Тиббий ёрдам харажатларини тўлаб бериш
Тиббий ёрдам харажатларини тўлаб бериш
- Корея ишчилар учун товон ва уларни ижтимоий муҳофаза қилиш хизмати ишдаги вазифаларини бажариш сабабли орттирган жароҳат ёки касалликдан жабр кўрган ишчиларга (кейинги ўринларда "иш жойидаги бахтсиз ҳодисадан жабр кўрган ишчи" деб юритилади) уларни иш жойидаги бахтсиз ҳодиса суғуртасига алоқадор тиббиёт муассасасида даволатишнинг ўрнига уларнинг ўзига бевосита қуйидаги тиббий ёрдам харажатлари учун пул тўлаши мумкин ["Иш жойидаги бахтсиз ҳодиса учун товон суғуртаси тўғрисида"ги Қонуннинг 40 (2)-моддаси шарти, "Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 38 (1)-моддаси ва "Тиббий хизмат кўрсатиш ишлари тўғрисида"ги Йўриқноманинг 21 (3) ва (4)-моддаси ]:
- Қуйидаги ҳолатлардан бири содир бўлганда ишчи иш жойидаги бахтсиз ҳодиса суғуртасига алоқадор бўлмаган тиббиёт муассасасида шошилинч тиббий ёрдам олганда, тиббий ёрдам харажатлари тўлаб берилади;
1. - Иш жойидаги бахтсиз ҳодисадан жабр кўрган ишчи бахтсиз ҳодиса содир бўлган ернинг яқин атрофида иш жойидаги бахтсиз ҳодиса суғуртасига алоқадор тиббиёт муассасаси бўлмаганлиги сабабли тиббий ёрдамни иш жойидаги бахтсиз ҳодиса суғуртасига алоқадор бўлмаган тиббиёт муассасасида олганда, тиббий ёрдам харажатлари тўлаб берилади;
2. - Иш жойидаги бахтсиз ҳодисадан жабр кўрган ишчининг жароҳати ёки касаллиги ҳолати махсус тиббий ускуналар ёки технологияларини талаб қилса ва у ишчи шошилинч тиббий хизматни бахтсиз ҳодиса содир бўлган ернинг яқин атрофидаги иш жойидаги бахтсиз ҳодиса суғуртасига алоқадор тиббиёт муассасасида керакли ускуналар ёки технологиялар йўқлиги сабабли иш жойидаги бахтсиз ҳодиса суғуртасига алоқадор бўлмаган тиббиёт муассасасида олган ва тиббий хизмат харажатларини ўз ёнидан тўлаган бўлса;
3. - Иш жойидаги бахтсиз ҳодисадан жабр кўрган ишчи, юқоридаги 1-ва 2-пунктларга мувофиқ, иш жойидаги бахтсиз ҳодиса суғуртасига алоқадор бўлмаган тиббиёт муассасасида операция қилинган бўлса ва жароҳат ёки касаллик ҳолатини текшириш учун ўша тиббиёт муассасасида амбулатор даволанишни ўтайдиган бўлса, тиббий ёрдам харажатлари тўлаб берилади;
4. 1-ва 2-пунктларга тенг ҳолатларда, яъни иш жойидаги бахтсиз ҳодисадан жабр кўрган ишчи иш жойидаги бахтсиз ҳодиса суғуртасига алоқадор бўлмаган тиббиёт муассасасида шошилинч тиббий ёрдам олгандан сўнг тиббий хизмат харажатларини ўша алоқадор бўлмаган тиббиёт муассасаси ёки дорихонага тўлаган бўлса;
- Қуйидаги тиббий ёрдам учун бериладиган моддий ёрдам турлари учун тўлаб бериладиган харажатлар (бундай тиббий ёрдам бўйича моддий ёрдамлар иш жойидаги бахтсиз ҳодиса суғуртасига алоқадор тиббиёт муассасаси томонидан берилмайдиган бўлса):
· Протезлар ва бошқа турдаги протез мосламалари билан таъминлаш;
· Беморга қараш;
· Бошқа муассасага ўтказиш.
- Қуйидагилардан бирига тегишли бошқа тиббий ёрдам харажатлари:
·Иш жойидаги бахтсиз ҳодисадан жабр кўрган ишчи тиббий ёрдам учун бериладиган 1-моддий ёрдамлар белгиланишидан олдин содир бўлган бахтсиз ҳодиса сабабли тиббий ёрдам олганда, тиббий ёрдам харажатлари тўлаб берилади;
·Иш жойидаги бахтсиз ҳодисадан жабр кўрган ишчи суғурта шартнома муносабатлари ўрнатилганлиги хабар қилиниши керак бўлган санадан кейинги кун ва суғурта шартнома муносабатлари ўрнатилганлиги хабар қилинган кун орасида содир бўлган бахтсиз ҳодиса сабабли тиббий ёрдам олганда, тиббий ёрдам харажатлари тўлаб берилади;
·Иш жойидаги бахтсиз ҳодисадан жабр кўрган ишчи қўшимча жароҳат ёки касаллик ёки қўшимча тиббий хизмат белгиланишидан олдин қўшимча жароҳат ёки касаллик ёки қўшимча тиббий муолажа сабабли зарурат юзасидан тиббий ёрдам олганда, тиббий ёрдам харажатлари тўлаб берилади;
· Иш жойидаги бахтсиз ҳодисадан жабр кўрган ишчи тиббий ёрдам учун моддий кўмак бериш ёки бермаслик бўйича қарор қабул қилиш вақтида иш жойидаги бахтсиз ҳодиса суғуртасига алоқадор бўлмаган тиббиёт муассасасида шошилинч тиббий ёрдам олганда, тиббий ёрдам харажатлари тўлаб берилади.
