Яна қайта кўриб чиқиш ҳақида илтимоснома бўйича масъул шахс
Яна қайта кўриб чиқиш ҳақида ариза берувчи
- Дастлабки қарорни қайта кўриб чиққан шахс томонидан чиқарилган қарордан норози бўлган шахс Кўриб чиқиш Кенгашига қарорни яна кўриб чиқиш ҳақида илтимоснома тақдим этиши мумкин ("Бандлик суғуртаси тўғрисида"ги Қонуннинг 99-моддаси). ("Бандлик суғуртаси тўғрисида"ги Қонуннинг 87 ① моддаси)
Яна қайта кўриб чиқиш бўйича ариза берувчи номидан иш олиб борадиган агент
- Қарорни яна қайта кўриб чиқиш ҳақида ариза берган шахс қонуний вакилдан ташқари қуйидаги шахсларни ўз агенти сифатида тайинлаши мумкин: ("Бандлик суғуртаси тўғрисида"ги Қонуннинг 88-моддаси)
· Ариза берувчининг турмуш ўртоғи, туғишган аждоди ёки авлоди ёки ака-ука ёки опа-сингилларидан бири;
· Агар ариза берувчи компания бўлса, раҳбар ходим ёки оддий ишчи-ходим;
· Юрист ёки меҳнат қонунчилиги бўйича маслаҳатчи;
· Қайта кўриб чиқиш Кенгаши томонидан ариза берувчи вакили бўлишга рухсат берилган бошқа шахс
Яна қайта кўриб чиқиш бўйича ариза берувчи мақомининг бошқа шахсга ўтиши
- Яна қайта кўриб чиқиш ҳақида ариза берган шахс вафот этганда, яна қайта кўриб чиқиш ишини, 57-моддада белгиланганидек, унинг оила аъзоси давом эттиради, агар вафот этган ариза берувчи ишсизлик нафақаларини олишга ҳақли бўлса, аммо агар ҳақли бўлмаса, вафот этган ариза берувчининг меросхўри ёки норозилик билдирилган дастлабки қарор бўйича бирор ҳуқуқ ёки манфаат мерос бўлиб ўтадиган бошқа бир шахс давом эттиради ("Бандлик суғуртаси тўғрисида"ги Қонуннинг 89⑤-моддаси)
- Яна қайта кўриб чиқиш ҳақида ариза берувчи мақоми ўзига ўтган шахс бу ҳақида қарорни ўрганиб чиқувчи Кўриб чиқиш Кенгаши раҳбарига ёзма шаклда маълум қилиши ва мақом унга ўтганлигини тасдиқловчи ҳужжатни тақдим этиши лозим. ("Бандлик суғуртаси тўғрисидаги қонун ижроси тўғрисида"ги Қарорнинг 142 ва 124 моддаси; "Бандлик суғуртаси тўғрисидаги қонун ижроси тўғрисида”ги Қоидаларнинг 137-моддаси ва илова қилинган 113-формаси)
Яна қайта кўриб чиқиш бўйича аризадаги қарши томон
- Ишсизлик нафақалари билан боғлиқ қарорни яна қайта кўриб чиқишда қарши томон тегишли қарорни чиқарган бандлик маркази ёки Корея ишчилар касаба уюшмалари хизмати ҳисобланади. ("Бандлик суғуртаси тўғрисида"ги Қонуннинг 100-моддаси)
Яна қайта кўриб чиқиш ҳақида илтимоснома
Яна қайта кўриб чиқиш ҳақида илтимоснома
- Яна қайта кўриб чиқиш ҳақида илтимоснома ёзма равишда тақдим этилиши ва унда қуйидаги маълумотлар кўрсатилиши лозим: ("Бандлик суғуртаси тўғрисида"ги Қонуннинг 102 ва 91 моддаси; "Бандлик суғуртаси тўғрисидаги қонун ижроси тўғрисида”ги Қарорнинг 140 ① моддаси; ва "Бандлик суғуртаси тўғрисидаги қонун ижроси тўғрисида”ги Қоидаларнинг 151 моддаси ва илова қилинган 126-формаси)
· Ариза берувчининг исм-шарифи ва манзили
Жавобгар томон ҳисобланган қарор чиқарган идора номи ("Бандлик суғуртаси тўғрисидаги қонун ижроси тўғрисида”ги Қарорнинг 125 ① (2) моддаси)
