Виза бериш тартиб-таомиллари
Виза учун ариза бериш
- Корея Республикасига виза олмоқчи бўлган хорижлик шахс виза учун ёзма ариза шакли ва паспорти, шунингдек, аризага илова қилган ҳолда тегишли истиқомат мақоми учун талаб этиладиган ҳужжатларни Адлия вазирига тақдим этиши керак (“Муҳожирлик тўғрисидаги қонун ижроси тўғрисида”ги Қарорнинг 7(1)-моддаси).
※ Виза учун ариза билан бирга истиқомат мақомигақараб тақдим этилиши керак бўлган ҳужжатлар ҳақида "Иммиграция назорати тўғрисидаги қонунни қўллаш тўғрисида”ги Қоиданинг 5-иловасида батафсил маълумот олиш мумкин.
Иммиграция назорати тўловларини тўлаш
- Визаучунаризабергандатўланадиган иммиграция назорати тўловлари қуйидагилардир (гуруҳ бўлиб виза олганда, ҳар бир киши учун тўланадиган тўлов миқдори кўрсатилган) ("Иммиграция назорати тўғрисида"ги Қонуннинг 87(1)-моддаси; "Иммиграция назорати тўғрисидаги қонунни қўллаш тўғрисида”ги Қоиданинг 71(1)-моддаси)
· Туриш даври 90 кундан кам бўлган бир марталик кириш визаси: АҚШ валютасида 40 долларга тенг қийматдаги сумма (кейинги ўринларда “АҚШ доллари”).
· Туриш даври 91 кундан ортиқ бўлган бир марталик кириш визаси: 60 АҚШ долларига тенг қийматдаги сумма.
· 2 марта кириш ҳуқуқини берувчи кўп марталик кириш визаси: 70 АҚШ долларига тенг қийматдаги сумма.
· Киришлар сони чекланмаган кўп марталик кириш визаси: 90 АҚШ долларига тенг қийматдаги сумма.
- Тўловларни гербли марка, нақд пул ва нақд пул тўлов сертификати шаклида амалга ошириш мумкин ("Иммиграция назорати тўғрисидаги қонунни қўллаш тўғрисида”ги Қоиданинг 73-моддаси 3-субпараграфи).
- Агар зарур деб топилса, Адлия Вазирлиги қуйидаги ҳолатларда санаб ўтилган сабабларга кўра, виза талабгорини тўловдан озод қилиши мумкин "Иммиграция назорати тўғрисида"ги Қонуннинг (“Муҳожирлик тўғрисидаги қонун ижроси тўғрисида”ги Қоидаларнинг 74(1)-моддаси).
· Корея муассасаси ёки ташкилоти халқаро ҳамкорлик дастурларини амалга ошираётган бўлса ёки Адлия Вазирлиги томонидан тайинланган Корея муассасаси ёки ташкилоти хорижлик шахснинг авиачипта ва яшаш харажатларини ўз зиммасига олган бўлса ёки Корея Республикасига гуманитар мақсадларда таклиф этилган хорижлик шахсни киришга рухсатнома олиш ёки виза бериш билан боғлиқ тўловлардан озод этиш лозим, деб топилса
·Корея Республикаси ҳукумати, ҳукумат инвестиция киритган тадқиқот институтлари ёки ҳукумат инвестиция киритган фан/технология тадқиқоти институтлари ёки махсус тадқиқот институти Корея Республикасига таклиф этилган хорижлик шахснинг яшаш харажатлари ва ўқиш пулини ўз бўйнига олганда ва у хорижлик шахс "Иммиграция назорати тўғрисидаги қонунни қўллаш тўғрисида”ги Қарорнинг 1-иловасида белгилаб қўйилган 4. Санъат ва маданият (D-1), 5. Хорижда ўқиш (D-2) ёки 7. Умумий тренинг (D-4) 1-2 иловадаги каби фаолият турлари билан шуғулланиш мақсадида истиқомат қилиш мақомини/туриш муддатини ўзгартириш учун ёки Кореяга қайта кириш учун рухсатнома сўраб ариза билан мурожаат қилганда.
· "Иммиграция назорати тўғрисидаги қонунни қўллаш тўғрисида”ги Қарорнинг 1-иловасида белгилаб қўйилган 1. Дипломатик виза (A-1) дан 3гача. Халқаро келишувлар (A-3) ёки 11 Корпоратив инвестиция визаси (D-8) 1-2 иловадаги каби истиқомат қилиш мақомига эга шахслар
· “Муҳожирлик тўғрисидаги қонун ижроси тўғрисида”ги Қоидаларнинг 72-моддаси 11 ва 12-кичик бандларини электрон ҳужжатлар сифатида кўриб чиқиш ёки далилини таъминлаш
· Адлия Вазирлиги миллий манфаатлар йўлида ёки гуманитар асосларга кўра, ушбу тўловдан озод қилиш лозим, деб топганда
·Қуйидаги гуруҳлардан бирига кирувчи шахслар Кореядан чиқиш/Кореяга кириш ҳақидаги фактни тасдиқлаш учун мурожаат қилганда
√ Давлат мустақиллиги учун алоҳида хизматлар қилган шахслар ва ушбу марҳумнинг қариндошлари (фақат устиворликка эга шахслар)
√ Корея Республикаси учун алоҳида хизматлар қилган шахслар ва ушбу марҳумнинг қариндошлари (фақат устиворликка эга шахслар)
√ Въетнам уруши вақтида қўлланилган заҳарли кимёвий моддалар қурбонлари ва ушбу касалликни ўз ота-оналаридан мерос қилиб олган шахслар
√ Уруш фахрийлари
√ Кванжу демократик ҳаракатида миллат фахри, дея эътироф этилган шахслар (фақат устиворликка эга шахслар)
√ Корея учун махсус миссияда жасорат кўрсатган шахслар ва марҳумнинг қариндошлари (фақат устиворликка эга шахслар)
- Корея Республикаси билан ушбу тўловлардан озод этиш бўйича келишувга эга бўлган қуйидаги мамлакатларнинг фуқаролари тўловлардан озод этилади.