Тиббий ёрдам харажатларини тўлаб беришни талаб қилиш
Тиббий ёрдам харажатларини тўлаб беришни талаб қилиш
- Иш жойидаги бахтсиз ҳодисадан жабр кўрган ишчи даволаниш харажатларини зарурат юзасидан ўзи тўлаган бўлса ва бу харажатларни ундирмоқчи бўлса, у Корея ишчилар учун товон ва уларни ижтимоий муҳофаза қилиш хизматига тиббий хизмат харажатлари учун ёзма даъво талаби ва харажатлар ҳақидаги ҳисоботни тақдим этиши керак ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 38 (2)-моддаси, "Тиббий хизмат кўрсатиш ишлари тўғрисида"ги Йўриқноманинг 21 (1)-моддаси ва 10-формаси).
※ Иш жойидаги бахтсиз ҳодисадан жабр кўрган ҳар бир ишчи даволаниш харажатларини ундириш учун даъво талабномаси бевосита Корея ишчилар учун товон ва уларни ижтимоий муҳофаза қилиш хизматига тиббий хизмати идорасига ташриф буюрган ҳолда ёки интернет орқали Корея ишчилар учун товон ва уларни ижтимоий муҳофаза қилиш хизматининг Бандлик/Иш жойидаги бахтсиз ҳодиса суғуртаси тўлиқ хизмат саҳифаси орқали тақдим этиши мумкин.
Тиббий ёрдам харажатлари бўйича даъво талаблари ва даволаниш учун моддий ёрдам талаб қилиш ҳуқуқининг амал қилиш муддати
- Талаб қилиш ҳуқуқининг муддати
· Агар даволаниш учун моддий ёрдам талаб қилиш ҳуқуқидан тиббий ёрдам олгандан сананинг эртанги кунидан бошлаб 3 йил давомида фойдаланилмаса, бу ҳуқуқ муддати тугаб, кучини йўқотади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 112 (1)-моддаси 1-кичик банди).
- Талаб қилиш ҳуқуқи муддатининг тўхтатиб қўйилиши
· Агар бенефициар ишчи даволаниш учун моддий ёрдам сўраб (жумладан, даволаниш учун моддий ёрдам даъво талабини тақдим этса ҳам), ариза тақдим этса, даволаниш учун моддий ёрдам талаб қилиш ҳуқуқи муддати тўхтайди ("Иш жойидаги бахтсиз ҳодиса учун товон суғуртаси тўғрисида"ги Қонуннинг 113 -моддаси олдинги қисми).
·Даволаниш харажатлари бўйича даъво талаби тақдим этилган санадан олдин 3 йилдан ортиқ вақт давомида фойдаланилмаган даволаниш учун моддий ёрдам талаб қилиш ҳуқуқининг амал қилиш муддати тугайди. Аммо агар ишчи даволаниш учун моддий ёрдам сўраб ариза тақдим этса, ўтган 3 йил мобайнидаги ва келажакдаги даволаниш учун моддий ёрдам талаб қилиш ҳуқуқи муддати тўхтайди ("Иш жойидаги бахтсиз ҳодиса учун товон суғуртаси тўғрисида"ги Қонуннинг 113 -моддаси олдинги қисми) ва Олий суднинг 1989 йил 14 ноябрдаги қарори, иш рақами 89Nu 2318).
· Агар талаб қилиш ҳуқуқи муддати тўхтатилган даволаниш учун моддий ёрдам олиш талаби содир бўлган ҳолат иш жойидаги бахтсиз ҳодисами ёки йўқми, бу борада бирор қарорга келишни талаб қиладиган 1-талаб бўлса, даволаниш учун моддий ёрдам талаб қилиш натижасида ҳуқуқ муддатининг тўхтатилиши суғурта бўйича бериладиган бошқа моддий ёрдамларга ҳам таъсир қилади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 113 -моддаси кейинги қисми).
Даволаниш харажатларини тўлаш
Даволаниш харажатларини тўлаш
- Даволаниш харажатлари тўлаб бериш ҳақида қарор қабул қилгандан сўнг 14 кун ичида даволаниш харажатлари тўлаб берилади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 82 (1) -моддаси).
- Даволаниш харажатлари сифатида таклиф этиладиган пул ёки бошқа қимматликларга нисбатан ҳеч қандай давлат ёки маҳаллий ҳокимликлар йиғимлар ундирилмайди ("Иш жойидаги бахтсиз ҳодиса учун товон суғуртаси тўғрисида"ги Қонуннинг 91-моддаси).
