Жароҳат-касаллик учун йиллик товон пулларига таъриф
Жароҳат-касаллик учун йиллик товон пулларига таъриф
- "Жароҳат-касаллик учун йиллик товон пули" дейилганда, иш жойидаги бахтсиз ҳодисадан жабр кўрган ва даволанишни бошлаганига 2 йил бўлган бўлса-да, аҳволи қуйидаги талабларни қаноатлантирадиган ҳолатда қолаётган ва ҳамон даволаниш учун моддий ёрдам олаётган ишчиларга вақтинчалик ишга чиқмаганлик учун моддий ёрдам ўрнига тўланадиган суғурта моддий ёрдамлари тушунилади: ① Жароҳат ёки касаллик тузалмаган ҳолатда қолган; ② Жароҳат ёки касаллик сабабли вужудга келган жиддий ҳолатлар гуруҳи 1-дан 3-гача бўлган гуруҳни ташкил этган; ③ Даволанишни ўтаётганлиги сабабли ишга жойлаша олмай қолаётган ишчилар ("Иш жойидаги бахтсиз ҳодиса учун товон суғуртаси тўғрисида"ги Қонуннинг 66(1)-моддаси ва “Иш жойидаги бахтсиз ҳодиса учун товон суғуртаси тўғрисида”ги қонун ижроси тўғрисидаги Қарорнинг 65(1)-моддаси ва илова қиланган 8-жадвали).
※ "Тузалмаган" дейилганда жароҳат ёки касаллик тўлиқ тузалмаган ҳолатга келиш ёки касаллик аломатлари ўзгаришсиз қолиб, даволаш ҳеч қандай кутилган самара бермаётган ҳолатга келиш тушунилади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 5-моддаси 4-кичик банди).
※ "Жиддий ҳолатлар" дейилганда иш жойида орттирилган ва ҳамон тузалмаган ҳолатда қолаётган жароҳат ёки касаллик сабабли вужудга келган ақлий ёки жисмоний шикаст туфайли ишчи меҳнат қилиш лаёқатини йўқотган ёки чекланиб қолган ҳолат тушунилади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 5-моддаси 6-кичик банди).
Жароҳат-касаллик учун йиллик товон пули олиш учун белгиланган талаблар
Жароҳат-касаллик учун йиллик товон пули олиш учун белгиланган талаблар
- Иш жойидаги бахтсиз ҳодисадан жабр кўрган ва даволанишни бошлаганига 2 йил бўлган бўлса-да, аҳволи қуйидаги талабларни қаноатлантирадиган ҳолатларда қолаётган ва ҳамон даволаниш учун моддий ёрдам олаётган ишчиларга вақтинчалик ишга чиқмаганлик учун моддий ёрдам ўрнига жароҳат-касаллик учун йиллик товон пули тўланади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 66(1)-моддаси ва “Иш жойидаги бахтсиз ҳодиса учун товон суғуртаси тўғрисида”ги қонун ижроси тўғрисидаги Қарорнинг 65(1)-моддаси ва илова қиланган 8-жадвали).
· Жароҳати ёки касаллиги тузалмаган ҳолатда қолган ишчилар;
· Жароҳат ёки касаллик сабабли вужудга келган жиддий ҳолатлар гуруҳи 1-дан 3-гача бўлган гуруҳни ташкил этган ишчилар;
· Даволанишни ўтаётганлиги сабабли ишга жойлаша олмай қолаётган ишчилар.
Жароҳат-касаллик учун йиллик товон пулини талаб қилиш
Жароҳат-касаллик учун йиллик товон пулини талаб қилиш
- Даволаниш учун моддий ёрдам оладиган ишчи (жумладан, қўшимча даволаниш учун ҳам) жароҳат-касаллик учун йиллик товон пулини талаб қилиш учун Корея ишчилар учун товон ва уларни ижтимоий муҳофаза қилиш хизматига ёзма талабнома ва ишчи даволанаётган тиббий муассаса томонидан берилган жиддий ҳолатлар тўғрисидаги тиббий гувоҳномани тақдим этиши керак ["Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 64(1)-моддаси ва"Товон тўлаш ишлари тўғрисида"ги Йўриқноманинг 40(1-моддаси ва 7-ва 8-формалари].
