UZBEK

- "Меҳнатга лаёқатсизлик учун моддий ёрдам" дейилганда, ишдаги вазифаларини бажариш сабабли орттирилган жароҳат ёки касалликдан тиклангандан сўнг меҳнатга лаёқатсизликдан жабр кўрган ишчиларга тўланадиган суғурта моддий ёрдами тушунилади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 57 (1)-моддаси).

- Меҳнатга лаёқатсизлик учун моддий ёрдам ишдаги вазифаларини бажариш сабабли орттирилган жароҳат ёки касалликдан тиклангандан сўнг меҳнатга лаёқатсизликдан жабр кўрган ишчиларга тўланади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 57 (1)-моддаси).

- "Тузалмаган" дейилганда, жароҳат ёки касаллик тўлиқ тузалмаган ҳолатга келиш ёки касаллик аломатлари ўзгаришсиз қолиб, даволаш ҳеч қандай кутилган самара бермаётган ҳолатга келиш тушунилади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 5-моддаси 4-кичик банди).

- "Меҳнатга лаёқатсизлик" дейилганда, жароҳат ёки касаллик тузалган, аммо олинган ақлий ёки жисмоний шикаст туфайли ишчи меҳнат қилиш лаёқатини йўқотган ёки бу лаёқат чекланиб қолган ҳолат тушунилади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 5-моддаси 5-кичик банди).

- Иш жойидаги бахтсиз ҳодисадан жабр кўрган ишчи меҳнатга лаёқатсизлик учун бир марталик тўланадиган товон пули ёки меҳнатга лаёқатсизлик учун йиллик товон пули олиш учун Корея ишчилар учун товон ва уларни ижтимоий муҳофаза қилиш хизматига ушбу моддий ёрдам учун ёзма талабнома тақдим этиши керак, шунингдек, талабномага меҳнатга лаёқатсизлигини исботловчи ҳужжатларни илова қилиши лозим, жумладан, меҳнатга лаёқатсизлиги тўғрисида гувоҳнома, радиография натижалари, тиббий ҳужжатлар ва ҳоказо ["Иш жойидаги бахтсиз ҳодиса учун товон суғуртаси тўғрисида"ги Қонуннинг 36 (2)-моддаси, "Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 21 (1)-моддасининг 2-кичик банди, "Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Тартибот қоидаларнинг 79-моддаси ва "Товон тўлаш ишлари тўғрисида"ги Йўриқноманинг17 (1)-моддаси ва 11- ва 12-формаси].

- Меҳнатга лаёқатсизлик даражалари 1 дан 14 гача бўлган 14 та даражани ташкил этади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 57 (2)-моддаси ва "Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 53 (1)-моддаси ва илова қилинган 6-жадвали).

- Агар ишчида меҳнатга лаёқатсизлик даражалари учун белгиланган талабларни қаноатлантирувчи 2 ёки ундан ортиқ ногиронлик ҳолати бўлса, уларнинг ичидан энг оғир ва жиддий ногиронлик ҳолатига қараб меҳнатга лаёқатсизлик даражаси белгиланади. Агар ишчида турлари ҳар хил бўлган ва 13- ёки ундан юқори даражадаги 2 ёки ундан ортиқ ногиронлик ҳолати бўлса, ишчининг меҳнатга лаёқатсизлик даражаси тўғриланади ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 53 (2)-моддаси).

- Бенефициар ишчи меҳнатга лаёқатсизлик учун моддий ёрдам жадвалида белгилаб қўйилган моддий ёрдам шаклларидан бирини танлаши мумкин, булар: меҳнатга лаёқатсизлик учун йиллик товон пули ёки меҳнатга лаёқатсизлик учун бир марталик тўланадиган товон пули ("Иш жойидаги бахтсиз ҳодиса учун товон суғуртаси тўғрисида"ги Қонуннинг 57 (2)-моддаси, 57 (3)-моддасининг асосий гапи ва илова қилинган 2-жадвали).

- Агар олдиндан мавжуд бўлган ногиронлик ҳолатига эга ишчининг бирор таъна аъзоси ҳолати иш жойида орттирилган жароҳат ёки касаллик туфайли янада ёмонлашса, ушбу сабаб содир бўлган вақтда ўртача иш ҳақини кўпайтириш орқали олинган сумма, моддий ёрдамни (йиллик тўлов) тўлашни талаб қилиш учун, меҳнатга лаёқатсизлик учун бир марталик товон пули тўланадиган кунлар сони бўйича (меҳнатга лаёқатсизлик учун йиллик товон пули) умумий қўйилган меҳнатга лаёқатсизликга мос бўлган, минус меҳнатга лаёқатсизлик учун бир марталик товон пули тўланадиган кунлар сони бўйича (меҳнатга лаёқатсизлик учун йиллик товон пули) мавжуд ногиронликка мос товон пули тўланади ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 53 (4)-моддаси).

- Меҳнатга лаёқатсизлик учун йиллик товон пули оладиган бенефициар ишчидаги ногиронлик ҳолати яхшиланиши ёки ёмонлашиши сабабли унинг меҳнатга лаёқатсизлик даражаси ўзгариши мумкин, бу ҳолатда, Корея ишчилар учун товон ва уларни ижтимоий муҳофаза қилиш хизмати, бенефициар талабига кўра ёки ўзидан юқори турувчи орган кўрсатмасига мувофиқ, у ишчининг меҳнатга лаёқатсизлик даражасини қайта белгилаши ва меҳнатга лаёқатсизлик учун йиллик товон пулини ҳам янги меҳнатга лаёқатсизлик даражасига қараб тўлайди ("Иш жойидаги бахтсиз ҳодиса учун товон суғуртаси тўғрисида"ги Қонуннинг 59(1) ва (2)-моддаси).

- Меҳнатга лаёқатсизлик учун йиллик товон пули оладиган бенефициар ишчидаги ногиронлик ҳолати қўшимча даволанишдан кейин яхшиланган ёки ёмонлашгандан сўнг, меҳнатга лаёқатсизлик учун товон пули яхши ёки ёмон томонга ўзгарган ногиронлик ҳолатига мос меҳнатга лаёқатсизлик даражасига қараб тўланади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 60(2)-моддаси олдинги қисми).