UZBEK

- ДТСХ нинг маълум ҳуқуққа эгалик, суғурта бадаллари, суғурта нафақалари ва суғурталанувчилар ишчи-ходимлар ва унинг қарамоғидаги шахслар (суғурталанувчининг турмуш ўртоғи ва туғишган аждод ва авлодлари назарда тутилмоқда) учун суғурта нафақаси харажатлари билан боғлиқ чиқарган қарорларидан қониқмаган шахслар ушбу эътирозларини расман ДТСХ га олиб чиқишлари мумкин ("Давлат тиббий суғуртаси тўғрисида"ги Қонуннинг 87 ①-моддаси).

- Эътирозни ёзма шаклда (жумладан, электрон ҳужжат шаклида ҳам) эътироз билдирувчи шахс қарордан хабар топган санадан кейин 90 кун ичида тақдим этиш лозим ва қарор чиқарилгандан кейин 180 кун ўтгач, эътироз тақдим этиб бўлмайди: аммо агар қонуний сабабларга кўра белгиланган давр ичида эътироз тақдим этишнинг иложи бўлмаганлиги ҳақида тушунтириш берилса, юқоридаги муддат билан боғлиқ талаб амал қилмайди ("Давлат тиббий суғуртаси тўғрисида"ги Қонуннинг 87 ③-моддаси).

- Эътироз олиб чиқмоқчи бўлган шахс белгиланган формани ("Давлат тиббий суғуртаси тўғрисидаги қонун ижроси тўғрисида"ги Регламентнинг 32-формаси) тайёрлаши ва эътироз аризасини шахсан ДТСХ га ташриф буюриб ёки электрон почта ёки факс орқали тақдим этиши лозим (ДТСХ нинг филиали, ҳудудий бошқармаси ва бош бошқармасига).

- Эътироз олиб чиқмоқчи бўлган шахс интернетдан алоҳида формани юклаб олиб ўтирмасдан, рухсат этилган сертификат ёрдамида ДТСХ нинг веб-сайтига кирган ҳолда эътироз аризасини тақдим этиши мумкин (ДТСХ веб-сайти –ДТСХ билан танишиш – Эътирозларни кўриб чиқиш Қўмитаси – Тақдим этиш усуллари / форма).

- ДТСХ ва Тиббий суғурта бўйича кўриб чиқиш ва баҳолаш Хизмати ёзма эътироз қабул қилингандан сўнг 60 кун ичида қарор қабул қилади ("Давлат тиббий суғуртаси тўғрисидаги қонун ижроси тўғрисидаги"ги Қарорнинг 58 ① моддасининг асосий гапи).

- Агар кутилмаган ўзига хос вазиятлар мавжуд бўлса, ДТСХ бу муддатни кўпи билан 30 кунга узайтириш мумкин. Бу ҳолатда, эътироз тақдим этувчига ДТСХ бу ҳақида билдиришнома йўллайди ва бу билдиришнома қарор муддати тугашигача 7 кун қолган санага қадар етказилиши керак ("Давлат тиббий суғуртаси тўғрисидаги қонун ижроси тўғрисидаги"ги Қарорнинг 58 ①-моддасининг махсус эслатмаси ва ②-моддаси).

- ДТСХ ва Тиббий суғурта бўйича кўриб чиқиш ва баҳолаш Хизмати тақдим этилган эътироз бўйича қарор қабул қилгач, қарорнинг асл нусхасини эътироз тақдим этувчига ва қарорнинг нусхаларини манфаатли томонларга кечиктирмасдан етказиши лозим ("Давлат тиббий суғуртаси тўғрисидаги қонун ижроси тўғрисидаги"ги Қарорнинг 57-моддаси).

- Тақдим этилган эътироз юзасидан чиқарилган қарордан норози шахс Тиббий суғурта бўйича баҳсларни ҳал этиш Қўмитасига ишни кўриб чиқиш ҳақида илтимоснома тақдим этиши мумкин ("Давлат тиббий суғуртаси тўғрисида"ги Қонуннинг 88 ① моддасининг олдинги қисми).

