Хорижлик фуқароларни рўйхатга олиш ва ҳоказолар 
Хорижлик фуқароларни рўйхатга олиш
- Хорижлик ишчи Кореяга кирган санадан бошлаб 90 кун ичида хорижлик фуқарони рўйхатга олиш жараёнидан ўтиш учун Муҳожирлик хизмати раҳбарига, (кейинги ўринларда “Хизмат раҳбари” деб юритилади), Муҳожирлик хизмати бошқармаси бошлиғига (кейинги ўринларда “бошқарма бошлиғи” деб юритилади) ёки хориж ишчи яшайдиган жойда юрисдикцияга эга бўлган муҳожирлик хизматининг ҳудудий бошқармаси бошлиғига ариза тақдим этиши керак. Агар мазкур қонун талаби бажарилмаса, у хорижлик ишчига 1 йилгача меҳнатни ўз ичига олган қамоқ ёки 10 000 000 вонгача жарима жазоси қўлланилади ("Муҳожирлик устидан назорат тўғрисида"ги Қонуннинг 31(1) моддаси ва 95 моддасининг 7- кичик банди).
Хорижлик фуқарони рўйхатга олиш маълумотларининг ўзгариши
- Агар хорижлик ишчи хорижлик фуқароларни рўйхатга олиш жараёнидан ўтгандан сўнг, қуйидагиларда ўзгариш бўлса, у хорижлик ишчи рўйхатдан ўтганда қайд этилган маълумотларида ўзгаришлар бўлганлиги ҳақида 15 кун ичида Муҳожирлик хизмати раҳбарига, Муҳожирлик хизмати бошқармаси бошлиғига ёки хориж ишчи яшайдиган жойда юрисдикцияга эга бўлган муҳожирлик хизматининг ҳудудий бошқармаси бошлиғига бу ўзгаришлар ҳақида хабар қилиши керак ("Муҳожирлик устидан назорат тўғрисида"ги Қонуннинг 35- моддаси, "Муҳожирлик устидан назорат тўғрисидаги қонун ижроси тўғрисида"ги Қарорнинг 44.(1) моддаси ва "Муҳожирлик устидан назорат тўғрисидаги қонун ижроси тўғрисида"ги Қоидаларнинг 49-2 моддаси).
1. Исм-шариф, жинс, туғилган сана ёки фуқаролик;
2. Паспорт серия рақами, берилган санаси ёки амал қилиш муддати;
3. Саноат корхонаси, ташкилот, гуруҳ ёки компания томонидан илк бор ишга ёлланган меҳнат ташрифи (H-2) визасига эга хорижлик ишчи меҳнат фаолиятини бошлаганлик ҳақидаги билдиришномани тақдим этиши лозим; ёки
4. Жисмоний шахс, ташкилот, гуруҳ ёки компания томонидан аллақачон ишга ёлланган меҳнат ташрифи (H-2) визасига эга хорижлик ишчи бўлса, у меҳнат фаолиятини амалга ошираётган жисмоний шахс, ташкилот, гуруҳ ёки компаниядаги ўзгаришлар (жумладан, иш берувчи юридик номининг ўзгариши).
※ Ушбу талабларни бажармаган хорижлик ишчига 1 000 000 вонгача жарима қўлланилади ("Муҳожирлик устидан назорат тўғрисида"ги Қонуннинг 100.(2).1 моддаси).
Биометрик маълумотларни олиш
- 17 ёш ёки ундан катта бўлган ва хорижлик фуқарони рўйхатга олиш қайдномасидан ўтиш талаб этиладиган ҳар бир хорижлик фуқаро рўйхатга олиш вақтида муҳожирликни назорат қилиш хизмати ходими томонидан амалга ошириладиган барча бармоқлар изларини олиш ва махсус сканер қурилма орқали юз қиёфаси тасвирини олиш жараёнларини ўташи лозим. Бироқ 17 ёшга тўлишидан олдин хорижлик фуқарони рўйхатга олишдан ўтган ёки яшаш жойи ҳақида хабарнома тақдим этган шахслар 17 ёшга тўлган санадан бошлаб 90 кун ичида ушбу маълумотларни тақдим этишлари лозим ( "Муҳожирлик устидан назорат тўғрисида"ги Қонуннинг 38.(1).1 моддаси ва "Муҳожирлик устидан назорат тўғрисидаги қонун ижроси тўғрисида"ги Қоидаларнинг 50-моддаси 1-кичик банди).
- Агар хорижлик ишчи биометрик маълумотларни олиш талабларини рад этса, Муҳожирлик хизмати раҳбари, Муҳожирлик хизмати бошқармаси бошлиғи ёки муҳожирлик хизматининг ҳудудий бошқармаси бошлиғи “Муҳожирлик тўғрисида”ги Қонунга асосан у хорижлик ишчининг виза муддатини узайтириш ҳақидаги аризасини рад этиши мумкин ("Муҳожирлик устидан назорат тўғрисида"ги Қонуннинг 38.(2) моддаси).
