Қайта ўрганиб чиқиш ҳақида талабномалардаги томонлар
Қайта ўрганиб чиқиш талабгори
- Ўрганиб чиқиш талаби юзасидан чиқарилган қарордан қониқмаган ҳар қандай шахс Иш жойидаги бахтсиз ҳодиса учун товон суғуртаси бўйича қарорларни қайта кўриб чиқиш Қўмитасига қайта кўриб чиқиш ҳақида талабнома тақдим этиши мумкин (кейинги ўринларда "Қайта кўриб чиқиш Қўмитаси" деб юритилади) ("Иш жойидаги бахтсиз ҳодиса учун товон суғуртаси тўғрисида"ги Қонуннинг 106 (1)-моддаси.
- -Касб касалликлари бўйича экспертлар Қўмитаси томонидан ўрганилган суғурта бўйича моддий ёрдам масаласи юзасидан чиқарилган қарордан қониқмаган ҳар қандай шахс, "Иш жойидаги бахтсиз ҳодиса учун товон суғуртаси тўғрисида"ги Қонуннинг 103-моддасига асосан, қарорни ўрганиб чиқиш ҳақида талабнома тақдим этиб ўтирмасдан, бевосита қарорни қайта ўрганиб чиқиш ҳақида талабнома тақдим этиши мумкин ("Иш жойидаги бахтсиз ҳодиса учун товон суғуртаси тўғрисида"ги Қонуннинг 106 (1)-моддаси).
Қайта ўрганиб чиқиш талабгори мақомининг мерос бўлиб ўтиши
- Қайта ўрганиб чиқиш талабгори вафот этганда, агар ушбу марҳум талабгор суғурта бўйича моддий ёрдамлар оладиган бенефициар шахс бўлса, "Иш жойидаги бахтсиз ҳодиса учун товон суғуртаси тўғрисида"ги Қонуннинг 62 (1) ёки 81-моддасида белгилаб қўйилганидек, унинг талабгорлик мақоми унинг оила аъзоларига ўтади ва агар улар йўқ бўлса, марҳумнинг меросхўрига ёки бўлмаса, ўрганиб чиқиш ёки қайта ўрганиб чиқиш талабининг предмети ҳисобланган суғурта моддий ёрдамига нисбатан маълум ҳуқуқ ёки манфаатга эга бўлган бошқа шахсга ўтади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 110-моддаси).
Қайта ўрганиб чиқиш ҳақида талабномадаги апелляция бўйича жавобгар
- Суғурта бўйича моддий ёрдам масаласида қарор қабул қилган Корея ишчилар учун товон ва уларни ижтимоий муҳофаза қилиш хизмати қайта ўрганиб чиқиш талаби бўйича шикоятидаги жавобгар томон ҳисобланади ("Маъмурий апелляциялар тўғрисида"ги Қонуннинг 17 (1)-моддаси ва "Иш жойидаги бахтсиз ҳодиса учун товон суғуртаси тўғрисида"ги Қонуннинг 111 (3)-моддаси
Қайта ўрганиб чиқиш ҳақидаги талабномаларни тақдим этиш
Қайта ўрганиб чиқиш ҳақида талабнома тақдим этиш усуллари
- Қайта ўрганиб чиқиш ҳақидаги талабномани Корея ишчилар учун товон ва уларни ижтимоий муҳофаза қилиш хизматининг суғурта бўйича моддий ёрдам масаласасида қарор қабул қилган филиал идораси (кейинги ўринларда "ҳудудий идораси ёки филиали" деб юритилади) орқали Қайта Ўрганиб чиқиш қўмитасига тақдим этиш лозим ("Иш жойидаги бахтсиз ҳодиса учун товон суғуртаси тўғрисида"ги Қонуннинг 106 (2)-моддаси).
- Қайта ўрганиб чиқиш ҳақидаги талабномада қуйидаги маълумотлар кўрсатилади ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 105 (1)-моддаси).
· Қайта ўрганиб чиқиш талабгори исм-шарифи ва манзили (агар талабгор компания бўлса, компаниянинг номи ва манзили ва унинг вакилининг исм-шарифи);
· Қайта ўрганиб чиқиш талаб қилинган суғурта бўйича моддий ёрдам тўғрисида чиқарилган қарор тафсилотлари;
· Кўриб чиқиш ҳақида талабнома юзасидан қабул қилинган қарор ҳақида талабгор хабар топган сана (агар Касб касалликлари бўйича экспертлар Қўмитаси томонидан ўрганилган суғурта бўйича моддий ёрдам масаласи юзасидан чиқарилган қарордан қониқмаган шахс томонидан қайта ўрганиб чиқиш ҳақида талабнома тақдим этилган бўлса, суғурта бўйича моддий ёрдам юзасидан чиқарилган қарор);
· Қайта ўрганиб чиқиш талабининг мазмуни ва унда келтирилган асослар;
· Қайта ўрганиб чиқиш ҳақида талабнома ҳақида хабар берилганлиги ва унинг тафсилотлари.
