Узоқ масофадан иш излаш нафақаларини тўлаш
Узоқ масофадан иш излаш нафақаларини олиш мезони
- Қуйидаги талабларни қаноатлантирадиган ишсиз шахслар узоқ масофадан иш излаш нафақаларини олиши мумкин. ("Бандлик суғуртаси тўғрисида"ги Қонуннинг 66 ① моддаси; "Бандлик суғуртаси тўғрисидаги қонун ижроси тўғрисида”ги Қарорнинг 89 моддаси; "Бандлик суғуртаси тўғрисидаги қонун ижроси тўғрисида”ги Қоидаларнинг 111 ① моддаси)
· Сарф қилинган сафар харажатлари ишсиз шахс ташриф буюрган иш жойи иш берувчиси томонидан тўланмаса; юқорида айтилган иш берувчи тўлаган харажатлар суммаси узоқ ҳудуддан иш излаш ҳаракатлари учун кетган харажатларни қоплаш учун етарли бўлмаса.
· Ишсиз шахс яшаш жойидан у ташриф буюрадиган бўлажак иш жойигача бўлган масофа 50 км ёки ундан ортиқ бўлса.
√ Юқорида айтилган масофа қуруқликда босиб ўтиладиган масофани назарда тутади. Бу мақсадда сувлик орқали босиб ўтиладиган масофа амалдаги масофанинг 2 баробари ҳисобида ҳисобланади.
Узоқ масофадан иш излаш нафақалари учун харажатларни ҳисоблаш
- Узоқ масофадан иш излаш нафақалари узоқ ҳудудлардан иш излаш ҳаракатлари учун сарфланадиган одатий харажатларни назарда тутади ва улар қуйидагича ҳисобланади: ("Бандлик суғуртаси тўғрисида"ги Қонуннинг 66 ② -моддаси; "Бандлик суғуртаси тўғрисидаги қонун ижроси тўғрисида”ги Қоидаларнинг 111 ②, ③ ва ④-моддаси)
|
Туркумлар
|
Олиш мезони
|
Тўланадиган сумма
|
|
Сафар харажати
|
1. Поезд/автотранспорт/кема йўл ҳақига бўлинган 2. Ишсиз шахс яшаш жойидан у ташриф буюрадиган бўлажак иш жойигача бўлган одатий сафар йўналиши асосида ҳисобланган.
|
Харажатлар вужудга келишига қараб тўланади (Ўрта тоифа транспорт воситаларига асосланган ҳолда)
|
|
Вақтинчалик турар-жой харажати
|
Юқорида айтилган ҳаракатларни амалга ошириш мақсадида ўтказилган тунлар сонига қараб
|
"Давлат ходимларининг сафар харажатлари тўғрисида"ги Меъёрларнинг 16 ①моддаси, илова қилинган 2-формасига мувофиқ (Маҳаллий сафар харажатлари ҳақидаги 2-жадвал; харажатлар вужудга келишига қараб тўланади (жумладан, чегирма тарифлар ҳам, агар бўлса); 1 тун учун 100,000 вондан ошмаган миқдорда (Узоқ масофадан иш излаш нафақалари билан боғлиқ вақтинчалик турар-жой харажатлар тўғрисида Эслатма)
|
- Ишсиз шахснинг иш излаш ҳаракатлари билан харажатларини бўлажак иш берувчи тўлаганда, юқоридаги жадвалда айтилган суммадан бўлажак иш берувчи тўлаган сумма айириб ташланади. ("Бандлик суғуртаси тўғрисидаги қонун ижроси тўғрисида”ги Қоидаларнинг 111 ⑤ моддаси)
Узоқ масофадан иш излаш нафақаларини олиш учун ариза
- Узоқ масофадан иш излаш нафақаларини олмоқчи бўлган шахс ушбу нафақаларни олиш ҳақида ёзма талабнома, шунингдек, нафақалар олиш ҳуқуқига эгалик тўғрисида гувоҳномани тегишли бандлик марказига тақдим этиши лозим. ("Бандлик суғуртаси тўғрисидаги қонун ижроси тўғрисида"ги Қарорнинг 89 ② моддаси; "Бандлик суғуртаси тўғрисидаги қонун ижроси тўғрисида”ги Қоидаларнинг 112 ① -моддаси ва илова қилинган 98-формаси)
- Юқорида айтилган ёзма талабнома узоқ масофадан иш излаш ҳаракатлари якунланган санадан бошлаб 14 кун ичида тақдим этилиши лозим. ("Бандлик суғуртаси тўғрисидаги қонун ижроси тўғрисида”ги Қоидаларнинг 112 ② моддаси)
Аммо агар табиий офат содир бўлган бўлса ёки бошқа четлаб ўтиб бўлмайдиган вазият содир бўлган бўлса, мазкур сабаб бартараф бўлган санадан бошлаб 7 кун ичида ариза тақдим этилиши лозим. ("Бандлик суғуртаси тўғрисидаги қонун ижроси тўғрисида"ги Қарорнинг 89 ② моддаси; "Бандлик суғуртаси тўғрисидаги қонун ижроси тўғрисида”ги Қоидаларнинг 112 ② -моддасининг махсус эслатмаси)
Узоқ масофадан иш излаш нафақаларини тўлаш усули
- Узоқ масофадан иш излаш нафақаси ишсиз шахс томонидан танланган молия муассасидаги ҳисоб рақамга ўтказиб берилади. ("Бандлик суғуртаси тўғрисидаги қонун ижроси тўғрисида”ги Қарорнинг 89 ② ва 75-моддаси)