ការកំណត់វិធីសាស្រ្តផ្លាស់ប្តូរទីលំនៅ និងការចំណាយ
វិធីសាស្រ្តផ្លាស់ប្តូរទីលំនៅ- វិធីសាស្រ្តធម្មតា រួមបញ្ចូលទាំងការផ្លាស់ប្តូរទីលំនៅទូទៅ ការវេចខ្ចប់និងការផ្លាស់ប្តូរទីលំនៅ និងរក្សាទុកអ៊ីវ៉ាន់និងការផ្លាស់ប្តូរទីលំនៅ។ (មាត្រា 2 (2) នៃកិច្ចព្រមព្រៀងតាមស្តង់ដារស្តីពីថ្លៃសេវាដឹកជញ្ជូនអីវ៉ាន់)
|
ប្រភេទ
|
បុគ្គលិកលក្ខណៈនានា
|
|
ការផ្លាស់ប្តូរទីលំនៅ ទូទៅ
|
អតិថិជនទទួលខុសត្រូវចំពោះការវេចខ្ចប់អីវ៉ាន់ និងការរៀបចំដាក់អីវ៉ាន់ រីឯក្រុមហ៊ុនបម្រើសេវាកម្មផ្លាស់ប្តូរទីលំនៅមានភារកិច្ចគ្រាន់តែដឹកជញ្ជូនអីវ៉ាន់តែប៉ុណ្ណោះ។
|
|
ការវេចខ្ចប់អីវ៉ាន់ និង ការផ្លាស់ប្តូរទីលំនៅ
|
អតិថិជនស្នើសុំឱ្យក្រុមហ៊ុនបម្រើសេវាកម្មផ្លាស់ប្តូរទីលំនៅទទួលបន្ទុកដំណើរការទាំងស្រុងដោយគិតចាត់ពីការវេចខ្ចប់អីវ៉ាន់ រហូតដល់ការដឹកជញ្ជូនអីវ៉ាន់ និងដំណើរការចុងក្រោយគឺការរៀបចំដាក់អីវ៉ាន់។
|
|
ការរក្សាទុកអីវ៉ាន់ និង ការផ្លាស់ប្តូរទីលំនៅ
|
ចំពោះការផ្លាស់ប្តូរទីលំនៅទាំង 2 ប្រភេទខាងលើនេះ តាមសំណើរបស់ អតិថិជន ក្រុមហ៊ុនបម្រើសេវាកម្មផ្លាស់ប្តូរទីលំនៅអាចរក្សាទុកអីវ៉ាន់ដែលមានរយៈពេលជាក់លាក់មួយ មុនពេលប្រគល់ជូនអីវ៉ាន់។
|
ការជ្រើសរើសក្រុមហ៊ុនដែលមានអាជ្ញាប័ណ្ណ
កុំភ្លេចពិនិត្យមើលថាតើក្រុមហ៊ុនបម្រើសេវាកម្មផ្លាស់ប្តូរទីលំនៅទទួលបានអាជ្ញាប័ណ្ណឬអត់។
- យោងតាមលក្ខខណ្ឌនៃអាជ្ញាប័ណ្ណ ក្រុមហ៊ុនដែលមានអាជ្ញាប័ណ្ណនឹងត្រូវទិញសេវាធានារ៉ាប់រងលើការធានាចំពោះការអនុវត្ត ដែលចេញថ្លៃយ៉ាងតិច ₩5 លានវ៉ុន សម្រាប់ការធានាឱ្យក្រុមហ៊ុនមានលទ្ធភាពធ្វើសំណងចំពោះការខូចខាតវត្ថុឬសម្ភារអតិថិជនរបស់ខ្លួន។
- អ្នកអាចពិនិត្យមើលការអនុញ្ញាតពីក្រុមហ៊ុនផ្លាស់ប្តូរលំនៅស្ថានអតិថិជនអាចស្នើសុំការបង្ហាញឯកសារលពាក់ព័ន្ធ (ច្បាប់ចម្លងនៃអាជ្ញាប័ណ្ណអាជីវកម្មឈ្មួញកណ្តាលដឹកជញ្ជូន)នៅពេលទទួលតំលៃបណ្តោះអាសន្ន ឬនៅពេលចុះកិច្ចសន្យារើឥវ៉ានផ្លាស់ប្តូរផ្ទះអ្នកក៏អាចពិនិត្យមើលថាតើក្រុមហ៊ុនមានអាជ្ញាប័ណ្ណដែរឬទេដោយចូលទៅកាន់គេហទំព័រ(www.kffa.or.kr) ឬសាកសួរទៅកាន់សមាគមដឹកជញ្ជូនទំនិញក្នុងស្រុក(សមាគមអ្នកដឹកជញ្ជូនទំនិញទូទាំងប្រទេស - អ្នកដឹកជញ្ជូន / ទីផ្សារអ្នកប្រើប្រាស់ -ការជ្រើសរើសជាក្រុមហ៊ុនដឹកជញ្ជូនចល័ត)។