※ Иш жойидаги бахтсиз ҳодисадан жабр кўрган ҳар бир ишчи жароҳат-касаллик учун йиллик товон пули олиш талабномасини бевосита Корея ишчилар учун товон ва уларни ижтимоий муҳофаза қилиш хизмати идорасига ташриф буюрган ҳолда ёки интернет орқали Корея ишчилар учун товон ва уларни ижтимоий муҳофаза қилиш хизматининг Бандлик/Иш жойидаги бахтсиз ҳодиса суғуртаси тўлиқ хизмат саҳифаси орқали тақдим этиши мумкин.
Жароҳат-касаллик учун йиллик товон пули олиш ҳуқуқининг амал қилиш муддати
- Агар жароҳат-касаллик учун йиллик товон пули талаб қилиш ҳуқуқидан жароҳат-касаллик учун йиллик товон пули бенефициари мақомини олган сананинг эртанги кунидан бошлаб 3 йил давомида фойдаланилмаса, бу ҳуқуқ муддати тугаб, кучини йўқотади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 112 (1)-моддаси 1-кичик банди).
- Агар бенефициар ишчи ушбу моддий ёрдамни сўраб, ариза тақдим этса, ушбу моддий ёрдам талаб қилиш ҳуқуқининг амал қилиш муддати тўхтайди. Агар ушбу моддий ёрдамни олиш бўйича талабнома 1-марта тақдим этилаётган бўлса ва содир бўлган бахтсиз ҳодиса иш жойидаги бахтсиз ҳодисами ёки йўқми, бу борада бирор қарорга келишни талаб қиладиган бўлса, тақдим этилган талабнома натижасида ҳуқуқ амал қилиш муддатининг тўхтатилиши суғурта бўйича бериладиган бошқа моддий ёрдамларга ҳам таъсир қилади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 113 -моддаси).
Жароҳат-касаллик учун йиллик товон пулини тўлаш
Жароҳат-касаллик учун йиллик товон пулини тўлаш
- Жароҳат-касаллик учун йиллик товон пули жиддий ҳолатлар гуруҳига қараб, қуйидаги жадвалда белгиланганидек тўланади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 66 (2)-моддаси ва илова қилинган 4-жадвали).
· 1-гуруҳ: 329 кунлик ўртача иш ҳақи
· 2-гуруҳ: 291 кунлик ўртача иш ҳақи
· 3-гуруҳ: 257 кунлик ўртача иш ҳақи
- Жароҳат-касаллик учун йиллик товон пули ҳақида қарор қабул қилигандан сўнг 14 кун ичида ушбу жароҳат-касаллик учун йиллик товон пули тўлаб берилади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 82 (1) -моддаси).
- Жароҳат-касаллик учун йиллик товон пули сифатида таклиф этиладиган пул ёки бошқа қимматликларга нисбатан ҳеч қандай давлат ёки маҳаллий ҳокимликлар йиғимлари ундирилмайди ("Иш жойидаги бахтсиз ҳодиса учун товон суғуртаси тўғрисида"ги Қонуннинг 91-моддаси).
Жароҳат-касаллик учун йиллик товон пулининг жиддий ҳолатлар гуруҳида содир бўлган ўзгаришга қараб тўлаш
- Иш жойидаги бахтсиз ҳодисадан жабр кўрган ва ўзининг жиддий ҳолатлар гуруҳида ўзгариш бўлганини билгандан сўнг бу ҳақида хабар бермоқчи бўлган ишчи ўзининг жиддий ҳолатлар гуруҳида ўзгариш ҳақидаги билдиришнома ва жиддий ҳолатлар тўғрисидаги тиббий маълумотномани Корея ишчилар учун товон ва уларни ижтимоий муҳофаза қилиш хизматига тақдим этиши керак ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 64 (3)-моддаси, "Товон тўлаш ишлари тўғрисида"ги Йўриқноманинг 40 (7)-моддаси ва 8- ва 23-формаси).