- Агар қайта ўрганиб чиқиш талабгори бахтсиз ҳодисадан жабр кўрган ишчи бўлмаса (даволаниш харажатлари ва дори-дармонлар харажатлари учун моддий ёрдам масаласида чиқарилган қарорларга нисбатан тақдим этилаётган қайта ўрганиб чиқиш талабномалари бундан мустасно), юқорида сўралган маълумотлардан ташқари яна қуйидаги маълумотлар ҳам талабномада кўрсатилиши шарт ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 96 (2)- ва 105(2)-моддаси).
· бахтсиз ҳодисадан жабр кўрган ишчининг исм-шарифи;
· Бахтсиз ҳодиса содир бўлган вақтда ишчи ишлаётган корхона номи ва манзили;
·Агар қайта ўрганиб чиқиш ҳақидаги талабнома тайинланган вакил ёки агент томонидан тақдим этилса, юқорида сўралган маълумотлардан ташқари яна вакил ёки агентнинг исм-шарифи ва манзили ҳам талабномада кўрсатилиши шарт ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 96 (3)-ва 105(2)-моддаси).
- Қайта ўрганиб чиқиш ҳақидаги ёзма талабномада талабгор ёки унинг агенти имзо чекиши ёки муҳр қўйиши керак ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 96 (4)- ва 105 (2)-моддаси).
Қайта ўрганиб чиқиш ҳақида талабнома тақдим этиш муддати
- Қайта ўрганиб чиқиш учун талабномани кўриб чиқиш талабномаси юзасидан қабул қилинган қарор ҳақида хабар берилгандан сўнг 90 кун ичида тақдим этиш шарт ("Иш жойидаги бахтсиз ҳодиса учун товон суғуртаси тўғрисида"ги Қонуннинг 106 (3)-моддаси асосий гапи).
- Агар Касб касалликлари бўйича экспертлар Қўмитаси томонидан ўрганилган суғурта бўйича моддий ёрдам масаласи юзасидан чиқарилган қарордан қониқмаган шахс қарорни ўрганиб чиқиш ҳақида талабнома тақдим этиб ўтирмасдан, бевосита қарорни қайта ўрганиб чиқиш ҳақида талабнома тақдим этадиган бўлса, талабнома суғурта бўйича моддий ёрдам масаласида қабул қилинган қарор ҳақида маълум қилингандан сўнг 90 кун ичида тақдим этилиши керак ("Иш жойидаги бахтсиз ҳодиса учун товон суғуртаси тўғрисида"ги Қонуннинг 106 (3)-моддаси).
Қайта ўрганиб чиқиш талабномаларини тузатиш ҳақида илтимосномалар ва талабномаларнинг рад этилиши
- Агар қайта ўрганиб чиқиш ҳақидаги талабнома белгиланган муддат ўтгандан сўнг тақдим этилса ёки талабнома тақдим этишда қонунда белгиланган тартиб-таомиллар тузатиб бўлмайдиган даражада бузилган бўлса ёки Қайта ўрганиб чиқиш Қўмитаси томонидан белгиланган муддат ичида бузилган тартиб-таомилни тузатмаса, Қайта ўрганиб чиқиш Қўмитаси ушбу қайта ўрганиб чиқиш талабномасини рад этади ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 97 (1)-моддаси ва 113-моддаси).
- Ҳаттоки қайта ўрганиб чиқиш ҳақидаги талабномани тақдим этишда қонунда белгилан тартиб-таомиллар бузилган бўлса ҳам, агар Қайта ўрганиб чиқиш Қўмитаси қайта ўрганиб чиқиш талабгорига унга етарлича муддат берган ҳолда ушбу қонунбузарликни тузатишини сўраши мумкин ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 97 (2)-моддасининг асосий гапи ва 113-моддаси).
※ Агар тузатилиши керак бўлган нарсалар у қадар катта аҳамиятга эга бўлмаса, Қайта ўрганиб чиқиш Қўмитаси ўз ваколатига таянган ҳолда ушбу тузатишни ўзи қилиши мумкин ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 97 (2)-моддасининг шарти ва 113-моддаси).
