Автобус ёки метрода бирор нарсамни қолдириб кетсам, нима қилишим керак?
Бундай ҳолат бўлиб туради. Баъзида автобус ёки метрода ухлаб қоласиз ёки мудроқ босади, сўнг тушадиган бекатингиз келганда шошиб қоласиз ва нимангизнидир унутиб қолдириб кетасиз.Агар йўқолган нарсангиз кредит карта ва шахсингизни тасдиқловчи ҳужжатингиз солинган ҳамён ёки уяли телефон каби қимматбаҳо нарса бўлса, бу жуда ёмон. Бу инсонда ваҳима уйғотувчи ҳолат.
Аммо бўлган иш бўлди! Ваҳимага тушмасдан, қуйидаги чораларни кўришга ҳаракат қилинг:
Агар автобусда буюмингизни қолдириб кетсангиз- Аввало автобус корхонасига мурожаат қилиб, йўқолган буюмингиз улардами ёки йўқми, шуни аниқланг. Агар йўқолган буюм ҳали у ерга етиб бормаган бўлса, буюмингизни қолдириб кетган автобус йўналиши, унинг рақамини уларга батафсил маълум қилинг ва контакт маълумотларингизни уларга қолдиринг.
- Йўқолган буюмингиз қабул қилиб олинганини билиш ёки буюмингиз йўқолганлиги ҳақида хабар бериш учун энг яқин полиция маҳкамаси ёки патрул хизматига қўнғироқ қилишингиз ёки <Полиция агентлигининг йўқолган нарса-буюмлар ҳақида маълумотнома сайтига(http://www.lost112.go.kr/)>ташриф буюришингиз ҳам мумкин.
- Шунингдек, тегишли ҳудудингиздаги <жамоат транспорти топилмалар идораси>га ҳам мурожаат қилишингиз ва йўқолган буюмингиз у ерда сақланаётган ёки йўқлигини сўрашингиз мумкин.
<Жамоат транспорти интеграциялашган топилмалар маркази(http://www.seoul.go.kr)>
· Бу сайт фаолияти бевосита Сеул шаҳар ҳокимлиги томонидан олиб борилади. Ҳокимлик Корея ахборот ва коммуникация технологиялари ассосиасиясининг <Уяли телефонларни тиклаш бўйича қўнғироқларни қабул қилиш маркази> билан ҳамкорликда ишлайди, шунга кўра, йўқолган телефонингизни шу сайтдан ҳам излашингиз мумкин.
· Интернетдан фойдаланмайдиганлар учун <120 Дасан қўнғироқ мурожаатларини қабул қилиш ташкилоти> суткасига 24 соат хизмат кўрсатади. Йўқолгaн нaрсaлaрнинг қaердa рўйхатга олинганлиги вa сaқлaнаётганлигини aниқлaш учун истaлгaн вaқтдa ҳудуд кодини термасдан 120 рaқaмигa қўнғироқ қилишингиз мумкин.
Агар метрода буюмингизни қолдириб кетсангиз- Аввало ўзингиз кетаётган линиянинг энг охирги бекатига ва сиз вагондан тушган бекатга қўнғироқ қилинг. Агар бир линиядан бошқа линияга ўтган бўлсангиз, сиз юрган линияларнинг охирги бекатларига мурожаат қилганингиз мақсадга мувофиқ.
· Ҳар куни метро топилмалар марказида жуда кўп сонли йўқолган нарса-буюмлар рўйхатга олинади, шу боис, қўнғироқ қилганингизда, йўқолган буюмингиз ҳақидаги имкон қадар батафсил ва чуқурроқ маълумот берганингиз (қачон йўқотгансиз, йўқолган нарсанинг ташқи кўриниши, унинг ичида нималар борлиги ва бошқа белгилари ҳақида) мақсадга мувофиқ.
- Йўқолган буюмингиз қабул қилиб олинганини билиш ёки буюмингиз йўқолганлиги ҳақида хабар бериш учун яқин атрофдаги полиция маҳкамаси ёки патрул хизматига қўнғироқ қилишингиз ёки <Полиция агентлигининг йўқолган нарса-буюмлар ҳақида маълумотнома сайтига>ташриф буюришингиз ҳам мумкин.
- Шунингдек, ўз ҳудудингиз метро бошқармаси сайти ёки жамоат транспорти топилмалар идорасига ҳам мурожаат қилишингиз ва йўқолган буюмингиз у ерда сақланаётганлиги ёки йўқлиги ҳақида маълумот олишингиз мумкин.