Марҳум ишчи оила аъзоларига моддий ёрдамга таъриф
Марҳум ишчи оила аъзоларига моддий ёрдамга таъриф
- "Марҳум ишчи оила аъзоларига моддий ёрдам" дейилганда, ишдаги вазифаларини бажариш оқибатида вафот этган ишчи оила аъзоларига тўланадиган иш жойидаги бахтсиз ҳодиса учун товон суғуртаси доирасидаги моддий ёрдам тушунилади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 62 (1)-моддаси).
※ "Марҳум ишчи оила аъзоси" дейилганда, вафот этган ишчининг эри ёки хотини (бунга марҳум билан амалда никоҳ муносабатларида бўлган шахс ҳам киради), фарзанди, ота-онаси, невараси, бобо ва бувиси, ака-укаси ёки опа-синглиси тушунилади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 5-моддаси 3-кичик банди).
Марҳум ишчи оила аъзоларига моддий ёрдам тўлаш усуллари
Марҳум ишчи оила аъзоларига моддий ёрдам тўлаш усуллари
- Марҳум ишчи оила аъзолари учун моддий ёрдам йиллик товон пули ёки бир марталик тўланадиган товон пули шаклида тўланади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 62 (2)-моддаси).
Марҳум ишчи оила аъзолари учун йиллик товон пули
- Умуман, марҳум ишчи оила аъзолари учун йиллик товон пули ушбу ёрдамни олишга ҳақли бўлган ҳар бир шахсга берилади (кейинги ўринларда "марҳум ишчи оила аъзолари учун йиллик товон пули" деб юритилади)
Марҳум ишчи оила аъзолари учун йиллик товон пулининг 50/100 миқдорига тенг сумма (марҳум ишчи оила аъзолари учун бир марталик товон пулининг 50/100 миқдорига тенг сумма)
- Агар марҳум ишчининг оила аъзолари учун йиллик товон пули олувчи бенефициар танласа,марҳум ишчи оила аъзолари учун бир марталик товон пулининг 50/100 миқдорига тенг сумма бир марталик тўлов сифатида берилади ва марҳум ишчи оила аъзолари учун йиллик товон пули 50/100 га қисқартирилган нисбатда берили ("Иш жойидаги бахтсиз ҳодиса учун товон суғуртаси тўғрисида"ги Қонуннинг 62 (3)-моддаси).
- Марҳум ишчи оила аъзолари учун бир марталик товон пулининг ярмини ва бир йиллик товон пулининг 50/100 га қисқартирилган миқдорини олмоқчи бўлган марҳумнинг бирор оила аъзоси ушбу моддий ёрдамни талаб қилиш учун Корея ишчилар учун товон ва уларни ижтимоий муҳофаза қилиш хизматига ёзма талабнома тақдим этиши лозим ["Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 21 (1)-моддаси 4-кичик банди ва"Товон тўлаш ишлари тўғрисида"ги Йўриқноманинг 31(1)-моддаси ва 15-формаси].
Марҳум ишчи оила аъзолари учун йиллик товон пулларидаги бир марталик тўланадиган фарқ тўлови
- Агар марҳумнинг оила аъзолари учун товон пули олган шахс ушбу товон пулини олиш ҳуқуқидан маҳрум бўлса ва агар ушбу моддий ёрдамни олиш ҳуқуқига эга ҳеч қандай бенефициар бўлмаса ва аллақачон тўланган йиллик товон пули суммасини йиллик товон пулини тўлаш вақтидаги ҳар бир ўртача иш ҳақига бўлиш орқали ҳисобланган жами кунлар сони 1 300 кунга етмаса, ушбу етишмаётган кунлар сонини ушбу моддий ёрдамни олиш ҳуқуқидан маҳрум бўлинган вақтдаги ўртача иш ҳақига кўпайтириш орқали ҳисобланган сумма бир марталик тўлов сифатида ҳуқуқдан маҳрум бўлинган вақтдаги марҳум ишчи оила аъзоларига тўланади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 62 (4)-моддаси).
- Марҳум ишчи оила аъзолари учун йиллик товон пулларидаги бир марталик тўланадиган фарқ тўловини олмоқчи бўлган марҳум ишчининг бирор оила аъзоси ушбу фарқ тўловини олиш ҳақидаги ёзма талабномани Корея ишчилар учун товон ва уларни ижтимоий муҳофаза қилиш хизматига тақдим этиши керак ("Товон тўлаш ишлари тўғрисида"ги Йўриқноманинг 33-моддаси ва 16-формаси).
Марҳум ишчи оила аъзолари учун бир марталик товон пули
- Агар ишчи вафот этган вақтда марҳум ишчи оила аъзолари учун йиллик товон пули оладиган бенефициар мавжуд бўлмаса, марҳум ишчи оила аъзолари учун бир марталик товон пули тўланади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 62 (2)-моддаси).