- Ишни кўриб чиқиш ҳақидаги илтимосномани ёзма шаклда (жумладан, электрон ҳужжат шаклида ҳам) илтимоснома тақдим этувчи шахс эътироз юзасидан ДТСХ томонидан чиқарилган қарордан хабар топган санадан кейин 90 кун ичида тақдим этиш лозим ва қарор чиқарилгандан кейин 180 кун ўтгач, илтимосномани тақдим этиб бўлмайди: аммо агар қонуний сабабларга кўра белгиланган давр ичида илтимоснома тақдим этишнинг иложи бўлмаганлиги ҳақида тушунтириш берилса, юқоридаги муддат билан боғлиқ талаб амал қилмайди ("Давлат тиббий суғуртаси тўғрисида"ги Қонуннинг 88 ① моддасининг кейинги қисми ва 87③-моддаси).

- Ишни кўриб чиқиш ҳақидаги илтимоснома тақдим этмоқчи бўлган шахс ушбу илтимосномани ДТСХ, Тиббий суғурта бўйича кўриб чиқиш ва баҳолаш Хизмати ёки Тиббий суғурта бўйича баҳсларни ҳал этиш Қўмитасига шахсан ўзи бориб ёки почта орқали тақдим этиши мумкин ("Давлат тиббий суғуртаси тўғрисидаги қонун ижроси тўғрисидаги"ги Қарорнинг 59-моддаси; ва ДТСХ веб-сайти –ДТСХ билан танишиш – Эътирозларни кўриб чиқиш Қўмитаси – Кўп сўраладиган саволлар).

- Ишни кўриб чиқиш ҳақида талабномани интернет орқали Тиббий суғурта бўйича баҳсларни ҳал этиш Қўмитаси веб-сайтидан (hisimpan.mohw.go.kr) ёки Тиббий суғурта бўйича кўриб чиқиш ва баҳолаш Хизматининг веб-сайтидан (http://www.hira.or.kr) тақдим этиш мумкин.

- Тиббий суғурта бўйича баҳсларни ҳал этиш Қўмитаси ишни кўриб чиқиш ҳақида илтимоснома тақдим этилган санадан бошлаб 60 кун ичида қарор чиқаради ("Давлат тиббий суғуртаси тўғрисидаги қонун ижроси тўғрисидаги"ги Қарорнинг 61 ① моддасининг асосий гапи).

- Агар ўзига хос кутилмаган вазиятлар мавжуд бўлса, бу муддатни кўпи билан 30 кунга узайтириш мумкин. Бу ҳолатда, илтимоснома тақдим этувчига Тиббий суғурта бўйича баҳсларни ҳал этиш Қўмитаси бу ҳақида билдиришнома йўллайди ва бу билдиришнома қарор муддати тугашигача 7 кун қолган санага қадар етказилиши керак ("Давлат тиббий суғуртаси тўғрисидаги қонун ижроси тўғрисидаги"ги Қарорнинг 61 ①-моддасининг махсус эслатмаси ва ②-банди).

- Тиббий суғурта бўйича баҳсларни ҳал этиш Қўмитаси раиси ишни кўриб чиқиш ҳақида тақдим этилган илтимоснома юзасидан қарор чиқарганда, у илтимосноманинг қисқача мазмуни баён қилинган қарорга ўз имзоси ва муҳрини қўяди ва қарорнинг асл нусхасини илтимоснома тақдим этувчига ва қарорнинг нусхаларини эътироз билдирилган қарорларниинг асл нусхасини илтимоснома тақдим этувчига ва қарорнинг нусхаларини эътироз билдирилган қилинган қароргўғрисидаги қонун ижроси тўғрисидаги"ги Қарорнинг 60-моддаси).