សិទ្ធិទាមទារទិញសម្ភារៈឬគ្រឿងបន្លាស់បន្ទាប់បន្សំ
សិទ្ធិអ្នកជួលផ្ទះទាមទារទិញសម្ភារៈឬគ្រឿងបន្លាស់បន្ទាប់បន្សំ
- ប្រសិនបើអ្នកជួលផ្ទះមានកិច្ចសន្យាជួល បានភ្ជាប់មាត្រាមួយទៅនឹងបែបនេះ ដោយមានការព្រមព្រៀងពីម្ចាស់ផ្ទះជួល ឬបានទិញសម្ភារៈឬគ្រឿងបន្លាស់បន្ទាប់បន្សំពីម្ចាស់ផ្ទះជួលសម្រាប់អត្ថប្រយោជន៍នៃការប្រើប្រាស់របស់អ្នកជួលផ្ទះនោះ អ្នកជួលផ្ទះអាចទាមទារឱ្យម្ចាស់ផ្ទះជួលទិញសម្ភារៈឬគ្រឿងបន្លាស់បន្ទាប់បន្សំបែបនេះ នៅពេលកិច្ចសន្យាជួលត្រូវបញ្ចប់ (មាត្រា 646 នៃច្បាប់រដ្ឋប្បវេណី)។
※ សម្ភារៈឬគ្រឿងបន្លាស់បន្ទាប់បន្សំ មានន័យថាវត្ថុដែលដាក់នៅអគារ ដែលគ្រប់គ្រងកម្មសិទ្ធិដោយអ្នកជួលផ្ទះ និងមិនក្លាយជាសមាសធាតុធាតុផ្សំនៃអគារឡើយ ប៉ុន្តែនាំមកអត្ថប្រយោជន៍តាមគោលបំណងចង់បាន។
សិទ្ធិអ្នកជួលផ្ទះបន្ត ទាមទារទិញសម្ភារៈឬគ្រឿងបន្លាស់បន្ទាប់បន្សំ
- ប្រសិនបើអ្នកជួលផ្ទះបានជួលផ្ទះបន្តដោយស្របច្បាប់ចំពោះផ្ទះមានកិច្ចសន្យាជួល ហើយអ្នកជួលផ្ទះបន្តបានភ្ជាប់មាត្រាមួយទៅនឹងផ្ទះមានកិច្ចសន្យាជួល ដោយមានការព្រមព្រៀងពីម្ចាស់ផ្ទះជួល ដើម្បីផលប្រយោជន៍នៃការប្រើប្រាស់របស់អ្នកជួលផ្ទះបន្តនោះ អ្នកជួលផ្ទះបន្តអាចទាមទារឱ្យម្ចាស់ផ្ទះជួលទិញសម្ភារៈឬគ្រឿងបន្លាស់បន្ទាប់បន្សំបែបនេះ នៅពេលកិច្ចសន្យាជួលបន្តត្រូវបញ្ចប់។ លើសពីនេះអ្នកជួលផ្ទះបន្ត អាចទាមទារឱ្យម្ចាស់ផ្ទះជួលទិញសម្ភារៈឬគ្រឿងបន្លាស់បន្ទាប់បន្សំ ដែលទិញពីម្ចាស់ផ្ទះជួល ឬដែលទិញពីអ្នកជួលផ្ទះ ដោយមានការព្រមព្រៀងពីម្ចាស់ផ្ទះជួល (មាត្រា 647 នៃច្បាប់រដ្ឋប្បវេណី)។
អនុវត្តសិទ្ធិទាមទារទិញសម្ភារៈឬគ្រឿងបន្លាស់បន្ទាប់បន្សំ
ការកំណត់ពេលវេលាអនុវត្តសិទ្ធិ
- មិនមានការកំណត់លក្ខខណ្ឌចំពោះការកំណត់ពេលវេលាអនុវត្តសិទ្ធិទាមទារទិញសម្ភារៈឬគ្រឿងបន្លាស់បន្ទាប់បន្សំឡើយ។ ការទិញសម្ភារៈឬគ្រឿងបន្លាស់បន្ទាប់បន្សំ អាចត្រូវទាមទារ លើកលែងតែសិទ្ធិទាមទារឱ្យទិញ ត្រូវបានគេបោះបង់ចោល បើទោះជាបន្ទាប់ពីផ្ទះមានកិច្ចសន្យាជួល ត្រូវបានប្រគល់មកវិញដោយមានការបញ្ចប់កិច្ចសន្យាជួលក៏ដោយ។
ភាគីផ្សេងទៀត
- អ្នកជួលផ្ទះអាចទាមទារថា ម្ចាស់ផ្ទះជួលដែលបានយល់ព្រមដាក់សម្ភារៈឬគ្រឿងបន្លាស់បន្ទាប់បន្សំ ឬប្រសិនបើសិទ្ធិនៃកិច្ចសន្យាជួលមានសិទ្ធិជំទាស់នោះ បុគ្គលណាដែលបានទទួលស្នងជំនួសឋានៈម្ចាស់ផ្ទះជួលពីម្ចាស់ផ្ទះជួលបែបនេះ ទិញគ្រឿងសម្ភារៈឬគ្រឿងបន្លាស់បន្ទាប់បន្សំ។
ការកំណត់លក្ខខណ្ឌចំពោះសិទ្ធិទាមទារទិញសម្ភារៈឬគ្រឿងបន្លាស់បន្ទាប់បន្សំ
- ករណីអ្នកជួលផ្ទះមិនបានបំពេញកាតព្វកិច្ចរបស់ខ្លួន ដូចជាថ្លៃជួលនៅជាប់ជំពាក់ ជាដើមនោះ សិទ្ធិអ្នកជួលផ្ទះទាមទារទិញសម្ភារៈឬគ្រឿងបន្លាស់បន្ទាប់សន្សំ មិនត្រូវបានទទួលស្គាល់ឡើយ (សេចក្តីសម្រេចរបស់តុលាការកំពូល ចុះនៅថ្ងៃទី 23 ខែមករា ឆ្នាំ 1990, សំណុំរឿងលេខ No. 88Daka 7245 និង 88Daka 7252)។
ប្រសិទ្ធភាពនៃសិទ្ធិទាមទារទិញសម្ភារៈឬគ្រឿងបន្លាស់បន្ទាប់បន្សំ
ករណីអ្នកជួលផ្ទះទាមទារទិញសម្ភារៈឬគ្រឿងបន្លាស់បន្ទាប់សន្សំដោយសរសេរជាលាយលក្ខណ៍អក្សរ ឬដោយផ្ទាល់មាត់នោះ កិច្ចសន្យាលក់ត្រូវបង្កើតឡើង។
កិច្ចព្រមព្រៀងណាដែលបញ្ចូលដោយភាគីនានាដែលមានការរំលោភបំពាលលើខចែងក្នុងកិច្ចសន្យាដែលពាក់ព័ន្ធនឹងសិទ្ធិទាមទារទិញសម្ភារៈឬគ្រឿងបន្លាស់បន្ទាប់សន្សំដែលមិនសមរម្យចំពោះអ្នកជួលផ្ទះ ត្រូវចាត់ទុកជាមោឃៈ (មាត្រា 652 នៃច្បាប់រដ្ឋប្បវេណី)។