Вақтинчалик яшаш муддатини узайтиришга рухсат бериш
- Агар хорижлик ишчилар амалдаги вақтинчалик яшаш муддатини узайтирмоқчи бўлсалар, амалдаги вақтинчалик яшаш муддати тугашидан олдин ушбу муддатни узайтириш учун ваколатли муҳожирлик хизмати бошқармаси ва унинг ҳудудий бўлимига ариза беришлари керак ("Муҳожирлик устидан назорат тўғрисида"ги Қонуннинг 25 моддаси ва "Муҳожирлик устидан назорат тўғрисидаги қонун ижроси тўғрисида"ги Қарорнинг 31-моддаси).
- Виза муддатини узайтириш учун рухсат олмоқчи бўлган хорижлик ишчи виза муддатини узайтириш ҳақидаги аризасини, шунингдек, виза турига қараб талаб қилинадиган тегишли ҳужжатларни (“Муҳожирлик тўғрисидаги қонун ижроси тўғрисида”ги Қоиданинг илова қилинган 5-2- жадвали) Муҳожирлик хизмати раҳбарига, Муҳожирлик хизмати бошқармаси бошлиғига ёки хорижлик ишчи яшайдиган жойда юрисдикцияга эга бўлган муҳожирлик хизматининг ҳудудий бошқармаси бошлиғига тақдим этиши керак ("Муҳожирлик устидан назорат тўғрисидаги қонун ижроси тўғрисида"ги Қарорнинг 31.(1) моддаси).
※ Ушбу талабни бажармаган шахсга мажбурий меҳнатни ўз ичига олган ёки олмаган 3 йилгача бўлган қамоқ жазоси ёки 30 000 000 вонгача жарима жазоси қўлланилади ("Муҳожирлик устидан назорат тўғрисида"ги Қонуннинг 94 моддаси 17 кичик банди).
Иш жойини ўзгартириш ёки қўшимча ишга ёлланиш учун рухсат олиш ва бу ҳақида хабар бериш
Иш жойини ўзгартириш ёки қўшимча ишга ёлланиш учун рухсат олиш
- Корея Республикасида яшаётган хорижлик ишчилар вақтинчалик яшаш статуси доирасида иш жойини ўзгартириш ёки қўшимча ишга ёлланиш учун ("Муҳожирлик устидан назорат тўғрисида"ги Қонунини ижро этиш қарори 26-моддасига мувофиқ олдиндан Aдлия вазирининг рухсатини олиши лозим ("Муҳожирлик устидан назорат тўғрисида"ги Қонуннинг 21.(1) моддаси).
- Ўз иш жойини ўзгартириш ёки қўшимча ишга жойлашиш учун рухсат олмоқчи бўлган хорижлик ишчи иш жойини ўзгартириш ёки қўшимча ишга жойлашиш ҳақидаги аризасини, шунингдек, виза турига қараб талаб қилинадиган тегишли ҳужжатларни Муҳожирлик хизмати раҳбарига, Муҳожирлик хизмати бошқармаси бошлиғига ёки хорижлик ишчи яшайдиган жойда юрисдикцияга эга бўлган муҳожирлик хизматининг ҳудудий бошқармаси бошлиғига тақдим этиши керак ("Муҳожирлик устидан назорат тўғрисидаги қонун ижроси тўғрисида"ги Қарорнинг 26.(1) моддаси ва "Муҳожирлик устидан назорат тўғрисидаги қонун ижроси тўғрисида"ги Қоидаларга илова қилинган 5-2 форма).
Иш жойини ўзгартирганлик ёки қўшимча ишга ёлланганлик ҳақида хабар бериш
- Махсус ихтисослик билими, малакаси ёки қобилиятига эга шахс қуйидаги шартларни қаноатлантирса, у шахс ўз иш жойини ўзгартириши ёки қўшимча ишга жойлашиши учун фақатгина иш жойини ўзгартирган ёки қўшимча ишга жойлашган санадан бошлаб 15 кун ичида ("Муҳожирлик устидан назорат тўғрисида"ги Қонунини ижро этиш қарори 26-моддасига мувофиқ Aдлия вазирига бу ҳақида хабар қилса кифоя ("Муҳожирлик устидан назорат тўғрисидаги қонун ижроси тўғрисидаги Қарорнинг 26-2. (1) моддаси, "Муҳожирлик устидан назорат тўғрисида"ги Қонуннинг 21.(1) моддасининг махсус эслатмаси ва "Муҳожирлик устидан назорат тўғрисидаги қонун ижроси тўғрисида"ги Қарорнинг 26-2.(1) моддасига кўра фақат билдиришнома тақдим этиш орқали иш жойини ўзгариш ёки қўшимча иш олиш ҳуқуқига эга хорижликлар учун талаблар).
