Ўрганиб чиқиш ҳақида талабномалардаги томонлар
Ўрганиб чиқиш талабгори
- Ўрганиб чиқиш талабгори дейилганда, суғурта бўйича моддий ёрдамлар масаласида қабул қилинган қарор ва ҳоказолар бўйича ўрганиб чиқиш талаби натижасига нисбатан норозилик шикояти билдирган ҳолда қарорнинг бекор қилиниши ёки унинг ўзгартирилишини талаб қилиш учун қонуний ҳуқуққа эга шахс тушинилади ("Маъмурий апелляциялар “тўғрисида”ги” Қонуннинг 13 (1)-моддаси ва "Иш жойидаги бахтсиз ҳодиса учун товон суғуртаси тўғрисида"ги Қонуннинг 111 (3)-моддаси.
Ўрганиб чиқиш талабгори мақомининг мерос бўлиб ўтиши
- Ўрганиб чиқиш ёки қайта ўрганиб чиқиш талабгори вафот этганда, агар ушбу марҳум талабгор суғурта бўйича моддий ёрдамлар оладиган бенефициар шахс бўлса, унинг талабгорлик мақоми унинг оила аъзоларига ўтади ва агар улар йўқ бўлса, марҳумнинг меросхўрига ёки бўлмаса, ўрганиб чиқиш ёки қайта ўрганиб чиқиш талабининг предмети ҳисобланган суғурта моддий ёрдамига нисбатан маълум ҳуқуқ ёки манфаатга эга бўлган бошқа шахсга ўтади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 110-моддаси).
Апелляция бўйича жавобгар
- Суғурта бўйича моддий ёрдам масаласида қарор қабул қилган Корея ишчилар учун товон ва уларни ижтимоий муҳофаза қилиш хизмати ўрганиб чиқиш талаби бўйича шикоятидаги жавобгар томон ҳисобланади ("Маъмурий апелляциялар тўғрисида"ги Қонуннинг 17 (1)-моддаси ва "Иш жойидаги бахтсиз ҳодиса учун товон суғуртаси тўғрисида"ги Қонуннинг 111 (3)-моддаси.
Ўрганиб чиқиш ҳақидаги талабномаларни тақдим этиш
Ўрганиб чиқиш ҳақидаги талабномаларнинг предмети
- -Корея ишчилар учун товон ва уларни ижтимоий муҳофаза қилиш хизмати томонидан қабул қилинган қуйидаги кичик бандларга тааллуқли қарорлардан (кейинги ўринларда "суғурта бўйича моддий ёрдам масаласида қарор" деб юритилади) қониқмаган ҳар бир шахс қарорни ўрганиб чиқиш ҳақидаги талабномасини ушбу Хизматга тақдим этиши мумкин ("Иш жойидаги бахтсиз ҳодиса учун товон суғуртаси тўғрисида"ги Қонуннинг 103 (1)-моддаси:
1. Суғурта бўйича моддий ёрдам тўғрисида қарор;
2. Даволаниш учун моддий ёрдам тўғрисида қарор;
3. Дори-дармонлар учун моддий ёрдам тўғрисида қарор;
4. Даволаниш режасини ўзгартириш чоралар ва ҳоказолар;
5. Суғурта бўйича бир марталик тўланадиган моддий ёрдам бериш ҳақида қарор;
6. Асоратнинг олдини олиш ва бошқариш чоралари ва ҳ.к.
7. Ноқонуний қўлга киритилган моддий ёрдамларни ундириш ҳақида қарор;
8. Суғурта бўйича моддий ёрдам олиш ҳуқуқининг суғурталанувдан суғурталовчига ўтиши ҳақида қарор.
Ўрганиб чиқиш ҳақида талабнома тақдим этиш усуллари
- Ўрганиб чиқиш ҳақидаги талабномани Корея ишчилар учун товон ва уларни ижтимоий муҳофаза қилиш хизматига суғурта бўйича моддий ёрдам масаласасида қарор қабул қилган унинг филиал идораси (кейинги ўринларда "ҳудудий идораси ёки филиали" деб юритилади) орқали тақдим этиш лозим ("Иш жойидаги бахтсиз ҳодиса учун товон суғуртаси тўғрисида"ги Қонуннинг 103 (2)-моддаси.
