Иш ҳақлари ва меҳнат стандартларига оид масалалар
- Қуйидаги ҳолатларда, хорижлик ишчилар ҳудудий бандлик ва меҳнат маъмуриятининг хорижлик ишчи иш жойида юрисдикцияга эга бўлган меҳнатни назорат қилиш бўлимига мурожаат қилишлари мумкин:
1. Иш ҳақлари ёки кексалик нафақа пулларининг тўланмаслиги;
2. Иш берувчи ёки иш бошқарувчи томонидан жисмоний зўравонлик; ёки
3. Ишчининг розилигисиз қўшимча иш соатлар жорий этилиши ёки мажбурий меҳнат.
Иш жойида техника хавфсизлигига оид масалалар
- Иш жойида техника хавфсизлиги ва ишчилар саломатлиги бўйича шикоятлар қилиш учун хорижлик ишчилар ўз иш жойларида юрисдикцияга эга ҳудудий бандлик ва меҳнат маъмуриятининг иш жойида техника хавфсизлиги бўлимига мурожаат қилишлари мумкин.
Меҳнат фаолиятига оид масалалар
- Қуйидаги ҳолатларда хорижлик ишчилар ўз иш жойлари жойлашган ердаги иш билан таъминлаш марказига мурожаат қилишлари мумкин:
1. Иш жойини ўзгартириш ёки ишга жойлашиш бўйича маслаҳат керак бўлса;
2. Хорижликларнинг Корея Республикасидаги меҳнат фаолияти даврида турли тасдиқловчи ҳужжатлар, чунончи, ишга ёлланганлик ҳақидаги гувоҳнома каби ҳужжатлар берилиши керак бўлса; ёки
3. Меҳнат фаолияти даврида шикоятлар бўйича маслаҳат керак бўлса.
Тил бўйича кўмак беришга оид масалалар
- Қуйидаги ҳолатларда хорижлик ишчилар мижозларга хизмат кўрсатиш маркази (тел: 1350) ёки Бандлик ва меҳнат Вазирлигининг хорижлик ишчи кучи бўйича сиёсат бўлимига мурожаат қилишлари мумкин:
1. Хорижлик ишчининг она тилида маслаҳат ёки маълумот бериш зарур бўлиб қолса; ёки
2. Турли фуқароларга маслаҳат бериш ва шикоятлар билан ишлаш ташкилотлари ҳақида маълумот бериш зарур бўлиб қолса.
Вақтинчалик яшашга оид масалалар
- Қуйидаги ҳолатларда хорижлик ишчилар Корея муҳожирлик хизматидан маслаҳат олишлари мумкин.
1. Корея Республикасида вақтинчалик яшаш, жумладан, хорижлик регистрация карталарининг берилиши, вақтинчалик яшаш муддатини узайтириш, иш жойини ўзгартиришга рухсат олиш каби масалалар бўйича маслаҳат керак бўлса; ёки
2. Хорижлик ишчининг Корея Республикасидаги муҳожирлик фаолияти жараёнида ёки вақтинчалик яшаш даврида унга адолатсиз муносабат кўрсатилган бўлса ёки кўрсатилиши кутилаётган бўлса.
Иш жойидаги бахтсиз ҳодиса учун товон тўлашга оид масалалар
- Хорижлик ишчилар иш жойидаги бахтсиз ҳодиса (иш жойида жароҳат олиш, касаллик орттириш, ногирон бўлиш ёки вафот этиш) учун товон ёки қараш учун ариза бериш бўйича Корея ишчилар учун товон ва уларнинг ижтимоий таъминоти Хизматидан маслаҳат олишлари мумкин.
Жиноятчиликка оид масалалар
- Хорижлик ишчилар ўз меҳнат фаолиятлари давомида юз берган жиноят натижасида етказилган зарар ёки ноодил муносабатлар юзасидан полицияга мурожаат қилишлари мумкин (Тел.: 112).