1. Шартлар ва талаблар
√ Хорижлик фуқарони рўйхатга олиш қайдномасидан ўтиб Корея Республикасида профессорлик (E-1), хорижий тил йўриқчиси (E-2), тадқиқот (E-3), технологияни ўргатиш (E-4), профессионал меҳнат (E-5), санъат ва томошалар (E-6) ёки махсус касб турлари (E-7) статуси билан яшаб келаётган бўлиш.
√ Янги иш жойида ёки қўшимча ёлланадиган иш жойида ишлаш учун зарур бўлган малакаларга эга бўлиш.
2. Истисноли ҳолатлар
√ "Туризмни қўллаб-қувватлаш тўғрисида"ги Қонунга кўра (E-6-2) меҳмонхоналарда, кўнгилочар муассасаларда ва ҳоказо ерларда томоша чиқишлари билан шуғулланадиган санъат ва томошалар (E-6) визаси эгалари
√ Ҳар бир иш берувчи учунрухсат этилган ходимлар сони чекланганлиги сабабли олдиндан бошқаришни талаб қилувчи ва қуйидаги фаолият соҳаларида банд бўлган махсус касб турлари (E-7) визаси эгалари: Механик муҳандис (2351),лойиҳаловчи (2395),чет эллик сотувчитоифасидаги чет эллик онлайн маҳсулот сотувчи (2742),дизайнер (285),сотув ходими (31215),бош ошпаз ва ошпаз (441),мижозларга хизматкўрсатиш бўйича хизматчи (3991),меҳмонхона қабулхона ходими (3922),тиббиёткоординатор (S3922), аквакултура бўйича техник (6301), кема қурилиши пайвандчиси (7430),балларгаасосланган малакали ишчи 〔 илдиз саноати бўйича малакали техник (С740),қишлоқ, ўрмон,чорвачилик ва балиқчиликбўйича малакали техник (С610) ,умумийишлаб чиқарувчи ва қурилиш компаниясининг малакали техник ходими(С700)〕
√ Малакавий талабларга жавоб берадиган, аммо ўз айби билан шартнома муддати тугамай ишдан бўшатилган ёки ўз ихтиёри билан ишдан кетган ва бошқа иш жойига ўтиш учун рухсат олмаган шахслар
- Ўз иш жойини ўзгартириш ёки қўшимча ишга жойлашиш учун рухсат олмоқчи бўлган хорижлик ишчи иш жойини ўзгартириш ёки қўшимча ишга жойлашиш ҳақидаги аризасини, шунингдек, виза турига қараб талаб қилинадиган тегишли ҳужжатларни Муҳожирлик хизмати раҳбарига, Муҳожирлик хизмати бошқармаси бошлиғига ёки хорижлик ишчи яшайдиган жойда юрисдикцияга эга бўлган муҳожирлик хизматининг ҳудудий бошқармаси бошлиғига тақдим этиши керак ("Муҳожирлик устидан назорат тўғрисидаги қонун ижроси тўғрисида"ги Қарорнинг 26-2.(2) моддаси ва "Муҳожирлик устидан назорат тўғрисидаги қонун ижроси тўғрисида"ги Қоидаларга илова қилинган 5-2 форма).
Яшаш манзилни ўзгартирганлик ҳақида хабар бериш
- Агар хорижлик фуқароларни рўйхатга олиш жараёнидан ўтган хорижлик ишчи ўз яшаш жойини ўзгартирмоқчи бўлса, у янги яшаш жойига кўчиб ўтган кундан бошлаб 15 кун ичида бу ҳақида янги яшаш жойи жойлашган Си/Гун/Гу (Гу дейилганда, автоном бўлмаган Гу назарда тутилмоқда) раҳбарига ёки Йуп/Мён/Донг раҳбарига ёки Муҳожирлик хизмати раҳбарига, муҳожирлик хизмати бошқарма бошлиғига ёки янги яшаш жойида юрисдикцияга эга бўлган муҳожирлик хизмати ҳудудий бошқармаси бошлиғига хабар қилиши керак "Муҳожирлик устидан назорат тўғрисида”ги қонуннинг 36-моддаси 1-банди ва "Муҳожирлик устидан назорат тўғрисидаги қонун ижроси тўғрисида"ги Қарорнинг 45-моддаси 1-банди)
Паспорт ва хорижлик фуқаро регистрация картасини олиб юриш мажбурияти
- Корея Республикасида яшаётган хорижлик ишчилар доим ўз паспортлари ва хорижлик фуқаро регистрация карталарини ёнларида олиб юришлари ва муҳожирликни назорат қилиш хизмати ходими ёки ваколатга эга бўлган давлат органи ходими сўраганда, уни кўрсатишлари лозим ("Муҳожирлик устидан назорат тўғрисида"ги Қонуннинг 27 моддаси).