- Жароҳат-касаллик учун йиллик товон пули оладиган ишчининг жиддий ҳолатлар гуруҳи ўзгарса, Корея ишчилар учун товон ва уларни ижтимоий муҳофаза қилиш хизматини, бенефициар талабига кўра ёки ўзидан юқори турувчи орган кўрсатмасига мувофиқ, ушбу ўзгариш содир бўлган санадан бошлаб жароҳат-касаллик учун йиллик товон пулини янги жиддий ҳолатлар гуруҳи учун белгиланган миқдорда тўлайди ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 64(2)-моддаси).
Жароҳат-касаллик учун йиллик товон пулини талаб қилиш ва унинг тўланиши
- Агар жароҳат-касаллик учун йиллик товон пули олувчи бенефициар ишчи вафот этса, марҳумнинг яқинлари вафот этган бенефициар ўрнига ушбу моддий ёрдамни олиш учун Корея ишчилар учун товон ва уларни ижтимоий муҳофаза қилиш хизматига ёзма талабнома тақдим этишлари керак ("Иш жойидаги бахтсиз ҳодиса учун товон суғуртаси тўғрисида"ги Қонуннинг 81-моддаси ва "Товон тўлаш ишлари тўғрисида"ги Йўриқноманинг 49-моддаси ва 29-формаси).
- Тўланмаган жароҳат-касаллик учун йиллик товон пули ҳақида қарор қабул қилигандан сўнг 14 кун ичида ушбу жароҳат-касаллик учун йиллик товон пули тўлаб берилади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 82 (1) -моддаси).
Жароҳат-касаллик учун йиллик товон пулини олиш ҳуқуқини бошқа шахсга ўтказиш ва мусодара қилишнинг таъқиқланиши
- Жароҳат-касаллик учун йиллик товон пули олиш ҳуқуқи ишчи қарилик пенсиясига чиқиши билан бекор бўлмайди ("Иш жойидаги бахтсиз ҳодиса учун товон суғуртаси тўғрисида"ги Қонуннинг 88(1)-моддаси).
- Жароҳат-касаллик учун йиллик товон пули олиш ҳуқуқини бошқа шахсга ўтказиш, мусодара қилиш ёки гаров таъминоти сифатида таклиф этиш мумкин эмас ("Иш жойидаги бахтсиз ҳодиса учун товон суғуртаси тўғрисида"ги Қонуннинг 88(2)-моддаси).
Ноқонуний қўлга киритилган моддий ёрдамнинг ундирилиши
- Агаржароҳат-касаллик учун йиллик товон пули қаллоблик ёки бошқа ноқонуний воситалар ёрдамида қўлга киритилган бўлса, у шахсдан тўланган жароҳат-касаллик учун йиллик товон пуллари қийматининг икки бараварига тенг миқдордаги сумма ундирилади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 84(1)-моддаси олдинги қисми).
Жароҳат-касаллик учун йиллик товон пулини тўлашнинг амал қилиши
Вақтинчалик ишга чиқмаганлик учун моддий ёрдам тўланишининг тўхташи
- Жароҳат-касаллик учун йиллик товон пули вақтинчалик ишга чиқмаганлик учун тўланадиган моддий ёрдам ўрнига тўланадиган суғурта нафақаси эканлиги боис, жароҳат-касаллик учун йиллик товон пули оладиган ишчи вақтинчалик ишга чиқмаганлик учун бериладиган моддий ёрдамни олиш ҳуқуқига эга бўлмайди ("Иш жойидаги бахтсиз ҳодиса учун товон суғуртаси тўғрисида"ги Қонуннинг 66 (1)-моддаси).
Бир марталик товон пули тўлагандан сўнг ишдан бўшатиш
- Агар даволаниш учун моддий ёрдам оладиган ишчи даволанишни бошлаганидан сўнг 3 йил ўтгач жароҳат-касаллик учун йиллик товон пули олган бўлса, унинг иш берувчиси, "Меҳнат стандартлари тўғрисида"ги Қонуннинг 84-моддасида белгилаб қўйилганидек, юқорида айтилган 3- йил ўтгач ишчига бир марталик суғурта товон пули тўлаган бўлиши керак ва шундан сўнг иш берувчи ишчини ишдан бўшатиши мумкин ("Иш жойидаги бахтсиз ҳодиса учун товон суғуртаси тўғрисида"ги Қонуннинг 80 (4)-моддаси).