агар зарур, деб топилса, виза муддати тугаш санаси Кореяни тарк этиш учун бериладиган муддатнинг охирги санаси сифатида белгиланиши мумкин. Виза турини ўзгартириш ёки виза муддатини узайтириш ҳақидаги мурожаат қаноатлантирилса, мамлакатни тарк этиш учун муддат белгиланмаслиги мумкин (“Муҳожирлик тўғрисидаги қонун ижроси тўғрисида”ги Қарорнинг 33(2)-моддаси ва “Муҳожирлик тўғрисидаги қонун ижроси тўғрисида”ги Қоидаларнинг 43-3-формаси).
Виза мақомини ўзгартириш учун рухсатноманинг бекор қилиниши ёки ўзгартирилиши
Виза мақомини ўзгартириш учун рухсатнома бекор қилиниши ёки рухсатнома ўзгартирилишига алоқадор шахслар
- Агар хорижлик шахс қуйидаги ҳолатларда бўлса, Адлия Вазирлиги виза ўзгартириш учун рухсатномани бекор қилиши ёки рухсатномани ўзгартириши мумкин ("Иммиграция назорати тўғрисида"ги Қонуннинг 89(1)-моддаси).
· Кафолат берувчи ўз содиқлик кафолатини қайтариб олса ёки бундан буён кафолат берувчи мавжуд бўлмаса
· Рухсатнома сохта ёки ноқонуний йўллар билан қўлга киритилганлиги аниқланса
· Рухсатноманинг шартлари бузилса
· Вазият ўзгарганлиги туфайли рухсатномани бундан буён амалда бўлишидан воз кечиш учун моддий сабаблар бўлса
· "Иммиграция назорати тўғрисида"ги Қонун ёки бошқа қонунлар жиддий тарзда бузилса ёки иммиграция назорати расмийси томонидан чиқарилган қонуний асосдаги буйруқ бузилса
Фикрларни тинглаш
- Агар виза мақомини ўзгартириш учун рухсатномани бекорқилиш ёки ўзгартириш зарур, деб топилса, Адлия Вазирлиги тегишли талабгорга, 79-моддага кўра, унинг фикрини тинглаш учун Вазирликка ташриф буюришини талаб қилиши мумкин ("Иммиграция назорати тўғрисида"ги Қонуннинг 89(2)-моддаси).
- Талабгорнинг фикрини тинглаш учун Адлия Вазирлиги талабгор ташриф буюриши керак бўлган санадан 7 кун олдин талабгорга виза мақомини ўзгартириш учун рухсатноманинг бекор қилиниши ёки ўзгартирилиши сабаблари ва қачон ва қаерга ташриф буюриши кераклиги ҳақида маълум қилади ("Иммиграция назорати тўғрисида"ги Қонуннинг 89(3)-моддаси).
Агар виза мақомини ўзгартириш учун рухсатнома олинмаса, қўлланиладиган санкциялар
Мажбурий депортация
- Агар Корея Республикасида яшаётган хорижлик шахс Адлия Вазирлигидан виза мақомини ўзгартириш учун олдиндан рухсат олмасдан туриб истиқомат қилиш мақоми рухсат бермайдиган фаолият турлари билан шуғулланса, у шахс Корея Республикасидан мажбурий равишда чиқариб юборилиши мумкин ("Иммиграция назорати тўғрисида"ги Қонуннинг 46(1)8-моддаси).
Жазо
- Бундан ташқари, юқорида айтилган қонунбузарликни содир этган хорижлик шахсга нисбатан 3 йилгача қамоқ ёки 30 миллион Корея вонигача жарима жазоси қўлланилади ("Иммиграция назорати тўғрисида"ги Қонуннинг 94(16)-моддаси).