Одатдан ташқари қўшимча нафақаларни тўлаш
Одатдан ташқари қўшимча нафақаларни тўлаш
- Қуйидаги ҳолатлар содир бўлганда, ушбу нафақаларни олиш шартларини қаноатлантирадиган шахслар мазкур қўшимча нафақаларни олишлари мумкин: ("Бандлик суғуртаси тўғрисида"ги Қонуннинг 53 ① моддаси; "Бандлик суғуртаси тўғрисидаги қонун ижроси тўғрисида”ги Қарорнинг 74-моддаси)
· Ҳар ойнинг охирида иш изловчилар учун бериладиган нафақаларни олувчилар сонини (ўқув-тайёрлов қўшимча нафақалари/якка тартибдаги/одатдан ташқари қўшимча нафақалар олувчилардан ташқари) суғурталанган ишчилар сонига бўлганда, келиб чиқадиган натижа кетма-кет 3 ой давомида 3% дан ортиқни ташкил этса
· Нафақаларни олиш ҳуқуқига эгалик мақомини олиш бўйича ариза тақдим этувчиларнинг ҳар ойдаги фоизи кетма-кет 3 ой давомида 1% дан ошганда (ва бу ҳолатнинг ҳозирги вақтда ҳам давом этиши кутилаётган бўлса)
· Ойлик ишсизлик фоизи кетма-кет 3 ой давомида 6% дан ошиқ бўлганда (ва бу ҳолатнинг ҳозирги вақтда ҳам давом этиши кутилаётган бўлса)
· Бандликни таъминлаш бўйича муҳокамалар Қўмитаси ишсизлик даражаси кескин ошганлиги боис бандлик билан боғлиқ вазият жуда ёмонлашиши натижасида одатдан ташқари қўшимча нафақалар тўлаш зарур, деган қарорга келса
※ "Суғурталанган ишчи" қуйидаги шахслардан бирини англатади: ("Бандлик суғуртаси тўғрисида"ги Қонуннинг 2(1)-моддаси)
· “Бандлик суғуртаси ва иш жойидаги бахтсиз ҳодиса учун товон суғуртаси учун суғурта мукофотларини йиғиш ва ҳоказолар тўғрисида”ги Қонуннинг 5 модданинг ① ва ②банди, 6 модданинг ① банди, 8 модданинг ① ва ② бандига, 48-2 модданинг ① банди ва 48-3модданинг ① бандига асосансуғурталанган ёки суғурталанган деб ҳисобланадиган ишчи, санъат ходими ёки иш берувчи
"Бандлик суғуртаси ва иш жойидаги бахтсиз ҳодиса учун товон суғуртаси учун суғурта мукофотларини йиғиш ва ҳоказолар тўғрисида"ги Қонуннинг 49-2 ① ва ② моддаларига асосан суғурталанган ёки суғурталанган, деб ҳисобланадиган якка тартибдаги тадбиркор
Одатдан ташқари қўшимча нафақалар олувчилари сафидан чиқарилган шахслар
- Даромади ишдан бўшагандан кейин барқарор кун кўриш учун белгиланган даражадан юқори бўлган ва қуйидаги туркумлардан бирига мансуб бўлган шахслар одатдан ташқари қўшимча нафақа олувчилар сафидан чиқарилади. ("Бандлик суғуртаси тўғрисида"ги Қонуннинг 53 ① моддасининг махсус эслатмаси; "Бандлик суғуртаси тўғрисидаги қонун ижроси тўғрисида”ги Қоидаларнинг 97-моддаси)
· Ишдан бўшаган вақтда номланиши қандай бўлишидан қатъий назар кунлик иш ҳақининг максимал суммасининг 24 ойига (730 кунига) тенг қийматдаги пул ва бошқа қимматликлар олган шахслар
· Ишга жойлашиш бўйича ўқув-тайёрлов нафақалари суммаси одатдан ташқари қўшимча нафақалар суммасидан ошиши туфайли одатдан ташқари қўшимча нафақаларни олмоқчи бўлмаган шахслар
Одатдан ташқари қўшимча нафақаларни бериш даври
- Одатдан ташқари қўшимча нафақалар 60 кунгача тўланиши мумкин. ("Бандлик суғуртаси тўғрисида"ги Қонуннинг 53 ① моддаси)
- Агар одатдан ташқари қўшимча нафақалар тўланадиган бўлса, ишсиз шахсга нафақаларни бериш даври одатдан ташқари қўшимча нафақалар тўланадиган қўшимча кунлар сонини одатий ишсизлик нафақалари бериладиган даврга қўшиш орқали ҳисобланади. ("Бандлик суғуртаси тўғрисида"ги Қонуннинг 54 ① моддаси)
Одатдан ташқари қўшимча нафақаларнинг кунлик суммаси
- Одатдан ташқари қўшимча нафақаларнинг кунлик суммаси ишсиз шахс оладиган иш изловчилар учун нафақалар кунлик суммасининг 70% қисмига тенг бўлади. ("Бандлик суғуртаси тўғрисида"ги Қонуннинг 54 ② моддаси)
- Агар ҳисобланган иш изловчилар учун нафақаларнинг кунлик суммаси иш изловчилар учун нафақаларнинг кунлик минимал суммасидан кам бўлса, иш изловчилар учун нафақаларнинг кунлик минимал суммаси иш изловчилар учун нафақаларнинг кунлик суммасини ташкил этади. ("Бандлик суғуртаси тўғрисида"ги Қонуннинг 54 ③ моддаси)
Одатдан ташқари қўшимча нафақаларни тўлаш усули
- Бандлик маркази раҳбари одатдан ташқари қўшимча нафақаларни тўлайдиган бўлса, у раҳбар бу нафақаларни олувчи шахсга олдиндан бу ҳақида маълум қилиши ва нафақани тўлаш вақтида ушбу нафақани олиш ҳуқуқига эгалик тўғрисидаги гувоҳномани у шахсга бериши лозим, ушбу гувоҳномада ишсизлик мақоми эътироф этилган кун кўрсатилган бўлиши лозим. ("Бандлик суғуртаси тўғрисидаги қонун ижроси тўғрисида”ги Қоидаларнинг 96 моддаси)
Одатдан ташқари қўшимча нафақаларни тўлаш билан боғлиқ масалаларни ҳал этиш
Одатдан ташқари қўшимча нафақаларни тўлаш билан боғлиқ масалаларни ўзаро ҳал этиш
- Иш изловчилар учун бериладиган одатий нафақалар олувчи шахсга тўлиқ тўлаб берилгандан кейингина одатдан ташқари қўшимча нафақалар тўланади. ("Бандлик суғуртаси тўғрисида"ги Қонуннинг 55 ① моддаси)
- Айни дамда одатдан ташқари қўшимча нафақаларини олаётган шахсга мазкур нафақаларни тўлиқ охиригача олиб бўлмагунча, ҳеч қандай якка тартибдаги ёки бошқа қўшимча нафақалар тўлаш мумкин эмас. ("Бандлик суғуртаси тўғрисида"ги Қонуннинг 55 ③ моддаси)
- Айни дамда якка тартибдаги қўшимча нафақаларни олаётган шахсга мазкур нафақаларни тўлиқ охиригача олиб бўлмагунча, ҳеч қандай одатдан ташқари қўшимча нафақалар тўланмайди. ("Бандлик суғуртаси тўғрисида"ги Қонуннинг 55 ④ моддаси)