UZBEK

- “Маъмурий суд иши” дейилганда, оммавий ҳуқуққа нисбатан ҳуқуқий муносабатлар бўйича баҳсли ҳолатларни ҳал қилувчи суд иши жараёни, бошқача айтганда, фуқароларни маъмурий давлат органлари томонидан чиқарилган ноқонуний қарорлар туфайли ҳамда давлат органлари ўз ваколатидан фойданиши ёки фойдаланмаслиги туфайли фуқаролар ҳуқуқларининг бузилиши ва манфаатларининг камситилишидан ҳимоя қилиш, шунингдек, оммавий ҳуқуқ ёки қонунга таянган ҳолда баҳсли ҳолатларни мақсадга мувофиқ ҳал этишга қаратилган суд ишлари тушинилади (Манба: Корея Республикаси судининг электрон давлат хизматлари маркази -процесуал қўлланма- маъмурият - қисқа мазмуни).

- "Бекор қилиш ҳақидаги даъво" дейилганда, маъмурий орган томонидан чиқарилган қарорнинг бекор қилиниши ва ўзгартирилишини сўраб тақдим этилган даъво тушинилади ("Маъмурий суд жараёнлари тўғрисида"ги Қонуннинг 4-моддаси 1-кичик банди).

- Бекор қилиш ҳақидаги даъволар предмети бекор қилиш сўралган қарор ҳисобланади.

- "Ноқонуний қарор" дейилганда, муайян фактга нисбатан қонун ижросини таъминлаш функцияси сифатида маъмурий давлат органларининг ўз расмий мажбуриятларини бажариши ёки бажармаслиги, бошқа шунга ўхшаш маъмурий ҳаракатлар (кейинги ўринларда "ноқонуний қарор" деб юритилади) ва маъмурий апелляция шикоятлари бўйича қарор тушунилади (Маъмурий суд жараёнлари тўғрисида"ги Қонуннинг2 (1)-моддаси 1-кичик банди).

- Бекор қилиш ҳақидаги даъво ноқонуний қарорнинг бекор қилинишини талаб қилишдан ҳуқуқий манфаатлари бўлган шахслар тақдим этиши мумкин. ("Маъмурий суд ишлари тўғрисида"ги Қонуннинг 12-моддаси олдинги қисми)

- Шунга кўра, Бандлик ва меҳнат Вазирлиги томонидан юклатилган ваколатга асосан Корея ишчилар учун товон ва уларни ижтимоий муҳофаза қилиш хизмати томонидан қабул қилинган суғурта бўйича моддий ёрдам масаласидаги қарордан ёки ўрганиб чиқиш талабномаси юзасидан чиқарилган қарор ёки қайта ўрганиб чиқиш талабномаси юзасидан чиқарилган қарордан қониқмаган суғурта бўйича моддий ёрдам олувчи ҳар бир бенефициар, "Иш жойидаги бахтсиз ҳодиса учун товон суғуртаси тўғрисида"ги Қонуннинг 10-моддасига асосан, маъмурий судга даъво тақдим этиши мумкин.

- Бошқа Қонун ҳужжатларида бошқача ҳолат назарда тутилмаган бўлса, бекор қилиш ҳақидаги даъво бўйича суд ишида нотоғри қарорни чиқарган маъмурий давлат органи жавобгар ҳисобланади ("Маъмурий суд ишлари тўғрисида"ги Қонуннинг 13-моддаси олдинги қисми).

- Корея ишчилар учун товон ва уларни ижтимоий муҳофаза қилиш хизмати томонидан қабул қилинган суғурта бўйича моддий ёрдам масаласидаги қарорни бекор қилиш ҳақида даъво тақдим этмоқчи бўлган шахслар ёзма шикоят даъвосини маъмурий судга тақдим этиши лозим ("Маъмурий суд ишлар тўғрисида"ги Қонуннинг 8 (2)-моддаси ва 9-моддаси ва "Фуқаролик процессуал ҳуқуқи тўғрисида"ги Қонуннинг 248-моддаси).

- Ёзма шикоят даъвосида қуйидаги маълумотлар кўрсатилиши ва унда даъво берувчи томон ёки унинг вакилининг исм-шарифи ва муҳри ёки имзоси қўйилиши керак ("Маъмурий суд ишлар тўғрисида"ги Қонуннинг 8 (2)-моддаси ва 249-моддаси ва "Фуқаролик процессуал ҳуқуқи тўғрисида"ги Қонуннинг 249 ва 274(1)-моддаси).

- Даъво тақдим этиш муддати

- Корея ишчилар учун товон ва уларни ижтимоий муҳофаза қилиш Хизмати томонидан қабул қилинган суғурта бўйича моддий ёрдам масаласидаги қабул қилиган қарордан норози шахслар, ①ўрганиб чиқиш ёки қайта ўрганиб чиқиш талабномасини тақдим этиб ўтирмасдан тўғридан-тўғри бекор қилиш ҳақида шикоят даъвосини тақдим этиши мумкин ёки ②ихтиёрий равишда ўрганиб чиқиш ва қайта ўрганиб чиқиш талабномасини тақдим этгандан сўнг бекор қилиш ҳақида шикоят даъвосини тақдим этиши мумкин ёки ③ихтиёрий равишда ўрганиб чиқиш талабномасини тақдим этгиб, бу талабнома юзасидан қарор қабул қилгандан сўнг тўғридан-тўғри бекор қилиш ҳақида шикоят даъвосини тақдим этиш мумкин ("Маъмурий суд ишлари тўғрисида"ги Қонуннинг 18 (1)-моддаси ва 2002 йил 26 ноябрдаги Олий суд Қарори, иш рақами 2002Du 6811).

- Тақдим этилган даъво суд иши учун белгиланган талабларга жавоб беришини аниқлаш учун текшириб чиқилади. Агар жавоб бермаса, тақдим этилган даъво қонун талабларига жавоб бермаганлиги учун рад этилади.

- Маъмурий суд ишидаги даъвони текшириб чиқишда кўриб чиқиладиган нарсалар қуйидагиларни ўз ичига олади: суд иши предмети, томонларнинг судлашув ҳуқуқига эгалиги, даъво тақдим этиш муддати, суд ишидан олдинги тартиб-таомиллар; зеро булар баҳс моҳияти бўйича суд қарорини чиқариш ва ўз мақоми бўйича юқоригиларни текшириб чиқишнинг дастлабки шарти ҳисобланади.

- Даъвогар томонидан тақдим этилган даъвони қабул қилиш ёки уни рад этиш учун даъво моҳиятини ўрганиб чиқиш амалга оширилади, бунда даъвонинг талабларга жавоб беришини текшириб чиқиш натижасида қонуний, деб топилган даъвонинг асосий мазмун-моҳияти ўрганиб чиқилади. Даъво мазмун-моҳияти ўрганиб чиқиш натижасида унинг мазмун-моҳияти асосли, деб топилса, даъво қабул қилинади, аксинча бўлса, рад этилади.