Меҳнат жойида бахтсиз ҳодиса учун товон суғуртаси

Тиббий ёрдам учун моддий ёрдамга таъриф

Тиббий ёрдам учун моддий ёрдамга таъриф

- "Тиббий ёрдам бўйича нафақалар" дейилганда, меҳнат вазифаларини бажариш туфайли орттирган ва 3 кун ичида даволаб бўлмайдиган жароҳат ёки касалликдан жабр кўрган ишчиларга улар иш жойидаги бахтсиз ҳодиса суғуртасига алоқадор тиббиёт муассасасида жароҳат ёки касаллик даволангунча тиббий муолажа олиш имконига эга бўлишлари учун тўланадиган иш жойидаги бахтсиз ҳодиса учун товон суғуртаси нафақалари тушунилади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 40-модда).

Тиббий ёрдам учун нафақалар қамрови ва талаблари

Тиббий ёрдам учун нафақалар талаблари

- Тиббий ёрдам учун моддий ёрдам ишдаги вазифаларини бажариш сабабли орттирилган жароҳат ёки касалликдан жабр кўрган ишчиларга тўланади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 40 (1)-моддаси).

- Агар жароҳат ёки касалликни 3 кун ичида даволаш мумкин бўлса, тиббий ёрдам учун ҳеч қандай моддий ёрдам тўланмайди ("Иш жойидаги бахтсиз ҳодиса учун товон суғуртаси тўғрисида"ги Қонуннинг 40 (3)-моддаси).

Тиббий ёрдам учун моддий ёрдам қамрови

- Иш жойидаги бахтсиз ҳодисадан жабр кўрган ишчига тиббий ёрдам учун бир қатор ёрдамлар берилади, жумладан, тиббий кўрик ва текширув, дори-дармонлар ва муолажа материаллари, протезлар ва бошқа протез мосламалар билан таъминлаш, даволаш, операция қилиш, бошқа турдаги тиббий хизмат, реабилитацион даволаш, шифохонага ётқизиш, беморга қараш ва ҳамшира хизматлари, бошқа ерга кўчириш ва ҳоказолар. ("Меҳнат жойидаги бахтсиз ҳодиса учун товон суғуртаси тўғрисида"ги Қонуннинг 40(4)-моддаси)

Тиббий ёрдам учун моддий ёрдам бериш

Умуман, иш жойидаги бахтсиз ҳодисадан жабр кўрган барча ишчилар иш жойидаги бахтсиз ҳодиса суғуртасига алоқадор тиббиёт муассасасида даволанади.

- Умуман, Корея ишчилар учун товон ва уларни ижтимоий муҳофаза қилиш хизмати ишдаги вазифаларини бажариш сабабли орттирилган жароҳат ёки касалликдан жабр кўрган ишчиларни иш жойидаги бахтсиз ҳодиса суғуртасига алоқадор тиббиёт муассасасида даволатади ("Иш жойидаги бахтсиз ҳодиса учун товон суғуртаси тўғрисида"ги Қонуннинг 40 (2)-моддаси асосий гапи ва 43 (1)-моддаси).

※ Иш жойидаги бахтсиз ҳодиса суғуртасига алоқадор тиббиёт муассасалари дейилганда, ① Корея ишчилар учун товон ва уларни ижтимоий муҳофаза қилиш хизматида ташкил этилган тиббиёт муассасалари, ② "Тиббий хизматлар тўғрисида"ги Қонуннинг 3-4-моддаларида назарда тутилган учламчи тиббиёт шифохоналари ва ③ Корея ишчилар учун товон ва уларни ижтимоий муҳофаза қилиш хизмати томонидан тайинланган тиббиёт муассасалари ёки давлат клиникалари тушунилади, бунда "Тиббий хизматлар тўғрисида"ги Қонуннинг 3-моддасида назарда тутилган тиббиёт муассасалари ва "Ҳудудий жамоатчилик соғлиғини сақлаш тўғрисида"ги Қонун 10-моддасида назарда тутилган давлат клиникалари (жумладан, Ҳудудий жамоатчилик соғлиғини сақлаш тўғрисида"ги Қонун 12-моддасида назарда тутилган давлат клиникалари ҳам) назарда тутилмоқда.

