Ноқонуний ҳаракатлар билан олинган ишсизлик нафақаларини қайтариш
Нафақаларни қайтариш мезони
- Ишсизлик нафақаларини қаллобликёки бошқа ноқонуниййўллар билан олган шахслардан нафақаларнинг ҳаммасиниёки маълум қисминиқайтариш қуйидагимезонлар асосида талаб қиланди.("Бандлик суғуртаситўғрисида"ги Қонуннинг 62①- моддаси; "Бандлик суғуртаси тўғрисидагиқонун ижроси тўғрисида”ги Қоидаларнинг104-моддаси)
1. Ишсизлик нафақаларини тўлиқ қайтариш
2. (Юқорида айтилганларга қарамасдан) Фақат қуйидаги ҳолатлар сабабли эътироф этилган ишсизлик даври давомида олинган ишсизлик нафақаларинигина қайтариш ("Бандлик суғуртаси тўғрисидаги қонун ижроси тўғрисида”ги Қарорнинг 80-моддаси) (фақат бир ҳолатда содир этилган ноқонуний ҳаракатга нисбатан)
1) Нафақа олувчи шахс ўзининг ишсизлик мақомини эътироф эттирмоқчи бўлган давр давомида меҳнат фаолиятини амалга оширганлик ҳақидаги маълумотни беришни унутиб қўйганда ёки ишсизлик мақомини эътироф этиш ҳақидаги аризани тақдим этишда нотўғри маълумотлар тақдим этганда
2) Нафақа олувчи ишсизлик мақомини эътироф этиш ҳақидаги аризани тақдим этишда ишсизлик мақомини эътироф этиш ҳуқуқига эгалик даври давомидаги қайта ишга жойлашиш ҳаракатлари тўғрисида нотўғри маълумотлар тақдим этганда.
※ 1 ойдан кам муддатга ишга ёлланган кунбай ишчи эътироф эттирмоқчи бўлган ишсизлик даври давомида иш ҳақи тўланадиган меҳнат фаолиятини амалга оширганлиги ҳақида хабар берган бўлса ва мазкур шахс меҳнат фаолиятини амалга оширган кунлар сони ва мазкур давр давомидаги ишсизлик мақоми эътироф этилган кунлар сони ўртасидаги тафовут 3 кун ёки ундан кам бўлса, у шахсдан фақат эътироф этилган ишсизлик даври давомида олинган ишсизлик нафақаларигина мажбурий ундрилади.
3. Нафақа олувчи ёки иш берувчини бандлик маркази раҳбари ишсизлик нафақаларини олишга юмшатилган чеклов амал қиладиган шахс сифатида ўрганиб чиқиш жараёнидан олдин у шахс ўзининг ноқонуний ҳаракати ҳақида ўз ихтиёри билан маълум қилса, у шахсдан эътироф этилган ишсизлик даврининг фақат меҳнат фаолиятини амалга оширган кунлари учун олган ишсизлик нафақалари мажбурий ундирилади. (Бу қоида ихтиёрий равишда хабар берилган ҳолатда фақат 1 марта амал қилади)
Ишсизлик нафақаларини қоқонуний ҳаракатлар билан олганлик туфайли қўшимча сумма ундириш
Ундириладиган қўшимча сумма миқдори
- Ишсизлик нафақаларини қаллоблик ёки бошқа ноқонуний йўллар билан олган шахслардан нафақаларнинг ҳаммасини ёки маълум қисмини қайтариш қуйидаги мезонлар асосида талаб қиланди. Қаллоблик ёки бошқа ноқонуний йўллар билан олинган ишсизлик нафақаларини қайтариш талаб этиладиган тўлиқ суммадан ошмайдиган миқдорда қўшимча сумма у шахсдан мажбурий ундирилиши мумкин. Агар қуйидаги ҳолатлардан бири содир бўлган бўлса, қуйида айтилган қўшимча сумма у шахсдан мажбурий ундирилиши мумкин. ("Бандлик суғуртаси тўғрисида"ги Қонуннинг 62 ① моддаси; "Бандлик суғуртаси тўғрисидаги қонун ижроси тўғрисида”ги Қоидаларнинг 105 ①-моддаси)
