Пенсия дастури турини ўзгартириш
Пенсия дастури турини ва элементларини ўзгартириш
- Пенсия дастури турини ўзгартирмоқчи бўлган иш берувчи корхонадаги жами ишчи-ходимларнинг ярмидан кўпи аъзо бўлган касаба уюшмасининг розилигини олиши керак (агар бундай касаба уюшмаси бўлмаса, жами ишчи-ходимларнинг ярмидан кўп қисмининг розилигини олиши керак) ("Ишчиходимларнинг пенсия нафақаларини кафолатлаш тўғрисида"ги Қонуннинг 4 ③-моддаси).
- Пенсия дастури турини ўзгартиргандан сўнг, дастур элементларини ўзгартирмоқчи бўлган иш берувчи корхонадаги жами ишчи-ходимларнинг ярмидан кўпи аъзо бўлган касаба уюшмасининг розилигини олиши керак (агар бундай касаба уюшмаси бўлмаса, жами ишчи-ходимларнинг ярмидан кўп қисмининг розилигини олиши керак) ("Ишчиходимларнинг пенсия нафақаларини кафолатлаш тўғрисида"ги Қонуннинг 4 ④-моддаси).
※Аммо режалаштирилган ўзгартиришлар ишчи-ходимлар манфаатларига зид бўлса, иш берувчи корхонадаги жами ишчи-ходимларнинг ярмидан кўпи аъзо бўлган касаба уюшмасининг розилигини олиши керак (агар бундай касаба уюшмаси бўлмаса, жами ишчи-ходимларнинг ярмидан кўп қисмининг розилигини олиши керак).
- Иш берувчи корхонадаги жами ишчи-ходимларнинг ярмидан кўпи аъзо бўлган касаба уюшмасининг розилигини олмасдан (агар бундай касаба уюшмаси бўлмаса, жами ишчи-ходимларнинг ярмидан кўп қисмининг розилигини олмасдан) пенсия дастури тури ёки элементларини ўзгартирса, унга нисбатан 5 миллион вонгача жарима жазоси қўлланиши мумкин ("Ишчиходимларнинг пенсия нафақаларини кафолатлаш тўғрисида"ги Қонуннинг 46 (1)-моддаси).
Пенсия дастурини ўзгартириш ва тугатиш ва ҳоказолар
Пенсия дастурини ўзгартириш
- Амалда бўлиб келаётган қатъий белгиланган бадал тўловли пенсия дастури фаолиятини давом эттираётиб, пенсия дастури тури қатъий белгиланган нафақа тўловли пенсия дастурига ўтиладиган бўлса, қатъий белгиланган нафақа тўловли пенсия дастурига ўтиш ҳақида тегишли давлат ташкилотига хабар берган вақтда, ўзгартиришлар қатъий белгиланган бадал тўловли пенсия дастурига қилиниши керак (бунда қатъий белгиланган нафақа тўловли пенсия дастурига ўтилгандан сўнг, қатъий белгиланган бадал тўловли пенсия дастурига бадаллар ўтказиш тўхтатилиши ҳақида кўрсатиб ўтиш лозим) (Манба: Пенсия дастурларига оид кўп сўраладиган саволлар, Бандлик ва меҳнат Вазирлиги).
Пенсия дастурини вақтинча тўхтатиш ёки тугатиш
- Пенсия дастури тугатилганда ёки вақтинча тўхтатилганда, пенсия нафақалари бир йўла бир мартада бериладиган пенсия дастури кучга киради ("Ишчи-ходимларнинг пенсия нафақаларини кафолатлаш тўғрисида"ги Қонуннинг 38 ①-моддаси).