Суғурта бўйича моддий ёрдам масаласида қабул қилинган қарорлар ижросининг тўхтатиб қўйилиши
Суғурта бўйича моддий ёрдам масаласида қабул қилинган қарорлар ижросининг тўхтатиб қўйилиши
- Қайта ўрганиб чиқиш учун талабнома суғурта бўйича моддий ёрдам масаласида қабул қилинган қарор ижросини тўхтатиб қўймайди ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 98(1)-моддасиниг асосий гапи ва 113-моддаси).
※Агар қарор ижроси натижасида кўриладиган жиддий йўқотишларни олдини олиш учун қарор ижросини зудлик билан тўхтатиб қўйиш зарур, деб топилса, Қайта ўрганиб чиқиш Қўмитаси ушбу қарор ижросини тўхтатиб қўйиши мумкин ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 98 (1)-моддаси шарти ва 113-моддаси).
- Агар Қайта ўрганиб чиқиш Қўмитаси суғурта бўйича моддий ёрдам масаласида қабул қилинган қарор ижросини тўхтатиб қўйса, Қўмита қуйидаги маълумотларни ўз ичига олган ҳужжат орқали қайта ўрганиб чиқиш талабгорига бу ҳақида тезда маълум қилади ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 98 (2) ва (3)-моддаси ва 113-моддаси).
· Қайта ўрганиб чиқиш талаби юзасидан кўрилаётган иш сарлавҳаси;
· Суғурта бўйича моддий ёрдам масаласидаги ижроси тўхтатиб қўйилаётган қарор ва ижро тўхтатиб қўйилишига оид тафсилотлар;
· Қайта ўрганиб чиқиш талабгорининг исм-шарифи ва манзили;
· Ижро тўхтатиб қўйилиши сабаблари.
Қайта ўрганиб чиқиш ҳақидаги талабнома юзасидан чиқариладиган қарор
Қайта ўрганиб чиқиш ҳақидаги талабнома юзасидан қарор чиқариш усуллари
- Қайта ўрганиб чиқиш ҳақида талабнома юзасидан қабул қилинадиган қарор ҳужжатида қуйидаги маълумотлар кўрсатилади ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 101 (1) ва (2)-моддаси ва 113-моддаси).
1. Иш рақами ва сарлавҳаси;
2. Қайта ўрганиб чиқиш талабгори исм-шарифи ва манзили (агар талабгор компания бўлса, компаниянинг номи ва манзили ва унинг вакилининг исм-шарифи);
3. Тайинланган вакил ёки агент исм-шарифи ва манзили (қайта ўрганиб чиқиш ҳақидаги талабнома тайинланган вакил ёки агенти томонидан тақдим этилган бўлса);
4. Қайта ўрганиб чиқиш талабгори бахтсиз ҳодисадан жабр кўрган ишчи бўлмаса, бахтсиз ҳодисадан жабр кўрган ишчининг исм-шарифи ва манзили;
5. Асосий матн;
6. Қайта ўрганиб чиқиш талабининг мазмуни;
7. Сабаблар;
8. Қарор санаси.
Қарор асл нусхасини жўнатиш ва ҳоказолар
- Қайта ўрганиб чиқиш Қўмитаси қайта ўрганиб чиқиш талабномаси юзасидан қарор қабул қилганда, бу қарорнинг асл нусхасини Корея ишчилар учун товон ва уларни ижтимоий муҳофаза қилиш хизматига ва қайта ўрганиб чиқиш талабгорига жўнатади ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 101 (3)-моддаси ва 113-моддаси).
- -Қайта ўрганиб чиқиш Қўмитаси қайта ўрганиб чиқиш талабномаси юзасидан қарор қабул қилганда, Қўмита қайта ўрганиб чиқиш талабгорига қайта кўриб чиқиш талаби юзасидан чиқарилган қарорга нисбатан даъво билан маъмурий судга мурожаат қилиши мумкинлиги ва агар маъмурий судга даъво тақдим этадиган бўлса, даъво тақдим этиш тартиби ва муддати ҳақида хабар қилади ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 101 (4)-моддаси ва 113-моддаси).
Қайта ўрганиб Қўмитаси қарорининг кучга кириши
- Қайта ўрганиб чиқиш Қўмитаси қарори ижросини таъминлаш Корея ишчилар учун товон ва уларни ижтимоий муҳофаза қилиш хизмати учун мажбурийдир ("Иш жойидаги бахтсиз ҳодиса учун товон суғуртаси тўғрисида"ги Қонуннинг 109 (2)-моддаси).