1. Энг охирги меҳнат фаолиятидан бўшаганлик бўйича ишсизлик нафақаларини олиш ҳуқуқининг эътироф этилиши ҳақида ариза тақдим этилган санадан олдинги 1 ойлик даврда меҳнат фаолиятини амалга оширган кунбай ишчининг ишлаган кунлари сони 10 кундан кам бўлса ("Бандлик суғуртаси тўғрисида"ги Қонуннинг 40 ① (5)-моддаси) ва у шахс амалда олган нафақалар суммаси у шахс аслида олиш ҳуқуқига эга бўлганидан 3 кун ёки ундан кам бўлган муддатга ортиқ бўлса: 30/100
2. Кунбай қурилиш ишчиси (Статистика тўғрисидаги қонуннинг 22 ① -моддаси бўйича Статистика комиссари томонидан эълон қилинган Корея стандарт саноат таснифининг катта тоифасидаги қурилиш бизнесида ишловчи шахс), охирги ишдан бўшатилган вақтдан бошлаб, Бандлик суғуртаси тўғрисидаги қонуннинг 40 ① 5 B – моддасига кўра, кетма-кет узвий иш мавжуд бўлмаган 14 кунлик муддат давомида 3 кун ёки ундан кам ишлаган бўлса: 30/100
3. Юқоридаги 1-пункт ёки 2-пункт амал қилмайдиган шахслар; ноқонуний ҳаракатлар бўйича қилинадиган текширувларга ёрдам берган ва ноқонуний равишда олинган нафақа суммасини дарҳол қайтариши ҳақида ёзма равишда ваъда берган шахслар: 60/100
Қўшимча сумма ундирилишидан озод этиш
- Қуйидаги шахслар ққорида айтилган қўшимча сумма ундирилишидан озод этилиши мумкин. ("Бандлик суғуртаси тўғрисидаги қонун ижроси тўғрисида”ги Қоидаларнинг 105 ② моддаси)
· Ўзи ёки иш жойига нисбатан текширувлар бошланишидан олдин ноқонуний ҳаракати ҳақида ихтиёрий равишда хабар қилган шахслар
· Ишсизлик нафақаларини бериш бўйича юмшатилган чекловлар амал қиладиган ноқонуний ҳаракатларга қўл урган шахслар ("Бандлик суғуртаси тўғрисидаги қонун ижроси тўғрисида”ги Қарорнинг 80-моддаси) (Бу қоида фақат биринчи марта содир этилган ноқонуний ҳаракат учун амал қилади.)
· Бандлик маркази раҳбари томонидан жуда ҳам ночор ҳолатда, дея эътироф этилган шахслар
Иш берувчиларнинг жавобгарлиги
Иш берувчиларнинг биргаликдаги жавобгарлиги
- Агар қаллоблик ёки бошқа ноқонуний ҳаракатлар иш берувчи (шу жумладан, иш берувчининг агенти ёки ишчи-ходими ёки иш берувчи томонидан ёлланган бошқа шахс) томонидан берилган сохта билдирги ёки ҳужжат билан боғлиқ бўлса, иш берувчи ноқонуний равишда иш излаш нафақаларини олган шахс билан биргаликда ва алоҳида равишда жавобгар бўлади ("Бандлик суғуртаси тўғрисида"ги Қонуннинг 62(2) моддаси)
Тўланган ишсизлик нафақаларини қайтариш тартиби
Нафақаларни қайтариш ва ундириш тўғрисида қарор
- Бандлик маркази раҳбари иш излаш нафақаларини беришни чеклаш, иш излаш нафақаларини қайтариб олиш ёки иш излаш нафақалари миқдорига тенг суммани ундириш ҳақида қарор чиқарганда, Ишсизлик нафақаларини тўлашни чеклаш, нафақаларни қайтариш ҳақида буйруқ ва қўшимча сумма ундириш ҳақида қарор қабул қилиш тўғрисидаги Эслатмага мувофиқ раҳбар бу қарор ҳақида тегишли нафақа олган шахсга (шу жумладан, Қонуннинг 62 ②-моддасига кўра иш берувчига ҳам) кечиктирмасдан хабар қилиши лозим. ("Бандлик суғуртаси тўғрисидаги қонун ижроси тўғрисида"ги Қарорнинг 81 ① моддаси; "Бандлик суғуртаси тўғрисидаги қонун ижроси тўғрисида”ги Қоидаларнинг 106 ① -моддаси ва илова қилинган 93-формаси)