- Пенсия дастури тугатилганда, пенсия дастурига ўтказилган маблағлар пенсия дастури аъзоларига тўлаб берилишини таъминлаш учун иш берувчи кечиктирмасдан қуйидаги чораларни кўриши керак ("Ишчи-ходимларнинг пенсия нафақаларини кафолатлаш тўғрисида"ги Қонуннинг 38 ②-моддаси; "Ишчи-ходимларнинг пенсия нафақаларини кафолатлаш тўғрисидаги қонун ижроси тўғрисида”ги Қарорнинг 38-моддаси):
|
Тасниф гуруҳи
|
Тавсифи
|
|
Бандлик ва меҳнат Вазирлигига маълумот бериш
|
Пенсия дастури тугатилган санадан бошлаб 1 ой ичида пенсия дастури тугатилганлиги ҳақидаги хабарнома тақдим этилиши керак ва хабарномада қуйидаги маълумотлар кўрсатилиши керак: ▪ Ишчи-ходимлар вакилларининг пенсия дастури тугатилишига розилиги; ▪ Пенсия дастури тугатилишининг сабаблари ва тугатилганлик кучга кирган сана; ▪ Пенсия дастури тугатилган санага қадар пенсия дастурига ўтказилган жами маблағлар, шунингдек, ўтказилмай қолинган маблағлар; √Қатъий белгиланган нафақа тўловли пенсия дастури: ўтказилмаган ёки ўтказиш муддати ўтган пенсия ажратмалари. √Қатъий белгиланган бадал тўловли пенсия дастури: ▪ Пенсия ажратмаларини тўлаш кечиктирилганлиги сабабли ундириладиган фоизларни ҳам ўз ичига олган сумма. ▪ Камчиликларни бартараф этиш режаси, жумладан, тўланмаган пенсия ажратмаларини тўлашнинг кутилган санаси (бу фақат қатъий белгиланган бадал тўловли пенсия дастурига тааллуқли)
|
|
Пенсия дастури аъзоларига хабар бериш
|
▪ Пенсия дастури тугатилган санага қадар пенсия дастурига ўтказилган жами маблағлар, шунингдек, ўтказилмай қолинган маблағлар: √Қатъий белгиланган нафақа тўловли пенсия дастури: Ўтказилмаган ёки ўтказиш муддати ўтган пенсия ажратмалари √Қатъий белгиланган бадал тўловли пенсия дастури: Пенсия ажратмаларини тўлаш кечиктирилганлиги сабабли ундириладиган фоизларни ҳам ўз ичига олган сумма; ▪ Пенсия нафақалари ҳақидаги ҳужжат ва тўловни амалга ошириш тартиби; ▪ Пенсия жамғармасидан оралиқ тўлов олиш учун ариза бериш муддати; ▪ Камчиликларни бартараф этиш режаси, жумладан, тўланмаган пенсия ажратмаларини тўлашнинг кутилган санаси (бу фақат қатъий белгиланган бадал тўловли пенсия дастурига тааллуқли)
|
|
Пенсия дастури ишончли вакилига чораларни кўриш ҳақида учун талабнома
|
▪ Пенсия дастури тугатилган санадан бошлаб 14 кун иш берувчи тўланмай қолган пенсия ажратмаларини ишончли вакилга ўтказиб бериши керак. ▪ Пенсия дастури ишончли вакилига пенсия маблағларини дастур аъзоларига тўлаб бериш ҳақида талабнома тақдим этиш керак.
|
- Пенсия дастури вақтинча тўхтатилганда, иш берувчи ва ишончли вакил пенсия дастури фаолиятини юрғизиш учун зарур бўлган маълум вазифаларни бажаришда давом этиши керак, жумладан, қуйидаги амалиётларни ("Ишчи-ходимларнинг пенсия нафақаларини кафолатлаш тўғрисида"ги Қонуннинг 38 ③-моддаси; "Ишчи-ходимларнинг пенсия нафақаларини кафолатлаш тўғрисидаги қонун ижроси тўғрисида”ги Қарорнинг 39-моддаси):
|
Тасниф гуруҳи
|
Тавсифи
|
|
Иш берувчи
|
▪ Пенсия дастури вақтинча тўхтатилишининг сабаблари, дастур фаолияти давом этишни бошлаши кутилган сана ва вақтинча тўхтатилган давр давомида қилинадиган ишлар, жумладан ўтказилмай қолган пенсия ажратмаларини тўлаш режаси ҳақида оммага хабар қилиш. ▪ "Ишчи-ходимларнинг пенсия нафақаларини кафолатлаш тўғрисида"ги Қонуннинг 32 ② -моддасига асосан пенсия дастури аъзоларига пенсия дастури ҳақида таълим бериш. ▪ Тегишли қонунларга асосан ҳатто дастур вақтинчалик тўхтатилган давр давомида ҳам узлуксиз равишда бажариб бориш талаб этиладиган ва пенсия нафақаларини тўлаб беришни сўраб қилинган мурожаатлар, пенсия дастури фаолиятига оид мурожаатлар билан ишлаш билан боғлиқ вазифаларни бажариш учун зарур чоралар. ▪ Бандлик ва меҳнат Вазирлиги томониданпенсия дастури фаолиятини давом эттириш учун ва пенсия дастури аъзоларини ҳимоялаш учун зарур деб белгиланган бошқа вазифалар.