ការចុះកិច្ចសន្យាជាមួយក្រុមហ៊ុនបម្រើសេវាកម្មផ្លាស់ប្តូរទីលំនៅ
ការពិនិត្យមើលលក្ខខណ្ឌនៃការផ្លាស់ប្តូរទីលំនៅ
- មុនពេលចុះហត្ថលេខាលើកិច្ចសន្យានោះ លក្ខខណ្ឌខាងក្រោមនេះត្រូវពិនិត្យមើលដោយប្រុងប្រយ័ត្ន(សមាគមអ្នកដឹកជញ្ជូនទំនិញទូទាំងប្រទេស- អ្នកដឹកជញ្ជូន / ទីផ្សារអ្នកប្រើប្រាស់ - ការជ្រើសរើសជាក្រុមហ៊ុនដឹកជញ្ជូនចល័ត)
· សូមពិនិត្យមើលការដឹកជញ្ជូនអីវ៉ាន់ និងលក្ខខណ្ឌមិនដឹកជញ្ជូនអីវ៉ាន់ (ការប្រើប្រាស់ឧបករណ៍ឬបរិក្ខារ ដូចជារថយន្តឬទូររថភ្លើងដឹកទំនិញ ជណ្តើរ និងការចំណាយ)
· សូមពិនិត្យមើលប្រភេទទំនិញឬអីវ៉ាន់ និងការប្រុងប្រយ័ត្នចំពោះការប្រគល់ជូន។
· ការបញ្ជាក់អំពីវិធីសាស្រ្តបង់ប្រាក់ថ្លៃសេវាកម្មផ្លាស់ប្តូរទីលំនៅ
ការចុះកិច្ចសន្យាជាមួយក្រុមហ៊ុនបម្រើសេវាកម្មផ្លាស់ប្តូរទីលំនៅ
- ការស្តាប់ និងការទទួលបានការពន្យល់អំពីកិច្ចព្រមព្រៀង
· នៅពេលអតិថិជនស្នើសុំក្រុមហ៊ុនបម្រើសេវាកម្មផ្លាស់ប្តូរទីលំនៅ ដើម្បីដឹកជញ្ជូនអីវ៉ាន់ឬទំនិញរបស់ខ្លួននោះ ក្រុមហ៊ុនត្រូវពន្យល់គាត់យ៉ាងច្បាស់អំពីបញ្ហាដូចខាងក្រោម បង្ហាញកិច្ចព្រមព្រៀងចំពោះការដឹកជញ្ជូនអីវ៉ាន់ឬទំនិញ និងផ្តល់ជូនឯកសារថតចម្លងកិច្ចព្រមព្រៀងមួយច្បាប់តាមសំណើរបស់អតិថិជន។ ទោះជាយ៉ាងណានៅក្នុងករណីដែលថា កិច្ចព្រមព្រៀងទាំងមូលត្រូវបានបញ្ជាក់នៅក្នុងកិច្ចសន្យានោះ ការចេញជូនកិច្ចសន្យាអាចដាក់ជំនួសការចេញជូនកិច្ចព្រមព្រៀងនេះ។ (មាត្រា 3 នៃបទបញ្ជាស្តីពីលក្ខខណ្ឌនិងខចែងក្នុងកិច្ចសន្យា និងមាត្រា 5 (1) នៃកិច្ចព្រមព្រៀងតាមស្តង់ដារនៃអីវ៉ាន់ផ្លាស់ប្តូរទីលំនៅ)
- ការរៀបចំ និងការទទួលកិច្ចសន្យាដឹកជញ្ជូនអីវ៉ាន់
· ប្រតិបត្តិករអាជីវកម្មបម្រើសេវាកម្មផ្លាស់ប្តូរទីលំនៅ ត្រូវចេញកិច្ចសន្យាជូនអតិថិជនតាមលក្ខខណ្ឌនិងខចែងក្នុងកិច្ចសន្យាដឹកជញ្ជូនអីវ៉ាន់ និងការរៀបចំកិច្ចសន្យាដែលគ្របដណ្តប់លើកិច្ចការ ដូចខាងក្រោមនេះ។ (មាត្រា 5 (2) នៃកិច្ចព្រមព្រៀងតាមស្តង់ដារនៃអីវ៉ាន់ផ្លាស់ប្តូរទីលំនៅ)