- Ўрганиб чиқиш ҳақидаги талабномада (кейинги ўринларда "ўрганиб чиқиш ҳақида ёзма талабнома" деб юритилади) қуйидаги маълумотлар кўрсатилиши шарт ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 96 (1)-моддаси)
·Талабгор исм-шарифи ва манзили (агар талабгор компания бўлса, компаниянинг номи ва манзили ва унинг вакилининг исм-шарифи);
· Суғурта тўлови тўғрисидаги қарор ёки харакат мазмунмохияти (кейингиўринларда “Суғурта тўлови тўғрисида қарор ва хоказо” деб юритилади)
· Суғурта бўйича моддий ёрдам тўғрисидаги қарор ҳақида талабгор хабар топган сана;
· Ўрганиб чиқиш талабининг мазмуни ва унда келтирилган асослар;
· Ўрганиб чиқиш ҳақида талабнома билдирилганлиги ва билдиришнома мазмуни.
- Агар ўрганиб чиқиш талабгори бахтсиз ҳодисадан жабр кўрган ишчи бўлмаса (даволаниш харажатлари ва дори-дармонлар харажатлари учун моддий ёрдам масаласида чиқарилган қарорларга нисбатан тақдим этилаётган ўрганиб чиқиш талабномалари бундан мустасно), юқорида сўралган маълумотлардан ташқари яна қуйидаги маълумотлар ҳам талабномада кўрсатилиши шарт ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 96 (2)-моддаси):
· бахтсиз ҳодисадан жабр кўрган ишчининг исм-шарифи;
· Бахтсиз ҳодиса содир бўлган вақтда ишчи ишлаётган корхона номи ва манзили;
· Агар ўрганиб чиқиш ҳақидаги талабнома тайинланган вакил ёки агент томонидан тақдим этилса, юқорида сўралган маълумотлардан ташқари яна вакил ёки агентнинг исм-шарифи ва манзили ҳам талабномада кўрсатилиши шарт ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 96 (3)-моддаси).
- Ўрганиб чиқиш ҳақидаги ёзма талабномада талабгор ёки унинг агенти имзо чекиши ёки муҳр қўйиши керак ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 96 (4)-моддаси).
Ўрганиб чиқиш ҳақида талабнома тақдим этиш муддати
- Ўрганиб чиқиш учун талабномани суғурта бўйича моддий ёрдам масаласида қабул қилинган қарор ҳақида хабар берилгандан сўнг 90 кун ичида тақдим этиш шарт ("Иш жойидаги бахтсиз ҳодиса учун товон суғуртаси тўғрисида"ги Қонуннинг 103(3)-моддаси).
Ўрганиб чиқиш талабномаларини тузатиш ҳақида илтимосномалар ва талабномаларнинг рад этилиши
- Агар ўрганиб чиқиш ҳақидаги талабнома белгиланган муддат ўтгандан сўнг тақдим этилса ёки талабнома тақдим этишда қонунда белгиланган тартиб-таомиллар тузатиб бўлмайдиган даражада бузилган бўлса ёки Корея ишчилар учун товон ва уларни ижтимоий муҳофаза қилиш хизмати томонидан белгиланган муддат ичида бузилган тартиб-таомилни тузатмаса, Хизмат ушбу ўрганиб чиқиш талабномасини рад этади ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 97 (1)-моддаси).
- Ҳаттоки ўрганиб чиқиш ҳақидаги талабномани тақдим этишда қонунда белгилан тартиб-таомиллар бузилган бўлса ҳам, агар Корея ишчилар учун товон ва уларни ижтимоий муҳофаза қилиш хизмати ўрганиб чиқиш талабгорини унга етарлича муддат берган ҳолда ушбу қонунбузарликни тузатишини сўраши мумкин ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 97 (2)-моддаси).
※ Агар тузатилиши керак бўлган нарсалар у қадар катта аҳамиятга эга бўлмаса, Корея ишчилар учун товон ва уларни ижтимоий муҳофаза қилиш хизмати ўз ваколатига таянган ҳолда ушбу тузатишни ўзи қилиши мумкин ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 97 (2)-моддаси шарти).