|
|
Пенсия дастури ишончли вакили
|
▪ Пенсияга чиққан аъзоларга пенсия нафақаларини тўлаб бериш ва ҳоказолар. ▪ "Ишчи-ходимларнинг пенсия нафақаларини кафолатлаш тўғрисида"ги Қонуннинг 32 ②-моддасига асосан, иш берувчи талаб қилганда, пенсия дастури аъзоларига пенсия дастури ҳақида таълим бериш. ▪ Қoнун томонидан талаб қилинадиган ёки операциялар ва активларни бошқариш хизматлари бўйича тузилган шартномаларда белгиланган ва пенсия нафақаларини тўлаб бериш, пенсия дастури фаолиятига оид бошқа вазифалар ва пенсия дастури фаолияти қандай бораётгани ҳақида хабар бериш ишлар. ▪ Бандлик ва меҳнат Вазирлиги томониданпенсия таъминоти дастури фаолиятини давом эттириш учун ва пенсия дастури аъзоларини ҳимоялаш учун зарур деб белгиланган бошқа вазифалар.
|
- Пенсия дастури тугатилганидан сўнг пенсия нафақаларини дастур аъзоларига тўлаётганда, иш берувчи ва ишончли вакил пенсия маблағларини дастур аъзосининг алоҳида шахсий пенсия ҳисоб рақамига ўтказиши керак ("Ишчи ходимларнинг пенсия нафақаларини кафолатлаш тўғрисида"ги Қонуннинг 38 ④-моддаси).
※Агар пенсия дастури аъзосида шахсий пенсия ҳисоб рақами бўлмаса, маблағлар ишончли вакил томонидан очилган ҳисоб рақамга ўтказилади ("Ишчи ходимларнинг пенсия нафақаларини кафолатлаш тўғрисида"ги Қонуннинг 38 ④-моддасининг махсус эслатмаси).
- Пенсия дастури тугатилганлиги туфайли пенсия маблағлари дастур аъзосининг шахсий пенсия ҳисоб рақамига ўтказилганда, бу пенсия маблағларининг оралиқ тўлови ҳисобланади. Бу ҳолатда оралиқ тўлов муддати қуйидаги қоидалар асосида белгиланади ("Ишчи-ходимларнинг пенсия нафақаларини кафолатлаш тўғрисида"ги Қонуннинг 38 ⑤ -моддаси; "Ишчи-ходимларнинг пенсия нафақаларини кафолатлаш тўғрисидаги қонун ижроси тўғрисида”ги Қарорнинг 40-моддаси):
|
Тасниф гуруҳи
|
Тавсифи
|
|
Қатъий белгиланган нафақа тўловли пенсия дастури
|
▪ "Ишчи-ходимларнинг пенсия нафақаларини кафолатлаш тўғрисида"ги Қонуннинг 46(1)-моддасига асосан, пенсия маблағларидан оралиқ тўлов суммаси пропорционал nақсимлаш орқали ҳисобланади, бунда узлуксиз меҳнат фаолияти даври, ўртача иш ҳақи ва пенсия маблағлари суммаси инобатга олинади. ▪ Оралиқ тўлов даври олинган оралиқ тўлов суммаси асосида ҳисобланади.
|
|
Қатъий белгиланган бадалли пенсия дастури
|
Ишчи-ходим пенсия дастурига аъзо бўлган сана оралиқ тўлов даврининг бошланиш санаси, ишчи-ходим ҳисоб рақамига пенсия ажратмалари ўтказиладиган даврнинг охирги санаси оралиқ тўлов даврининг якунланиш санаси ҳисобланади.
|
|
Якка тартибдаги пенсия дастури
|