Яна қайта кўриб чиқиш сўралган қарор тафсилотлари ("Бандлик суғуртаси тўғрисидаги қонун ижроси тўғрисида”ги Қарорнинг 125 ① (3) моддаси)
Ариза берувчи дастлабки қарор ҳақида хабар топган сана ("Бандлик суғуртаси тўғрисидаги қонун ижроси тўғрисида”ги Қарорнинг 125 ① (4) моддаси)
· Ариза берувчи дастлабки қарорни қайта кўриб чиқиш ҳақида илтимоснома юзасидан чиқарилган қарор ҳақида хабар топган сана
· Дастлабки қарорни қайта кўриб чиқиш ҳақида илтимоснома юзасидан қарор чиқарган кўриб чиқувчининг исм-шарифи
· Қайта кўриб чиқиш ҳақидаги илтимосномани кўриб чиққан шахс томонидан берилган билдиришноманинг мазмуни (агар берилган бўлса)
· Яна қайта кўриб чиқиш ҳақида илтимосноманинг мақсади ва сабаби
· Яна қайта кўриб чиқиш ҳақида илтимоснома санаси
※ Ариза берувчи алоҳида ишлаб чиқилган яна қайта кўриб чиқиш ҳақидаги илтимоснома формасидан фойдаланмаслиги мумкин. ("Бандлик суғуртаси тўғрисидаги қонун ижроси тўғрисида”ги Қоидаларнинг 151 моддасининг махсус эслатмаси)
Яна қайта кўриб чиқиш ҳақида илтимоснома тақдим этиш муддати
- Яна қайта кўриб чиқиш ҳақида илтимоснома ариза берувчи дастлабки илтимоснома юзасидан чиқарилган қарордан хабар топган санадан бошлаб 90 кун ичида тақдим этилиши керак. ("Бандлик суғуртаси тўғрисида"ги Қонуннинг 87 ② моддаси)
Дастлабки қарор ижросининг тўхтатиб турилиши
- Яна қайта кўриб чиқиш ҳақида илтимоснома тақдим этиш назарда тутилаётган дастлабки қарор ижросини тўхтатиб туришга сабаб бўлолмайди. ("Бандлик суғуртаси тўғрисида"ги Қонуннинг 102 моддаси ва 93 ① моддасининг асосий қисми)
※ Аммо агар Кўриб чиқиш Кенгаши дастлабки қарор ижроси натижасида кўриладиган жиддий зарарни зудлик билан олдини олиш учун зарур, деб ҳисобласа, у ўз хизмат ваколатидан фойдаланган ҳолда дастлабки қарор ижросини тўхтатиши мумкин. ("Бандлик суғуртаси тўғрисида"ги Қонуннинг 102 ва 93 ① моддаси)
Яна қайта кўриб чиқиш ҳақида илтимоснома юзасида қарор чиқариш
Яна қайта кўриб чиқиш ҳақида илтимосномани кўриб чиқиш даври
- Яна қайта кўриб чиқиш ҳақида илтимоснома тақдим этилгандан сўнг Кўриб чиқиш Кенгаши 50 кун ичида қарор чиқаради. ("Бандлик суғуртаси тўғрисида"ги Қонуннинг 99 ⑦ -моддаси)
※ Аммо агар Кўриб чиқиш Кенгаши асосли сабабларга кўра белгиланган муддат ичида қарор чиқара олмаса, муддат 1 марта ун кунгача узайтирилиши мумкин. ("Бандлик суғуртаси тўғрисида"ги Қонуннинг 99 ⑦-моддасининг махсус эслатмаси ва 89 ② моддасининг махсус эслатмаси)
Яна қайта кўриб чиқиш ҳақида илтимоснома юзасида қарор
- Агар илтимоснома белгиланган муддат ичида (яъни ариза берувчи дастлабки илтимоснома юзасидан чиқарилган қарордан хабар топган санадан бошлаб 90 кун ичида) ("Бандлик суғуртаси тўғрисида"ги Қонуннинг 87 ②-моддаси) тақдим этилмаган бўлса ёки илтимоснома қонунда белгиланган талабларга мувофиқ тақдим этилмаган бўлса ва тақдим этишдаги ушбу камчиликларни тўғрилашнинг имкони бўлмаса, Кўриб чиқиш Кенгаши илтимосномани инобатга олмаган ҳолда ўз ҳуқуқидан фойдаланган ҳолда қарор чиқаради. ("Бандлик суғуртаси тўғрисида"ги Қонуннинг 102 ва 92 ① моддаси)
