Виза билан кириш
Виза учун ариза бериш
- Чет эл фуқаросининг Корея Республикаси фуқароси билан турмуш қурган ва дипломатик ваколатга (Корея Республикасидаги элчихона ва консулликлар назарда тутилмоқда; бундан кейин айниси ишлатилади) эга бўлган оила аъзоси ёки қариндоши Кореяга кириш учун визага ариза бериши керак. Корея Республикасига саёхат ёки қариндошлар зиёрати учун келмоқчи бўлган чет эл фуқаросига Қисқа-муддатли Зиёрат (С-3) визаси берилади ва бу виза Корея Республикаси худудида уч ойгача қолиш рухсатини беради.
- Аризачига Қисқа-муддатли Зиёрат (С-3) визаси олиши осонроқ кечиши учун зиёрат мақсадини тасдиқлайдиган Корея Республикасидаги чет эл фуқароси тақдим этган таклифнома, маълумотномани (Корея Республикасида нотариал тасдиқланган) ариза бериш мобайнида топшириши мақсадга мувофиқ бўлади.
Топширилиши керак бўлган хужжатлар
- Виза берилиши учун талаб қилинадиган ҳужжатлар мамлакатга қараб турлича бўлиши мумкин. Кўпроқ маълумот учун визага ариза топширилаётган мамлакатнинг элчихонасига мурожаат қилинг.
Виза беришга алоқали огоҳлантиришлар
- Аризачи виза олиш учун хужжатларни уч ой олдин топширган бўлса ва виза олмоқчи бўлса, аризачи янгидан хужжатлар топшириши керак ("Иммиграция назорати хақида"ги қонунни Тадбиқ этиш Коидалари 12 (3) Банди).
Сохта таклифнома таъқиқи ва бошқалар
- Хеч бир шахс чет эл фуқаросининг Корея Республикаси кириб келиши учун қуйидаги амалларни бажармаслиги керак ("Иммиграция назорати хақида"ги қонуни 7-2 Банди):
1. Сохта даъво ёки ёлғон маълумотлар тақдим этиш ёки бундай амалларга ёрдам қилиш каби ноқонуний йўллар билан таклиф қилиш;
2. Визага ёки виза олиш гувохномасига ёлғон ариза бериш ёки бундай амалларга ёрдам бериш.
- Бу қоидаларни бузган шахс уч йилдан ошмаган муддатга мехнат қамоғига олиниши ёки 30 миллион Корея вонидан ошмайдиган жаримага тортилади ("Иммиграция назорати хақида"ги қонуни 94 Банди 3 субпараграфи).