CAMBODIA | Easy to Find, Practical Law

ជនបរទេសណាដែលមានបំណងចង់ឱ្យជួលបម្រើការងារនៅសាធារណរដ្ឋកូរ៉េ ត្រូវទទួលឋានៈស្នាក់នៅបណ្តោះអាសន្នដែលអនុញ្ញាតឱ្យមានការងារធ្វើនៅក្នុងប្រទេសនេះ។ ការងារពលករបរទេស មានកំណត់វិសាលភាពដែលកំណត់ប្រភេទទិដ្ឋាការរបស់ពួកគេ។

បញ្ហាដែលពាក់ព័ន្ធនឹងការងារពលករបរទេស ដែលមានទិដ្ឋាការប្រភេទការងារមិនមានវិជ្ជាជីវៈ (E-9) ឬទិដ្ឋាការទស្សនកិច្ចការងារ (H-2) ដែលអនុញ្ញាតឱ្យមានការងារនៅសាធារណរដ្ឋកូរ៉េ ត្រូវបានគ្រប់គ្រងដោយច្បាប់ការងារពលករបរទេស ជាដើម។

ពលករបរទេស ត្រូវបានផ្តល់សិទ្ធិតាមប្រភេទទិដ្ឋាការពលករផងដែរ។ ដូច្នេះសិទ្ធិការងារ និងសង្គមជាមូលដ្ឋានរបស់ពួកគេ ត្រូវបានធានានៅក្រោមច្បាប់សន្តិសុខសង្គម។ ប្រសិនបើពួកគេទទួលរងការរំលោភបំពានលើសិទ្ធិការងាររបស់ពួកគេ សិទ្ធិទាំងនោះត្រូវបានស្តារឡើងវិញ
តាមរយៈនីតិវិធីដោះស្រាយកែតម្រូវ ដែលអាចអនុវត្តបាន។

តើអ្នកជួបផលវិបាកក្នុងការរក្សានូវជីវភាពរស់នៅប្រចាំថ្ងៃដោយគ្មានប្រាក់ចំណូលច្បាស់លាស់ក្នុងកំឡុងពេលស្វែងរកការងារក្រោយពេលបាត់បង់ការងារចាស់ភ្លាមៗដែរឬទេ? ក្នុងករណីដែលពលករមានចេទនាចង់ធ្វើការងារ និង មានសមត្ថភាពគ្រប់គ្រាន់ ស្ថិតក្នុងស្ថានភាពដែលគ្មានការងារធ្វើបែបនេះ ពលករនោះអាចទទួលប្រាក់បៀវត្សពេលគ្មានការងារធ្វើ ក្នុងកំឡុងពេលស្វែងរកការងារជាថ្មីបាន។ តាមរយៈប្រាក់បៀវត្សពេលគ្មានការងារធ្វើ ពលករអាចទទួលបាននូវស្ថេរភាពនៃជីវិតរស់នៅប្រចាំថ្ងៃ ព្រមទាំំងអាចពង្រីនូវឱកាសដើម្បីស្វែងរកការងារថ្មីផងដែរ។

យោងតាមខ្លឹមសារខាងលើ អត្ថបទនេះ នឹងបកស្រាយបញ្ហាទាក់ទងនឹងប្រាក់បៀវត្សពេលគ្មានការងារធ្វើដោយបែងចែកជា ① ប្រាក់បៀវត្សស្វែងរកការងារ, ② ប្រាក់ជំរុញការចូលធ្វើការងារ ③ ប្រាក់បៀវត្សពេលគ្មានការងារធ្វើ និង ចងក្រងជាប្រព័ន្ធដោយផ្តល់ពត៌មានផ្លូវច្បាប់ដែលងាយស្រួលយល់ ពាក់ព័ន្ធប្រាក់បៀវត្សពេលគ្មានការងារធ្វើ។

ផ្នែកនេះទាក់ទងនឹងព័ត៌មានផ្លូវច្បាប់ស្តីពីប្រាក់ឈ្នួលរួមមានសំណងសម្រាប់ប្រាក់ឈ្នួលហួសកាលកំណត់ ទំហំប្រាក់ឈ្នួល ប្រព័ន្ធប្រាក់ឈ្នួលអប្បបរមា ការអនុគ្រោះនៃការទូទាត់ការទាមទារសំណងសម្រាប់ប្រាក់ឈ្នួល ការទូទាត់ប្រាក់ឈ្នួលហួសកាលកំណត់ជំនួស ដែលត្រូវធ្វើដោយរដ្ឋតាងនាមឲ្យនិយោជក។ល។