- Яна қайта кўриб чиқиш жараёни якунлангандан сўнг, Кўриб чиқиш кенгаши дастлабки қарорни тўлиқ ёки қисман бекор қилади ёки яна қайта кўриб чиқиш ҳақидаги илтимосномани тўлиқ ёки қисман рад этади. ("Бандлик суғуртаси тўғрисида"ги Қонуннинг 102 ва 96-моддаси)
Яна қайта кўриб чиқиш ҳақида илтимоснома бўйича қарор чиқарилганлиги ҳақида билдиришнома
- Яна қайта кўриб чиқиш ҳақида илтимоснома юзасидан чиқарилган қарор ҳақидаги ёзма билдиришномада қуйидаги маълумотлар кўрсатилади ва шунингдек, унда Кўриб чиқиш кенгаши раҳбари ва қарорни чиқаришда иштирок этган кенгаш аъзоларининг имзолар ёки муҳри бўлади. ("Бандлик суғуртаси тўғрисида"ги Қонуннинг 102 ва 97 ① моддаси; "Бандлик суғуртаси тўғрисидаги қонун ижроси тўғрисида”ги Қарорнинг 141 моддаси; ва "Бандлик суғуртаси тўғрисидаги қонун ижроси тўғрисида”ги Қоидаларнинг 153 моддаси ва илова қилинган 127-формаси)
· Иш рақами ва номи
· Ариза берувчининг исм-шарифи ва манзили
· Дастлабки қарорни чиқарган идора номи
· Дастлабки қарорни қайта кўриб чиқиш ҳақида илтимоснома юзасидан қарор чиқарган кўриб чиқувчининг исм-шарифи
· Илтимоснома юзасидан чиқарилган қарор мазмуни
· Илтимосноманинг мақсади
· Илтимосноманинг сабаби
· Илтимоснома юзасидан чиқарилган қарор санаси
- Илтимоснома юзасидан қарор чиқарилгандан сўнг, Кўриб чиқиш кенгаши қарорнинг асл нусхасини ариза берувчига ва дастлабки қарорни чиқарган бандлик маркази раҳбарига жўнатади. ("Бандлик суғуртаси тўғрисида"ги Қонуннинг 102 ва 97 ② моддаси)
Илтимоснома юзасидан чиқарилган қарорнинг кучга кириши
Илтимоснома юзасидан чиқарилган қарорнинг кучга кириши
- Илтимоснома юзасидан чиқарилган қарор ушбу қарорнинг асл нусхаси ариза берувчига ва дастлабки қарорни чиқарган бандлик маркази раҳбарига ёки Корея ишчилар касаба уюшмалари хизматига жўнатилган санадан бошлаб кучга киради. ("Бандлик суғуртаси тўғрисида"ги Қонуннинг 102 ва 98 ① моддаси)
- Илтимоснома юзасидан чиқарилган қарор ижроси дастлабки қарорни чиқарган бандлик маркази ёки Корея ишчилар касаба уюшмалари хизмати учун мажбурийдир. ("Бандлик суғуртаси тўғрисида"ги Қонуннинг 102 ва 98 ② моддаси)
- "Маъмурий органлар қарорларига нисбатан суд тартибида шикоят бериш тўғрисида"ги Қонуннинг 18-моддасини қўллаганда, яна қайта кўриб чиқиш ҳақидаги илтимоснома юзасидан чиқарилган қарор маъмурий аппеляция иши юзасидан чиқариладиган қарор сифатида талқин этилади. ("Бандлик суғуртаси тўғрисида"ги Қонуннинг 104 ① моддаси)
Қарорга нисбатан эътироз
Маъмурий судга даъво билан мурожаат қилиш
- Яна қайта кўриб чиқиш ҳақида илтимоснома юзасидан Кўриб чиқиш кенгашининг чиқарган қарорига эътирози бор бўлган шахслар Кенгаш қарорининг асл нусхасини олган санадан бошлаб 90 кун ичида маъмурий ишлар судига дастлабки қарорни чиқарган маҳаллий бандлик идорасига қарши даъво тақдим этиши мумкин. ("Маъмурий органлар қарорларига нисбатан суд тартибида шикоят бериш тўғрисида"ги Қонуннинг 13 ва 20-моддаси)