Суғурта бўйича моддий ёрдам масаласида қабул қилинган қарор ижросининг тўхтатиб қўйилиши
Суғурта бўйича моддий ёрдам масаласида қабул қилинган қарор ижросининг тўхтатиб қўйилиши
- Ўрганиб чиқиш учун талабнома суғурта бўйича моддий ёрдам масаласида қабул қилинган қарор ижросини тўхтатиб қўймайди ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 98(1)-моддаси).
※ Агар қарор ижроси натижасида кўриладиган жиддий йўқотишларни олдини олиш учун қарор ижросини зудлик билан тўхтатиб қўйиш зарур, деб топилса, Корея ишчилар учун товон ва уларни ижтимоий муҳофаза қилиш хизмати ушбу қарор ижросини тўхтатиб қўйиши мумкин ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 98 (1)-моддаси шарти).
- Агар Корея ишчилар учун товон ва уларни ижтимоий муҳофаза қилиш хизмати суғурта бўйича моддий ёрдам масаласида қабул қилинган қарор ижросини тўхтатиб қўйса, қуйидаги маълумотларни ўз ичига олган ҳужжат орқали ўрганиб чиқиш талабгорига бу ҳақида тезда маълум қилади ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 98 (2) ва (3)-моддаси):
· Ўрганиб чиқиш талаби юзасидан кўрилаётган иш сарлавҳаси;
· Суғурта бўйича моддий ёрдам масаласидаги ижроси тўхтатиб қўйилаётган қарор ва ижро тўхтатиб қўйилишига оид тафсилотлар;
· Ўрганиб чиқиш талабгорининг исм-шарифи ва манзили;
· Ижро тўхтатиб қўйилиши сабаблари.
Ўрганиб чиқиш ҳақида талабнома юзасидан қабул қилинадиган қарорлар
Ўрганиб чиқиш ҳақида талабнома юзасидан қабул қилинадиган қарорлар
- Ўрганиб чиқиш ҳақида талабнома юзасидан қабул қилинадиган қарор ҳужжатида қуйидаги маълумотлар кўрсатилади ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 101 (1) ва (2)-моддаси).
1. Иш рақами ва сарлавҳаси;
2. Ўрганиб чиқиш талабгори исм-шарифи ва манзили (агар талабгор компания бўлса, компаниянинг номи ва манзили ва унинг вакилининг исм-шарифи);
3. Тайинланган вакил ёки агент исм-шарифи ва манзили (ўрганиб чиқиш ҳақидаги талабнома тайинланган вакил ёки агенти томонидан тақдим этилган бўлса);
4. Ўрганиб чиқиш талабгори бахтсиз ҳодисадан жабр кўрган ишчи бўлмаса, бахтсиз ҳодисадан жабр кўрган ишчининг исм-шарифи ва манзили;
5. Асосий матн;
6. Ўрганиб чиқиш талабининг мазмуни;
7. Сабаблар;
8. Қарор санаси.
Ўрганиб чиқиш ҳақидаги талабнома юзасидан қабул қилинган қарор асл нусхасини жўнатиш ва ҳоказолар
- Агар Корея ишчилар учун товон ва уларни ижтимоий муҳофаза қилиш хизмати кўриб чиқиш талабномаси юзасидан қарор қабул қилганда, бу қарорнинг асл нусхасини талабгорга жўнатади ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 101 (3)-моддаси).
- Агар Корея ишчилар учун товон ва уларни ижтимоий муҳофаза қилиш хизмати суғурта бўйича моддий ёрдам масаласи юзасидан ёки кўриб чиқиш талабномаси юзасидан қарор қабул қилганда, у иккинчи томонга ёки ўрганиб чиқиш талабгорига улар суғурта бўйича моддий ёрдам масаласи юзасидан ёки кўриб чиқиш талабномаси юзасидан чиқарилган қарор юзасидан кўриб чиқиш ёки қайта кўриб чиқиш ҳақида талабнома тақдим этишлари мумкин ёки мумкин эмаслигини ҳамда агар улар талабнома тақдим этадиган бўлса, ушбу талабномани тақдим этиш тартиб-таомиллари ва муддати ҳақида маълум қилади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 101 (4)-моддаси).