Қайта кўриб чиқиш ҳақида илтимоснома бўйича масъул шахс
Қайта кўриб чиқиш ҳақида ариза берувчи
- Ишсизлик нафақалари масаласида чиқарилган қарордан ("Бандлик суғуртаси тўғрисида"ги Қонуннинг 89-моддасида таърифланган "дастлабки қарор") норози бўлган шахслар қарорни ўрганиб чиқувчи тегишли муассасага қарорни қайта кўриб чиқиш ҳақида илтимоснома тақдим этишлари мумкин. ("Бандлик суғуртаси тўғрисида"ги Қонуннинг 87 ① моддаси)
Қайта кўриб чиқиш бўйича ариза берувчи номидан иш олиб борадиган агент
- Қарорни қайта кўриб чиқиш ҳақида ариза берган шахс қонуний вакилдан ташқари қуйидаги шахсларни ўз агенти сифатида тайинлаши мумкин: ("Бандлик суғуртаси тўғрисида"ги Қонуннинг 88-моддаси)
· Ариза берувчининг турмуш ўртоғи, туғишган аждоди ёки авлоди ёки ака-ука ёки опа-сингилларидан бири;
· Агар ариза берувчи компания бўлса, раҳбар ходим ёки оддий ишчи-ходим;
· Юрист ёки меҳнат қонунчилиги бўйича маслаҳатчи;
· Қайта кўриб чиқиш Кенгаши томонидан ариза берувчи вакили бўлишга рухсат берилган ("Бандлик суғуртаси тўғрисида"ги Қонуннинг 99-моддаси) бошқа шахс
Қайта кўриб чиқиш бўйича ариза берувчи мақомининг бошқа шахсга ўтиши
- Қайта кўриб чиқиш ҳақида ариза берган шахс вафот этганда, қайта кўриб чиқиш ишини, 57-моддада белгиланганидек, унинг оила аъзоси давом эттиради, агар вафот этган ариза берувчи ишсизлик нафақаларини олишга ҳақли бўлса, аммо агар ҳақли бўлмаса, вафот этган ариза берувчининг меросхўри ёки норозилик билдирилган дастлабки қарор бўйича бирор ҳуқуқ ёки манфаат мерос бўлиб ўтадиган бошқа бир шахс давом эттиради ("Бандлик суғуртаси тўғрисида"ги Қонуннинг 89⑤-моддаси)
- Қайта кўриб чиқиш ҳақида ариза берувчи мақоми ўзига ўтган шахс бу ҳақида қарорни ўрганиб чиқувчи тегишли идорага маълум қилиши ва мақом унга ўтганлигини тасдиқловчи ҳужжатни тақдим этиши лозим. ("Бандлик суғуртаси тўғрисидаги қонун ижроси тўғрисида"ги Қарорнинг 124 моддаси; "Бандлик суғуртаси тўғрисидаги қонун ижроси тўғрисида”ги Қоидаларнинг 137-моддаси ва илова қилинган 113-формаси)
Қайта кўриб чиқиш ҳақида илтимоснома бўйича қарши томон
- Ишсизлик нафақалари билан боғлиқоғлиизлик нафақалари билан бимоснома бўйича қарши томони қонун ижроси тўғрисида”ги Қоидаларнингмаълум қилиши ва мақом унга ўтганлигини тасдиқловчи ҳужжатн"ги Қонуннинг 17-моддаси; "Бандлик суғуртаси тўғрисида"ги Қонуннинг 87 ① моддаси)
Қайта кўриб чиқиш ҳақида илтимосномалар
Қайта кўриб чиқиш ҳақида илтимосномалар
- Қайта кўриб чиқиш ҳақида илтимосномалар ёзма равишда тақдим этилиши ва унда қуйидаги маълумотлар кўрсатилиши лозим. ("Бандлик суғуртаси тўғрисида"ги Қонуннинг 91 моддаси; "Бандлик суғуртаси тўғрисидаги қонун ижроси тўғрисида”ги Қарорнинг 125 ① моддаси; ва "Бандлик суғуртаси тўғрисидаги қонун ижроси тўғрисида”ги Қоидаларнинг 139 моддаси ва илова қилинган 114-формаси)
· Ариза берувчининг исм-шарифи ва манзили
· Тегишли қарорни чиқарган идора номи
· Қайта кўриб чиқиш сўралган қарорнинг мазмуни
· Ариза берувчи қарор ҳақида хабар топган сана
· Қайта кўриб чиқиш сўралган қарорни чиқарган идора томонидан қарор чиқарилганлиги ҳақида берилган билдиришноманинг мазмуни (агар берилган бўлса)
· Яна қайта кўриб чиқиш ҳақида илтимосноманинг мақсади ва сабаби
· Қайта кўриб чиқиш ҳақида илтимоснома бўйича қарши томон
※ Ариза берувчи алоҳида ишлаб чиқилган қайта кўриб чиқиш ҳақидаги илтимоснома формасидан фойдаланмаслиги мумкин. ("Бандлик суғуртаси тўғрисидаги қонун ижроси тўғрисида”ги Қоидаларнинг 139 моддасининг махсус эслатмаси)
Қайта кўриб чиқиш ҳақида илтимоснома тақдим этиш муддати
