Касбий қобилиятни ривожлантириш нафақаси
Касбий қобилиятни ривожлантириш нафақаси нима
- “Касбий қобилиятни ривожлантириш нафақаси” дейилганда, бандлик маркази раҳбари томонидан талаб қилинган касбий малакаларни ривожлантириш курслари ва шунга ўхшаш бошқа ўқув-тайёрлов дастурларида қатнашган ишсиз шахсларга ушбу курслар давомида тўланадиган ишсизлик нафақалари тушунилади ("Бандлик суғуртаси тўғрисида"ги Қонуннинг 65 ① моддаси)
Касбий қобилиятни ривожлантириш нафақасини тўлаш
Касбий қобилиятни ривожлантириш нафақасини бериш бўйича чекловлар
- Касбий малакани ривожлантириш курси ва бошқа шунга ўхшаш ўқув-тайёрлов курсларида қатнашишдан бўйин товлаганлик учун иш изловчилар учун нафақалар бериш тўхтатиб қўйилган ишсиз шахсларга касбий қобилиятни ривожлантириш нафақаси тўланмайди ("Бандлик суғуртаси тўғрисида"ги Қонуннинг 60 ① ва ② моддаси) ("Бандлик суғуртаси тўғрисида"ги Қонуннинг 65 ② моддаси)
Касбий қобилиятни ривожлантириш нафақасини ҳисоблаш
- Касбий қобилиятни ривожлантириш нафақаси бандлик маркази раҳбари томонидан талаб қилинган касбий малакаларни ривожлантириш курслари ва шунга ўхшаш бошқа ўқув-тайёрлов дастурларида қатнашадиган шахсларга ушбу курсларда қатнашиш даври давомида ҳамда иш изловчилар учун нафақаларни олиш даври давомида тўланади. ("Бандлик суғуртаси тўғрисида"ги Қонуннинг 65 ③ моддаси; "Бандлик суғуртаси тўғрисидаги қонун ижроси тўғрисида”ги Қарорнинг 88 ①-моддаси)
- Касбий қобилиятни ривожлантириш бўйича ўқув-тайёрлов куни ишсиз шахсга тўланадиган касбий қобилиятни ривожлантириш нафақаси суммаси 7530 вонгача бўлган миқдорни ташкил этади. ("Бандлик суғуртаси тўғрисидаги қонун ижроси тўғрисида”ги Қарорнинг 88 ② моддаси; Касбий қобилиятни ривожлантириш нафақаси тўғрисида Эслатма)
※ Агар касб малакаларини ривожлантириш бўйича ўқув-тренингни ўтовчи шахс учун харажатлар (транспорт, овқат ва ҳоказолар учун) давлат ташкилоти томонидан ёки марказий маъмурий бошқарув агентлиги ёки маҳаллий ҳокимлик берган ваколат асосида бошқа агентлик томонидан қопланса, у шахсга юқорида айтилган харажатлар суммаси чиқариб ташлангандан кейинги сумма берилади.
Касбий қобилиятни ривожлантириш нафақасини олиш учун ариза
- Касбий қобилиятни ривожлантириш нафақасини олмоқчи бўлган шахс ишсизлик эътироф этилган санада нафақа олиш ҳуқуқига эгалик тўғрисидаги гувоҳномани ва курсга қатнашганлик тўғрисидаги гувоҳномани тақдим этиши лозим ("Бандлик суғуртаси тўғрисидаги қонун ижроси тўғрисида”ги Қоидаларнинг 85 ② моддаси) ("Бандлик суғуртаси тўғрисидаги қонун ижроси тўғрисида”ги Қарорнинг 88 ④ моддаси; "Бандлик суғуртаси тўғрисидаги қонун ижроси тўғрисида”ги Қоидаларнинг 110-моддаси ва илова қилинган 83-формаси)
- Касбий қобилиятни ривожлантириш бўйича тайёрлов курсига тааллуқли охирги ишсизликни эътироф этиш санаси тайёрлов курси якунланган санадан фарқли бўлганда, ишсиз шахс нафақа олиш ҳуқуқига эгалик тўғрисида гувоҳнома ва тайёрлов курси гувоҳномасини курс якунланган санада тақдим этиши лозим. ("Бандлик суғуртаси тўғрисидаги қонун ижроси тўғрисида”ги Қоидаларнинг 110 ва 85 ③ моддаси)
Касбий қобилиятни ривожлантириш нафақасини тўлаш усули
- Касбий қобилиятни ривожлантириш нафақаси ишсиз шахсга иш изловчилар нафақалари бериш учун белгиланган санада тўлаб берилади. ("Бандлик суғуртаси тўғрисидаги қонун ижроси тўғрисида”ги Қарорнинг 88 ③ моддаси)
- Касбий қобилиятни ривожлантириш нафақаси ишсиз шахс томонидан танланган молия муассасидаги ҳисоб рақамга ўтказиб берилади. ("Бандлик суғуртаси тўғрисидаги қонун ижроси тўғрисида”ги Қарорнинг 88 ③ ва 75 моддаси)