Бошқа жойга кўчиш нафақаларини тўлаш
Бошқа жойга кўчиш нафақаларини олиш мезони
- Қуйидаги талабларни қаноатлантирадиган ишсиз шахслар бошқа жойга кўчиш нафақаларини олиши мумкин. ("Бандлик суғуртаси тўғрисида"ги Қонуннинг 67 ① моддаси; "Бандлик суғуртаси тўғрисидаги қонун ижроси тўғрисида”ги Қарорнинг 90 ①-моддаси)
· Ишсиз шахс ишга жойлашганда ёки касб малакаларини ошириш курсида қатнашганда ва тегишли бандлик маркази раҳбари Бандлик ва меҳнат Вазирлиги томонидан белгиланган мезонга кўра ишсиз шахснинг бошқа жойга кўчиши зарур эканлигини тасдиқлаганда;
· Ишсиз шахсни ишга қабул қилган корхона эгаси кўчиш харажатларини тўламаса ёки кўчиш нафақаси миқдоридан кам тўласа;
· Меҳнат шартномаси муддати 1 йилдан кам бўлса ва бунда ишга жойлашиш учун бошқа жойга кўчиш талаб этилса.
Бошқа жойга кўчиш нафақаларини ҳисоблаш
- Бошқа жойга кўчиш харажатлари ишсиз шахс ва унинг бирга яшайдиган қарамоғидаги шахсларнинг бошқа жойга кўчиши учун кетадиган харажатларни қоплаш мақсадида берилади ва нафақа суммаси ишсиз шахснинг айни дамдаги яшаш жойидан янги кўчиб борадиган яшаш жойигача бўлган одатий йўналишдан келиб чиқиб ҳисобланади. ("Бандлик суғуртаси тўғрисида"ги Қонуннинг 67 ② моддаси; "Бандлик суғуртаси тўғрисидаги қонун ижроси тўғрисида”ги Қоидаларнинг 113 ①-моддаси)
- Бошқа жойга кўчиш нафақалари қуйидаги жадвал асосида бошқа жойга кўчиш масофасига қараб ҳисобланади. ("Бандлик суғуртаси тўғрисидаги қонун ижроси тўғрисида”ги Қоидаларнинг 113 ② моддаси; Бошқа жойга кўчиш нафақалари тўғрисида Эслатма)
|
Туркумлар
|
Олиш мезони
|
Тўланадиган сумма
|
|
Мамлакат ичида бошқа жойга кўчиш
|
5 тонна (ёки ундан кам) вазнли юк машинаси ташиши мумкин бўлган юк (карго)
|
Харажатлар вужудга келишига қараб тўланади(жумладан нарвонли машина ёки кўтаргич ҳақи ҳам)
|
|
5 тоннадан ортиқ юк (агар 7,5 тоннадан ошса, максимум оғирлик 7,5 тонна ҳисобланади)
|
5 тоннадан ошадиган юк учун кўчиш харажатлари (жумладан нарвонли машина ёки кўтаргич ҳақи ҳам) 5 тоннагача + 5 тоннадан ортиқ ва 7,5 тоннадан кам бўлган юкнинг бир қисми учун тўланган сумманинг 50% қисми
|
- Кўчиш харажатларини янги иш берувчи тўлаганда, ушбу тўланган сумма юқоридаги жадвалда айтилган суммадан айириб ташланади, агар зарур бўлган харажатлар ишсиз ходимни ишга олган иш берувчи томонидан кўчишдан олдин тўланган бўлса ёки тўланадиган бўлса. ("Бандлик суғуртаси тўғрисидаги қонун ижроси тўғрисида”ги Қоидаларнинг 113 ③ моддаси)
Бошқа жойга кўчиш нафақаларини олиш учун ариза
- Бошқа жойга кўчиш нафақаларини олмоқчи бўлган шахс ушбу нафақаларни олиш ҳақида ёзма талабномани, шунингдек, нафақалар олиш ҳуқуқига эгалик тўғрисида гувоҳномани янги иш берувчига тасдиқлаттирган ҳолда тегишли бандлик марказига тақдим этиши лозим. ("Бандлик суғуртаси тўғрисидаги қонун ижроси тўғрисида"ги Қарорнинг 90 ② моддаси; "Бандлик суғуртаси тўғрисидаги қонун ижроси тўғрисида”ги Қоидаларнинг 114 ① -моддаси ва илова қилинган 99-формаси)
- Юқорида айтилган ёзма талабнома бошқа жойга кўчиш санасидан бошлаб 14 кун ичида тақдим этилиши лозим. ("Бандлик суғуртаси тўғрисидаги қонун ижроси тўғрисида”ги Қоидаларнинг 114 ② моддаси)
Аммо агар табиий офат содир бўлган бўлса ёки бошқа четлаб ўтиб бўлмайдиган вазият содир бўлган бўлса, мазкур сабаб бартараф бўлган санадан бошлаб 7 кун ичида ариза тақдим этилиши лозим. ("Бандлик суғуртаси тўғрисидаги қонун ижроси тўғрисида”ги Қоидаларнинг 114 ② моддасининг махсус эслатмаси)
Бошқа жойга кўчиш нафақаларини тўлаш усули
- Бошқа жойга кўчиш нафақаси ишсиз шахс томонидан танланган молия муассасидаги ҳисоб рақамга ўтказиб берилади. ("Бандлик суғуртаси тўғрисидаги қонун ижроси тўғрисида”ги Қарорнинг 90 ② ва 75-моддаси)