Истисно тариқасида тиббий ёрдам харажатларини тўлаб бериш

- Корея ишчилар учун товон ва уларни ижтимоий муҳофаза қилиш хизмати ишдаги вазифаларини бажариш сабабли орттирилган жароҳат ёки касалликдан жабр кўрган ишчиларга, узрли сабаблар бўлса, уларни иш жойидаги бахтсиз ҳодиса суғуртасига алоқадор тиббиёт муассасасида даволатишнинг ўрнига уларга тиббий ёрдам харажатларини тўлаб беради ("Иш жойидаги бахтсиз ҳодиса учун товон суғуртаси тўғрисида"ги Қонуннинг 40 (2)-моддаси шарти).

Тиббий муолажа муддатини узайтириш ва бошқа масалалар

Тиббий муолажа муддатини узайтириш

- Тиббий ёрдам учун моддий ёрдам олаётган ишчининг даволаниш муддатини узайтириш зарур бўлиб қолганда, иш жойидаги бахтсиз ҳодиса суғуртасига алоқадор тегишли тиббиёт муассасаси Корея ишчилар учун товон ва уларни ижтимоий муҳофаза қилиш хизмати даволаш режасини тақдим этиши лозим, ушбу режада касаллик ёки жароҳатдаги олғи силжиш, даволаш учун қанча муддат керак бўлиши, даволаш усуллари ва ҳоказолар кўрсатилади. ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 47 (1)-моддаси)

Даволашмуассасини узгартириш

- Агардаволаниш жараёни давомида ишчи билан боғлиқ қуйидаги ҳолатлар содир бўлса,ишчи ўзини иш жойидаги бахтсиз ҳодиса суғуртасига алоқадор бошқа бир даволаш муассасини узгартиришни сўраб Корея ишчиларучун товон ва уларни ижтимоий муҳофаза қилиш хизматига ариза тақдим этишимумкин ("Иш жойидаги бахтсиз ҳодиса учун товон суғуртаси тўғрисида"гиҚонуннинг 48 (2)-моддаси).

· Ишчи айни дамда даволанаётган тиббиёт муассасасидаги кадрлар, ускуналар ишчига махсус муолажа қилиш ёки уни реабилитацион даволаш учун мос келмаслиги сабабли у ишчини иш жойидаги бахтсиз ҳодиса суғуртасига алоқадор бошқа бир тиббиёт муассасасига ўтказиш зарурати пайдо бўлган бўлса;

· Ишчи ўзи яшайдиган ерга яқин бўлган жойда даволаниши учун у ишчини иш жойидаги бахтсиз ҳодиса суғуртасига алоқадор бошқа бир тиббиёт муассасасига ўтказиш зарурати пайдо бўлган бўлса;

· Ишчи учламчи даволаш шифохонасида махсус даволашни ўтагандан сўнг у ишчини иш жойидаги бахтсиз ҳодиса суғуртасига алоқадор бошқа бир тиббиёт муассасасига ўтказиш зарурати пайдо бўлган бўлса;

Қўшимча жароҳат ёки касаллик учун тиббий ёрдам

- Иш жойидаги бахтсиз ҳодиса туфайли даволанаётган ишчи қуйидаги ҳолатларда қўшимча жароҳат ёки касаллик (кейинги ўринларда "қўшимча жароҳат ёки касаллик" деб юритилади) учун тиббий ёрдам учун кўмак олиш учун мурожаат қилиши мумкин ("Иш жойидаги бахтсиз ҳодиса учун товон суғуртаси тўғрисидаги қонун ижроси тўғрисида"ги Қарорнинг 49-моддаси):

· Иш жойидаги бахтсиз ҳодиса сабабли келиб чиққан жароҳат ёки касаллик кейинчалик яна аниқланганлиги сабабли, даволаш зарурати туғилса;

· Иш жойидаги бахтсиз ҳодиса сабабли келиб чиққан жароҳат ёки касаллик натижасида янги бир касаллик вужудга келганлиги сабабли, даволаш зарурати туғилса.

Қўшимча даволаниш

- Агартиббий муолажа олган ишчи тузалишдан сўнг даволаш объекти бўлган касб жароҳатиёки касб касаллиги такрор пайдо бўлганлигидан жабр кўраётган бўлса ёки агаришчининг жароҳати ёки касаллиги борган сари ёмонлашаётгани сабабли жароҳат ёкикасалликни фаол даволаш зарур, деган тиббий хулоса бўлса, у ишчи кайтадан даволаниш пулини олиши мумкин ("Иш жойидаги бахтсиз ҳодиса учун товонсуғуртаси тўғрисида"ги Қонуннинг 51 (1)-моддаси).

UZBEK