Тиббий суғурта карталарини бериш
Тиббий суғурта карталарини бериш
- Суғурталанувчи ишчи-ходим ёки унинг қарамоғидаги шахснинг (ишчи-ходимнинг турмуш ўртоғи ва туғишган аждод ва авлодлари назарда тутилмоқда, кейинги ўринларда худди шу амал қилади) тиббий суғуртага суғурталаниш ҳуқуқига эга бўлганлиги ёки ушбу ҳуқуқнинг (мақомнинг) ўзгарганлиги ҳақида ДТСХ га ариза тақдим этилганда, Хизмат суғурталанувчи ёки тегишли иш берувчига тиббий суғурта карталарини кечиктирмасдан расмийлаштириб беради ("Давлат тиббий суғуртаси тўғрисида"ги Қонуннинг 12 ①-моддаси; ва "Давлат тиббий суғуртаси тўғрисидаги қонун ижроси тўғрисида"ги Регламентнинг 5-модда 1 ва 2-бандлар, Илованинг 10- формаси, 11- формаси ва 11-2- формалари).
Тиббий суғурта картасини тақдим этиш
Тиббий суғурта картасини тақдим этиш
- Суғурталанувчи ишчи-ходим ёки унинг қарамоғидаги шахс тиббий ёрдам учун нафақалар олаётганда ушбу суғурта картасини тиббиёт муассасасига тақдим этиши лозим: аммо агар табиий офат каби узрли вазиятларда, юқоридаги талаб амал қилмайди ("Давлат тиббий суғуртаси тўғрисида"ги Қонуннинг 12 ②-моддаси).
- Агар тиббиёт муассасаси яшаш жойида рўйхатга олинганлик ҳақидаги гувоҳнома, ҳайдовчилик гувоҳномаси ва паспорт каби шахсни тасдиқловчи ҳужжатлар ёрдамида суғурталанувчи ишчи-ходим ёки унинг қарамоғидаги шахснинг суғурта нафақаларини олишга ҳақ эканлигига ишонч ҳосил қила олса, суғурталанувчи ишчи-ходим ёки унинг қарамоғидаги шахс тиббий суғурта картасини тақдим этмаслиги мумкин ("Давлат тиббий суғуртаси тўғрисида"ги Қонуннинг 12 ③-моддаси).
Тиббий суғурта картасини қонунга хилоф тарзда қўлга киритишнинг таъқиқланиши
Қонунга хилоф тарзда қўлга киритишнинг таъқиқланиши
- Суғурталанувчи ишчи-ходим ва унинг қарамоғидаги шахс ушбу суғуртадан фойдаланиш ҳуқуқини йўқотган бўлса, у шахснинг ушбу суғуртадан фойдаланиш ҳуқуқига эга эканлигини тасдиқлаш учун илгари фойдаланиб келган ҳужжат асосида суғурта нафақаларини олишга ҳаққи йўқ ("Давлат тиббий суғуртаси тўғрисида"ги Қонуннинг 12 ④-моддаси).
- Суғурта нафақаларини олиш мақсадида ўз тиббий суғурта картасини ёки шахсини тасдиқловчи картасини бошқа шахсга ўтказиш ёки вақтинча бериб туриш, шунингдек, суғурта нафақаларини олиш мақсадида бошқа шахсларнинг тиббий суғурта картасини ёки шахсни тасдиқловчи ҳужжатини ўзига ўтказиш, вақтинча олиб туриш ёки бу картадан қаллоблик мақсадида фойдаланиш таъқиқланади ("Давлат тиббий суғуртаси тўғрисида"ги Қонуннинг 12 ⑤ ва ⑥-моддаси).
Қонунбузарлик учун жазо чоралари
- Қаллоблик ёки бошқа ноқонуний воситалар ёрдамида суғурта нафақалари олган ёки бошқа шахсларнинг шундай йўл билан суғурта нафақаларини олишини ташкил этган шахсларга нисбатан икки йилгачақамоқ ёки 20 миллион вонгача жарима жазоси қўлланади(“Давлат тиббий суғуртаси тўғрисида”ги Қонуннинг 115 ④-моддаси).