Қабулқилиш ва текшириш
- Адлия Вазирлиги виза берилишини маъқулласа ёки хорижий дипломатик миссия бошлиғига Адлия Вазири виза бериш ваколатини берганда, дипломатик миссия бошлиғи виза сўраб мурожаат қилган хорижлик шахсни қуйидаги талабларни қаноатлантириш ёки қаноатлантирмаслигини текширади ва тасдиқлайди ("Иммиграция назорати тўғрисидаги қонунни қўллаш тўғрисида”ги Қоиданинг 9-2-моддаси).
· Паспорт ҳақиқийлиги
· "Иммиграция назорати тўғрисида"ги Қонуннинг 11-моддасига асосан хорижлик шахснинг киришини таъқиқлаш ёки рад этиш керак ёки керак эмаслиги.
· Хорижлик шахс "Иммиграция назорати тўғрисидаги қонунни қўллаш тўғрисида”ги Қарорнинг 1 дан 1-3-иловасигача белгилаб қўйилган истиқомат қилиш мақоми учун белгиланган талабларни қаноатлантириши ёки қаноатлантирмаслиги.
· Хорижлик шахс ўзининг Кореяга кириш мақсади "Иммиграция назорати тўғрисидаги қонунни қўллаш тўғрисида”ги Қарорнинг 1 дан 1-3-иловасигача белгилаб қўйилган истиқомат қилиш мақомига мувофиқ эканлигини тушунтириб бериши.
· Хорижлик шахс ўзининг истиқомат қилиш мақомига мувофиқ рухсат этилган Кореяда туриш даври тугашигача ўз она мамлакатига қайтиб кетиши ҳақида ваъда бериши.
· Бундан ташқари, хорижлик шахснинг "Иммиграция назорати тўғрисидаги қонунни қўллаш тўғрисида”ги Қарорнинг 1 дан 1-3-иловасигача белгиланган тегишли истиқомат қилиш мақомига мувофиқ Адлия Вазирлиги томонидан алоҳида равишда белгиланган мезонларга жавоб бериши.
Виза бериш
- Адлия Вазирлиги, агар зарур, деб топса, виза олмоқчи бўлган хорижлик шахсдан тегишли марказий маъмурий давлат муассасаси бошлиғи томонидан бериладиган тавсиянома хатини тақдим этишини ёки марказий маъмурий давлат муассасаси бошлиғидан ўша хорижлик шахс ҳақидаги фикрини сўраши мумкин ("Иммиграция назорати тўғрисидаги қонунни қўллаш тўғрисида”ги Қарорнинг 7(5)-моддаси).
- Хорижлик шахсга ишлаш ҳуқуқини берувчи белгиланган истиқомат қилиш мақомига мувофиқ виза бераётганда, Адлия Вазирлиги мамлакатдаги бандлик билан боғлиқ вазиятни ҳисобга олади ("Иммиграция назорати тўғрисидаги қонунни қўллаш тўғрисида”ги Қарорнинг 7(7)-моддаси).
- Виза берилганда, унда истиқомат қилиш мақоми ва туриш даври каби маълумотлар кўрсатилади ва у талабгор номига берилади ва унинг паспортига бириктирилади ("Иммиграция назорати тўғрисидаги қонунни қўллаш тўғрисида”ги Қарорнинг 7(2)-моддаси).
Визанинг бекор қилиш ва ўзгартиш
Хорижлик шахсларнинг визаси бекор қилиниши ёки ўзгартирилиши мумкин
- Агар хорижлик шахс қуйидаги ҳолатларда бўлса, Адлия Вазирлиги визани бекор қилиши мумкин ("Иммиграция назорати тўғрисида"ги Қонуннинг 89(1)-моддаси).
· Кафолат берувчи ўз содиқлик кафолатини қайтариб олса ёки бундан буён кафолат берувчи мавжуд бўлмаса
· Кириш рухсатномаси ёлғон ёки ноқонуний йўллар билан қўлга киритилганлиги аниқланса
· Рухсатнома шартлари бузилса
· Вазият ўзгарганлиги туфайли рухсатномани бундан буён амалда бўлишидан воз кечиш учун моддий сабаб бўлса
· "Иммиграция назорати тўғрисида"ги Қонун ёки бошқа қонунлар жиддий тарзда бузилса ёки иммиграция назорати расмийси томонидан чиқарилган қонуний асосдаги буйруқ бузилса.
Фикрларни тинглаш
- Агар визани бекор қилиш ёки ўзгартириш зарур, деб топилса, Адлия Вазирлиги тегишли талабгорга, 79-моддага кўра, унинг фикрини тинглаш учун Вазирликка ташриф буюришини талаб қилиши мумкин ("Иммиграция назорати тўғрисида"ги Қонуннинг 89(2)-моддаси).
- Талабгорнинг фикрини тинглаш учун Адлия Вазирлиги талабгор ташриф буюриши керак бўлган санадан 7 кун олдин талабгорга визанинг бекор қилиниши ёки ўзгартирилиши сабаблари ва қачон ва қаерга ташриф буюриши кераклиги ҳақида маълум қилади ("Иммиграция назорати тўғрисида"ги Қонуннинг 89(3)-моддаси).