Халқаро ҳайдовчилик гувоҳномасига эга ҳайдовчилар
Халқаро ҳайдовчилик гувоҳномаси нима?
- "Халқаро ҳайдовчилик гувоҳномаси" - бу чет элдаги ваколатли ташкилот томонидан берилган сертификатланган ҳайдовчилик гувоҳномаси ("Йўл ҳаракати тўғрисида”ги Қонуннинг 96-моддаси,1-параграфи).1949 йилда имзоланган Йўл ҳаракати тўғрисидаги Женева конвенцияси ва 1968 йилда имзоланган Йўл ҳаракати тўғрисидаги Вена конвенсиясига кўра тегишли контент кўрсатилган.
Халқаро ҳайдовчилик гувоҳномасини бериш
Халқаро ҳайдовчилик гувоҳномасини олиш учун талаб қилинадиган малакалар
- Корея Республикасининг ҳайдовчилик гувоҳномасига эга бўлган ҳайдовчилар чет элда ҳаракатланиш учун "Йўл ҳаракати тўғрисида”ги Конвенцияга биноан халқаро ҳайдовчилик гувоҳномасини ("Йўл ҳаракати тўғрисидаги қонун ижроси тўғрисида”ги Қоидаларнинг 90-илова шаклига мувофиқ) олишади.“Йўл ҳаракати тўғрисида”ги Қонуннинг 98-моддаси, 1-параграфига ва "Йўл ҳаракати тўғрисидаги қонун ижроси тўғрисида”ги Қоидаларга мувофиқ, ҳайдовчи ўз аризасига ("Йўл ҳаракати тўғрисидаги қонун ижроси тўғрисида”ги Қоидаларнинг 59-сонли ариза шакли) битта фотосуратини илова қилган ҳолда шаҳар / вилоят полиция идоралари ёки Йўл ҳаракати бошқармасининг комиссарларига мурожаат қилади.
- Агар талабгор "Электрон ҳукумат тўғрисида"ги Қонуннинг 36-моддаси 1-параграфига биноан Маъмурий маълумотларни бўлишиш тизими орқали паспорт маълумотларини тасдиқланишига розилик бермаса, у ўз паспорт нусхасини тақдим этиши керак (ёки ўз паспортини кўрсатиши керак). ("Йўл ҳаракати тўғрисидаги қонун ижроси тўғрисида”ги Қоидаларнинг 98-моддаси 2-параграфи).
- Моторли велосипед ва Ўрганувчи ҳайдовчилик гувоҳномаси халқаро ҳайдовчилик гувоҳномасини олиш ҳуқуқини бермайди ("Йўл ҳаракати тўғрисидаги қонун ижроси тўғрисида”ги Қоидаларнинг 98-моддаси,1-параграфи).
Халқаро ҳайдовчилик гувоҳномасининг юридик кучи
- Халқаро ҳайдовчилик гувоҳномасининг амал қилиш муддати берилган кундан бошлаб йилдир ("Йўл ҳаракати тўғрисида”ги Қонуннинг 98-моддаси,2-параграфи).
- Халқаро ҳайдовчилик гувоҳномаси юридик кучи бекор қилингандан кейин у ўз кучини йўқотади. Миллий ҳайдовчилик гувоҳномасининг амал қилишини вақтинча тўхтатиб қўйиш, шунингдек, халқаро ҳайдовчилик гувоҳномасининг амал қилишини ҳам вақтинча тўхтатиб қўяди ("Йўл ҳаракати тўғрисида”ги Қонуннинг 98-модда 3 ва 4-параграфлари).
※ Халқаро ҳайдовчилик гувоҳномасига оид эслатмалар
· Халқаро шартнома мазмуни ва мамлакатнинг тегишли Қонунлари ва қонун ости ҳужжатларига мувофиқ, агар ҳайдовчи мамлакатга кирганидан кейин бир йил ўтган бўлса, халқаро ҳайдовчилик гувоҳномаси амал қилиш муддатидан қатъий назар у ўз кучини йўқотиши мумкин.
· Ҳайдовчи автоулов ҳайдаганда ўзининг миллий ва халқаро ҳайдовчилик гувоҳномаси ва паспортини ўзи билан олиб юриши шарт, чунки чет элдаги аксарият мамлакатлар, ҳайдовчининг ёнида ҳар учала гувоҳнома бўлмаса, у гувоҳномасиз автоулов бошқармоқда, деб ҳисоблашади.Шунингдек,АҚШ ва Канада каби мамлакатларда ҳар бир штатнинг Йўл ҳаракати тўғрисидаги қонуни халқаро ҳайдовчилик гувоҳномалари тан олиниши бўйича турли хил қоидаларни қўллаши мумкин. Шунинг учун халқаро ҳайдовчилик гувоҳномасининг тегишли давлатда амал қилиши билан боғлиқ қоидаларни билиб олиш учун ҳайдовчи элчихонадан маълумот сўраши керак.
· Халқаро ҳайдовчилик гувоҳномасида кўрсатилган ҳайдовчининг инглиз тилида ёзилган исм-шарифи ва имзосипаспортидаги билан бир хил бўлган тақдирдагина халқаро ҳайдовчилик гувоҳномаси юридик кучга эга ҳисобланади.
Кореяда берилган халқаро ҳайдовчилик гувоҳномаларига рухсат берувчи мамлакатлар
- Ҳайдовчилар Кореяда берилган халқаро ҳайдовчилик гувоҳномасидан Йўл ҳаракати тўғрисидаги Женева конвенциясини қўллайдиган мамлакатларда фойдаланишлари мумкин.
Ҳайдовчилик гувоҳномаларини алмашадиган мамлакатлар
- Маҳаллий ҳайдовчилик гувоҳномаларини фақат лаёқат тести (тиббий кўрик) орқали берадиган мамлакатларда (бундан кейинги ўринларда "Гувоҳномаларни алмашадиган мамлакатлар"), ҳайдовчилар Корея ҳайдовчилик гувоҳномасини маҳаллий ҳайдовчилик гувоҳномаси билан алмаштиришлари мумкин (худди Кореяда гувоҳнома олиш имтиҳонларидан озод қилиш каби) ("Йўл ҳаракати тўғрисида”ги Қонуннинг 84-модда 2-параграфи).