ប្រាក់បម្រុងទុកសម្រាប់ការជួសជុលរយៈពេលវែង
និយមន័យប្រាក់បម្រុងទុកសម្រាប់ការជួសជុលរយៈពេលវែង
- ពាក្យថា “ប្រាក់បម្រុងទុកសម្រាប់ការជួសជុលរយៈពេលវែង” មានន័យថាប្រាក់បម្រុងទុកដែលចាំបាច់សម្រាប់កាដាក់ឬផ្លាស់ប្តូរវត្ថុឬសម្ភារៈ ការថែទាំ និងការជួសជុលកន្លែងសំខាន់ៗនៃលំនៅដ្ឋានពហុគ្រួសារ ដែលបានរៃអង្គាសប្រាក់ និងប្រមូលប្រាក់ពីម្ចាស់ផ្ទះជួលដោយអង្គភាពគ្រប់គ្រងលំនៅដ្ឋានពហុគ្រួសារដែលមាន 300 គ្រួសារ ឬច្រើនជាង, លំនៅដ្ឋានពហុគ្រួសារដែលមានដំឡើងជណ្តើរយន្ត ឬលំនៅដ្ឋានពហុគ្រួសារដែលមានប្រព័ន្ធកំដៅនៅកណ្តាល ដោយស្របតាមផែនការជួសជុលរយៈពេលវែង (មាត្រា 29 (1) និង 30 (1) នៃច្បាប់គ្រប់គ្រងលំនៅដ្ឋានពហុគ្រួសារ)។
ការទាមទារសំណងមកវិញនូវប្រាក់បម្រុងទុកសម្រាប់ការជួសជុលរយៈពេលវែង
អង្គភាពបង្កើតឱ្យមានប្រាក់បម្រុងទុកសម្រាប់ការជួសជុលរយៈពេលវែង
- ទោះបីជាប្រាក់បម្រុងទុកសម្រាប់ការជួសជុលរយៈពេលវែង ត្រូវបានគេសន្មតថាទទួលខុសត្រូវដោយម្ចាស់លំនៅដ្ឋានពហុគ្រួសារចាប់តាំងពីដើមដំបូង ដូចជាផ្ទះអាផាតមេនឬផ្ទះល្វែង ជាដើមក៏ដោយ ក៏ជាទូទៅអ្នកជួលផ្ទះបង់ប្រាក់បម្រុងទុកជូនទៅប្រធានគ្រប់គ្រងដែលចំណាយស្របតាមវិធានការគ្រប់គ្រងលំនៅដ្ឋានពហុគ្រួសារ (មាត្រា 30 (1) នៃច្បាប់គ្រប់គ្រងលំនៅដ្ឋានពហុគ្រួសារ)។
- អ្នកជួលផ្ទះដែលបានបង់ប្រាក់បម្រុងទុកសម្រាប់ការជួសជុលរយៈពេលវែងអាចទាមទារនិងទទួលបានប្រាក់ពីម្ចាស់លំនៅដ្ឋានពហុគ្រួសារ នៅពេលកិច្ចសន្យាជួលត្រូវបញ្ចប់(សូមមើល សេចក្តីសម្រេចអនុវត្តច្បាប់គ្របគ្រង់លំនៅដ្ឋានពហុគ្រួសារមាត្រា 31(8))។