UZBEK

- Вафот этган ишсиз шахсга тўланиши керак бўлган, аммо тўланмай қолган иш излаш нафақалари унинг турмуш ўртоғи (жумладан, расмий никоҳда бўлган турмуши ўртоғи) ёки вафот этган ишсиз шахснинг қарамоғида бўлган ва унинг оила хўжалигида бирга яшайдиган фарзанди, ота-онаси, невараси, бобо ёки бувиси ёки ака-укалари ёки опа-сингиллари томонидан тегишли тартибда даъво талаби тақдим этилганда, тўлаб берилади. ("Бандлик суғуртаси тўғрисида"ги Қонуннинг 57 ① моддаси)

- Тўланмаган иш излаш нафақаларини олиш учун даъво талабини тақдим этмоқчи бўлган шахс ("тўланадиган нафақалар даъвогари") тегишли бандлик маркази раҳбарига ишсизлик нафақаларини олиш учун ёзма даъво талаби, шунингдек, қуйидаги ҳужжатларни тақдим этиши лозим. ("Бандлик суғуртаси тўғрисидаги қонун ижроси тўғрисида"ги Қарорнинг 76 ① моддаси; "Бандлик суғуртаси тўғрисидаги қонун ижроси тўғрисида”ги Қоидаларнинг 100-моддаси ва илова қилинган 90-формаси)

- Тўланмаган ишсизлик нафақалари даъвогари вафот этган ишсиз шахснинг ишсизлигини эътироф этилишини хоҳласа, у вафот этган шахс яшаш жойида юрисдикцияга эга тегишли бандлик марказига ташриф буюриши ва тўланмаган ишсизлик нафақаларини олиш ҳақида даъво талабини тақдим этиши, шунингдек, вафот этган ишсиз шахснинг ишсизлигини тасдиқлатиши лозим. Тўланмаган нафақалар даъвогари даъво талабини тақдим этаётганда, вафот этган ишсиз шахс тақдим этиши лозим бўлган билдиргилар ёки ҳужжатларни ҳам тақдим этиши лозим, агар вафот этган ишсиз шахс иш излаш нафақаларини олмоқчи бўлган бўлса. ("Бандлик суғуртаси тўғрисида"ги Қонуннинг 57 ② -моддаси; "Бандлик суғуртаси тўғрисидаги қонун ижроси тўғрисида”ги Қарорнинг 76 ② ва ③моддаси)

-

- Тўланмаган ишсизлик нафақалари даъвогари ушбу нафақаларни олиш учун мўлжалланган молия муассасасини танлаши ва у ерда ҳисоб рақамни очиши лозим ва тегишли бандлик марказига ўзи ташриф буюриб илк марта ишсизлик мақомини эътироф эттирган санада булар ҳақида хабар бериши лозим. ("Бандлик суғуртаси тўғрисидаги қонун ижроси тўғрисида"ги Қарорнинг 77 ва 75 ① моддаси; "Бандлик суғуртаси тўғрисидаги қонун ижроси тўғрисида”ги Қоидаларнинг 99-моддаси ва илова қилинган 82-формаси)

- Тўланмаган ишсизлик нафақаси даъвогар шахс томонидан танланган молия муассасидаги ҳисоб рақамга ўтказиб берилади. ("Бандлик суғуртаси тўғрисида"ги Қонуннинг 56 ① моддаси; "Бандлик суғуртаси тўғрисидаги қонун ижроси тўғрисида”ги Қарорнинг 77 ва 75 ②-моддаси)

- Тўланмаган ишсизлик нафақаларин талаб қилиш ҳуқуқи 3 йилгача амал қилади. ("Бандлик суғуртаси тўғрисида"ги Қонуннинг 107 ① (2) · (3) -моддаси)