Ҳали тўлаб берилмаган даволаниш харажатлари бўйича талаблар ва уларнинг тўлаб берилиши
- Ҳали тўлаб берилмаган даволаниш харажатлари бенефициарлари борасида қарор қабул қилиш
· Ҳали тўланмаган даволаниш харажатларини олиш ҳуқуқи бўйича марҳум ишчининг яқинлари ўртасидаги устиворлик навбати қуйидаги тартибда бўлади, аммо ушбу ҳуқуқ бўйича устиворлик навбати кичик бандда келтирилган марҳум ишчи яқинлари рўйхатидаги кетма-кетлик тартибига асосланади. Бундай ҳолатларда, агар 2 нафар бенефициар бир хил устиворлик мақомига эга бўлса, ҳали тўлаб берилмаган даволаниш харажатлари иккига бўлинади ва улар ўртасида тенг тақсим қилинади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 65 (1)-моддаси ва "Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 77-моддаси):
√ Ишчи вафот этган вақтгача моддий таъминоти ишчининг бўйнида бўлиб келган унинг эри ёки хотини, болалари, ота-онаси, неваралари ва бобо ва бувиси;
√ Ишчи вафот этган вақтгача моддий таъминоти ишчининг бўйнида бўлмаган унинг эри ёки хотини, болалари, ота-онаси, неваралари ва бобо ва бувиси ва ишчи вафот этган вақтда моддий таъминоти ишчининг бўйнида бўлиб келган унинг ака-ука ва опа-сингиллари;
√ Ишчининг ака-ука ва опа-сингиллари.
· Асраб олган ота-она биологик ота-оналарга нисбатан, асраб олган ота-оналарнинг ота-онаси биологик ота-оналарнинг ота-онасига нисбатан, шунингдек, асраб олган ва биологик ота-оналарнинг асраб олган ота-оналари асраб олган ва биологик ота-оналарнинг биологик ота-онасига нисбатан устивор мақомга эга ("Иш жойидаги бахтсиз ҳодиса учун товон суғуртаси тўғрисида"ги Қонуннинг 65 (2)-моддаси ва "Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 77-моддаси).
· Бенефициарлар ҳисобланган марҳум яқинлари ўртасидаги ушбу белгиланган устиворлик навбатидан қатъий назар, агар ишчи ўз хоҳишига кўра ушбу ҳали тўлаб берилмаган даволаниш харажатлари олиш ҳуқуқини ўз яқинларидан бирига тайин қилиши мумкин, агар шундай бўлса, ушбу суғурта моддий ёрдамлари ўша тайин қилинган шахсга тўланади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 65 (4)-моддаси ва "Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 77-моддаси).
- Ҳали тўлаб берилмаган даволаниш харажатларини талаб қилиш
· Агар даволаниш харажатлари бўйича моддий ёрдам олувчи бенефициар вафот этса, марҳумнинг яқинлари вафот этган бенефициар ўрнига ушбу харажатлар бўйича моддий ёрдамни олиш учун Корея ишчилар учун товон ва уларни ижтимоий муҳофаза қилиш хизматига ёзма талабнома тақдим этишлари керак ["Иш жойидаги бахтсиз ҳодиса учун товон суғуртаси тўғрисида"ги Қонуннинг 81-моддаси ва "Товон тўлаш ишлари тўғрисида"ги Йўриқноманинг 49-моддаси ва 29-формаси].
- Ҳали тўлаб берилмаган даволаниш харажатларини тўлаш
·Ҳали тўланмаган даволаниш харажатларини тўлаб бериш ҳақида қарор қабул қилгандан сўнг 14 кун ичида ушбу тўланмаган даволаниш харажатлари тўлаб берилади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 82 (1) -моддаси).
Даволаниш харажатлари учун моддий ёрдам олиш ҳуқуқининг бошқа шахсга ўтказиш ва мусодара қилишнинг таъқиқланиши
- Даволаниш харажатлари бўйича моддий ёрдам олиш ҳуқуқи ишчи қарилик пенсиясига чиқиш билан бекор бўлмайди ("Иш жойидаги бахтсиз ҳодиса учун товон суғуртаси тўғрисида"ги Қонуннинг 88(1)-моддаси).
- Даволаниш харажатлари бўйича моддий ёрдам олиш ҳуқуқини бошқа шахсга ўтказиш, мусодара қилиш ёки гаров таъминоти сифатида таклиф этиш мумкин эмас ("Иш жойидаги бахтсиз ҳодиса учун товон суғуртаси тўғрисида"ги Қонуннинг 88(2)-моддаси).
Ноқонуний қўлга киритилган моддий ёрдамнинг ундирилиши
- Агар даволаниш учун моддий ёрдамлар қаллоблик ёки бошқа ноқонуний воситалар ёрдамида қўлга киритилган бўлса, у шахсдан даволаниш учун берилган моддий ёрдам қийматининг икки бараварига тенг миқдордаги сумма ундирилади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 84(1)-моддаси олдинги қисми).