· ក្រុមហ៊ុនបម្រើសេវាកម្មផ្លាស់ប្តូរទីលំនៅ មិនត្រូវសរសេរតម្លៃដែលមានលើសពីការសរសេរនៅក្នុងឯកសារប៉ាន់ស្មានតម្លៃនោះឡើយ។ ទោះជាយ៉ាងណា ប្រសិនបើតម្លៃចុងក្រោយនេះ មានលើសពីតម្លៃដែលបានផ្ដល់ជូននៅក្នុងឯកសារប៉ាន់ស្មានតម្លៃ ដោយសារតែមានការផ្លាស់ប្តូរចំពោះបញ្ហាបែបនេះ ដូចជាការសេចក្តីលម្អិតអំពីអីវ៉ាន់ឬទំនិញ រយៈពេលរក្សាទុក ការវេចខ្ចប់ និងការរៀបចំតាមសំណើរបស់អតិថិជននោះ ក្រុមហ៊ុនអាចសរសេរតម្លៃខ្ពស់ជាង ក្រោយពេលជូនដំណឹងដល់អតិថិជនតែប៉ុណ្ណោះ។ (មាត្រា 5 (3) នៃកិច្ចព្រមព្រៀងតាមស្តង់ដារនៃអីវ៉ាន់ផ្លាស់ប្តូរទីលំនៅ)
ការបង់ប្រាក់ចំណាយលើការផ្លាស់ប្តូរទីលំនៅ
- ក្រុមហ៊ុនបម្រើសេវាកម្មផ្លាស់ប្តូរទីលំនៅ អាចស្នើសុំអតិថិជនឱ្យបង់ប្រាក់កក់ដែលមានចំនួនទឹកប្រាក់រហូតដល់ 10% នៃការចំណាយសរុប នៅពេលក្រុមហ៊ុនចេញកិច្ចសន្យាជូនទៅអតិថិជន។ (មាត្រា 6 នៃកិច្ចព្រមព្រៀងតាមស្តង់ដារនៃអីវ៉ាន់ផ្លាស់ប្តូរទីលំនៅ)
· អាស្រ័យលើប្រភេទនៃផ្លាស់ប្តូរទីលំនៅ គេផ្ដល់អនុសាសន៍ឱ្យបង់ប្រាក់តុល្យភាពតាមពេលវេលាដូចខាងក្រោម។ (មាត្រា 8 (1) នៃកិច្ចព្រមព្រៀងតាមស្តង់ដារនៃអីវ៉ាន់ផ្លាស់ប្តូរទីលំនៅ)
|
ប្រភេទ
|
ម៉ោង
|
|
ការផ្លាស់ប្តូរទីលំនៅ ទូទៅ
|
នៅពេលអតិថិជន បញ្ជាក់អំពីការប្រគល់អីវ៉ាន់ឬទំនិញទាំងអស់
|
|
ការវេចខ្ចប់អីវ៉ាន់ និង ការផ្លាស់ប្តូរទីលំនៅ
|
នៅពេលអតិថិជន បញ្ជាក់ថាអីវ៉ាន់ឬទំនិញទាំងអស់ ត្រូវបានរៀបចំទាំងស្រុង
|
|
ការរក្សាទុកអីវ៉ាន់ និង ការផ្លាស់ប្តូរទីលំនៅ
|
នៅពេលអតិថិជន បញ្ជាក់ថាការប្រគល់អីវ៉ាន់ឬទំនិញទាំងអស់ ឬថាអីវ៉ាន់ឬទំនិញទាំងអស់ ត្រូវបានរៀបចំទាំងស្រុង
|
- ជាគោលការណ៍ក្រុមហ៊ុនបម្រើសេវាកម្មផ្លាស់ប្តូរទីលំនៅ មិនត្រូវគិតថ្លៃលើការចំណាយដែលហួសកម្រិតណាមួយ និងលើសពីតម្លៃដែលបានបញ្ជាក់នៅក្នុងកិច្ចសន្យាឡើយ។ ទោះជាយ៉ាងណា ប្រសិនបើតម្លៃចុះកិច្ចសន្យានេះ មានហួសកម្រិតដោយសារតែការផ្លាស់ប្តូរពាក់ព័ន្ធនឹងបញ្ហានានា ដូចជាសេចក្តីលម្អិតអំពីអីវ៉ាន់ឬទំនិញ រយៈពេលរក្សាទុក ការវេចខ្ចប់ និងការរៀបចំ ហើយប្រសិនបើអតិថិជនទទួលខុសត្រូវចំពោះការផ្លាស់ប្តូរទាំងនោះ ក្រុមហ៊ុនអាចគិតថ្លៃលើការចំណាយដែលហួសកម្រិត ក្រោយពេលជូនដំណឹងដល់អតិថិជនជាមុនអំពីភាពអាចកើតមាន ដែលអាចទាមទារការចំណាយប្រាក់លើសប្រមាណបែបនេះ។ (មាត្រា 8 (2) នៃកិច្ចព្រមព្រៀងតាមស្តង់ដារនៃអីវ៉ាន់ផ្លាស់ប្តូរទីលំនៅ)