- Қайта кўриб чиқиш ҳақида илтимоснома ариза берувчи тасдиқланганлик ҳақидаги билдиришнома ёки қарордан хабар топган санадан бошлаб 90 кун ичида тақдим этилиши керак. ("Бандлик суғуртаси тўғрисида"ги Қонуннинг 87 ② моддаси)
Дастлабки қарор ижросининг тўхтатиб турилиши
- Қайта кўриб чиқиш ҳақида илтимоснома тақдим этиш назарда тутилаётган дастлабки қарор ижросини тўхтатиб туришга сабаб бўлолмайди. ("Бандлик суғуртаси тўғрисида"ги Қонуннинг 93 ① моддаси)
※Аммо агар қарорни қайта кўриб чиқувчи дастлабки қарор ижроси натижасида кўриладиган жиддий зарарни зудлик билан олдини олиш учун зарур, деб ҳисобласа, у ўз хизмат ваколатидан фойдаланган ҳолда дастлабки қарор ижросини тўхтатиши мумкин. ("Бандлик суғуртаси тўғрисида"ги Қонуннинг 93 ① моддасининг махсус эслатмаси)
Қайта кўриб чиқиш ҳақида илтимоснома юзасида қарор чиқариш
Қайта кўриб чиқиш ҳақида илтимосномани кўриб чиқиш даври
- Қайта кўриб чиқиш ҳақида илтимоснома тақдим этилгандан сўнг ишни кўриб чиқиш топширилган шахс 30 кун ичида қарор чиқаради. ("Бандлик суғуртаси тўғрисида"ги Қонуннинг 89 ② моддаси)
※ Аммо агар ишни ўрганиб чиқувчи асосли сабабларга кўра белгиланган муддат ичида қарор чиқара олмаса, муддат 1 марта ун кунгача узайтирилиши мумкин. ("Бандлик суғуртаси тўғрисида"ги Қонуннинг 89 ② моддасининг махсус эслатмаси)
Қайта кўриб чиқиш ҳақида илтимоснома юзасида қарор чиқариш
- Агар илтимоснома белгиланган муддат ичида (яъни ариза берувчи тасдиқланганлик ҳақидаги билдиришнома ёки қарордан хабар топган санадан бошлаб 90 кун ичида) тақдим этилмаган бўлса ёки илтимоснома қонунда белгиланган талабларга мувофиқ тақдим этилмаган бўлса ва тақдим этишдаги ушбу камчиликларни тўғрилашнинг имкони бўлмаса, ишни кўриб чиқувчи илтимосномани инобатга олмаган ҳолда ўз ҳуқуқидан фойдаланган ҳолда қарор чиқаради. ("Бандлик суғуртаси тўғрисида"ги Қонуннинг 92 ① моддаси)
- Қайта кўриб чиқиш жараёни якунлангандан сўнг, ишни кўриб чиқувчи дастлабки қарорнинг тўлиқ ёки қисман бекор қилади ёки қайта кўриб чиқиш ҳақидаги илтимосномани тўлиқ ёки қисман рад этади. ("Бандлик суғуртаси тўғрисида"ги Қонуннинг 96-моддаси)
Қайта кўриб чиқиш ҳақида илтимоснома бўйича қарор чиқарилганлиги ҳақида билдиришнома
- Қайта кўриб чиқиш ҳақида илтимоснома бўйича қарорда қуйидаги маълумотлар кўрсатилади, шунингдек, кўриб чиқувчининг имзоси ёки муҳри қўйилади. ("Бандлик суғуртаси тўғрисида"ги Қонуннинг 97 ① моддаси; "Бандлик суғуртаси тўғрисидаги қонун ижроси тўғрисида”ги Қарорнинг 129 моддаси; "Бандлик суғуртаси тўғрисидаги қонун ижроси тўғрисида”ги Қоидаларнинг 147 моддаси ва илованинг 122-шакли)
· Иш рақами ва номи
· Ариза берувчининг исм-шарифи ва манзили
· Тегишли қарорни чиқарган идора номи
· Илтимоснома юзасидан чиқарилган қарор мазмуни
· Илтимосноманинг мақсади
· Илтимосноманинг сабаби
· Илтимоснома юзасидан чиқарилган қарор санаси
- - Илтимоснома юзасидан қарор чиқарилгандан сўнг, ишни кўриб чиқувчи қарорнинг асл нусхасини ариза берувчига ва дастлабки қарорни чиқарган бандлик маркази раҳбарига ёки Корея ишчилар касаба уюшмалари хизматига жўнатади. ("Бандлик суғуртаси тўғрисида"ги Қонуннинг 97(2) моддаси)
Илтимоснома юзасидан чиқарилган қарорнинг кучга кириши
Илтимоснома юзасидан чиқарилган қарорнинг кучга кириши
- Илтимоснома юзасидан чиқарилган қарор ушбу қарорнинг асл нусхаси ариза берувчига ва дастлабки қарорни чиқарган бандлик маркази раҳбарига ёки Корея ишчилар касаба уюшмалари хизматига жўнатилган санадан бошлаб кучга киради. ("Бандлик суғуртаси тўғрисида"ги Қонуннинг 98 ① моддаси)
- Илтимоснома юзасидан чиқарилган қарор ижроси дастлабки қарорни чиқарган бандлик маркази ёки Корея ишчилар касаба уюшмалари хизмати учун мажбурийдир. ("Бандлик суғуртаси тўғрисида"ги Қонуннинг 98 ② моддаси)