CAMBODIA

កិច្ចសន្យាជួលផ្ទះ

ប្រព័ន្ធបង្គាប់បញ្ជាចុះបញ្ជីកាន់កាប់កិច្ចសន្យាជួល

ការដាក់ពាក្យសុំការបង្គាប់បញ្ជាចុះបញ្ជីកាន់កាប់កិច្ចសន្យាជួល

ប្រសិទ្ធភាពនៃការចុះបញ្ជីកាន់កាប់កិច្ចសន្យាជួល

ប្រព័ន្ធបង្គាប់បញ្ជាចុះបញ្ជីកាន់កាប់កិច្ចសន្យាជួល

ទស្សនៈអំពីប្រព័ន្ធបង្គាប់បញ្ជាចុះបញ្ជីកាន់កាប់កិច្ចសន្យាជួល

- ប្រព័ន្ធបង្គាប់បញ្ជាចុះបញ្ជីកាន់កាប់កិច្ចសន្យាជួល អនុញ្ញាតឱ្យអ្នកជួលផ្ទះអាចផ្លាស់ទីលំនៅចេញពីផ្ទះមានកិច្ចសន្យាជួលដោយសេរី ដោយមានការរក្សាសិទ្ធិជំទាស់ និងសិទ្ធិទូទាត់សំណងតាមចំណូលចិត្ត នៅពេលគាត់បំពេញការចុះបញ្ជីតាមការបង្គាប់បញ្ជានៃការអនុវត្តរបស់របស់តុលាការ។

ការដាក់ពាក្យសុំការបង្គាប់បញ្ជាចុះបញ្ជីកាន់កាប់កិច្ចសន្យាជួល

តម្រូវការទាមទារការដាក់ពាក្យសុំ

- ① ប្រសិនបើគ្មានប្រាក់កក់ត្រូវសងវិញ ② បន្ទាប់ពីការបញ្ចប់កិច្ចសន្យាជួលនោះ អ្នកជួលផ្ទះអាចដាក់ពាក្យសុំការបង្គាប់បញ្ជាចុះបញ្ជីកាន់កាប់កិច្ចសន្យាជួលជូនទៅតុលាការស្រុក សាខាតុលាការស្រុក ឬតុលាការ ស៊ី/ហ្គុន Si/Gun ដែលមានសមត្ថកិច្ចលើទីតាំង ផ្ទះមានកិច្ចសន្យាជួល (មាត្រា 3-3 (1) នៃច្បាប់ស្តីពីការការពារកិច្ចសន្យាជួលផ្ទះ)។

· អ្នកជួលផ្ទះអាចដាក់ពាក្យសុំការបង្គាប់បញ្ជាចុះបញ្ជីកាន់កាប់កិច្ចសន្យាជួល បន្ទាប់ពីកិច្ចសន្យាជួលត្រូវបានបញ្ចប់។ ដូច្នេះអ្នកជួលផ្ទះអាចដាក់ពាក្យសុំការបង្គាប់បញ្ជាចុះបញ្ជីកាន់កាប់កិច្ចសន្យាជួលក្នុងករណីកិច្ចសន្យាជួលត្រូវបានបញ្ចប់ ដែលអនុវត្តតាមលិខិតជូនដំណឹងអំពីការលុបចោលកិច្ចសន្យា ឬកំណត់លក្ខខណ្ឌតាមកិច្ចព្រមព្រៀង ក៏ដូចជានៅពេលកិច្ចសន្យាជួលត្រូវបានបញ្ចប់នៅត្រឹមការផុតកំណត់នៃរយៈពេលកិច្ចសន្យាផងដែរ។

នីតិវិធីដាក់ពាក្យសុំ

- អ្នកជួលណាដែលមានបំណងដាក់ពាក្យសុំការបង្គាប់បញ្ជាចុះបញ្ជីកាន់កាប់កិច្ចសន្យាជួលត្រូវបំពេញពាក្យសុំ ដែលរួមមានព័ត៌មានដូចតទៅនេះ សូមដាក់ឈ្មោះ និងត្រា ឬចុះហត្ថលេខាលើពាក្យសុំ ហើយបន្ទាប់មកដាក់ពាក្យសុំជាមួយឯកសារពាក់ព័ន្ធទៅតុលាការស្រុក សាខាតុលាការស្រុក ឬតុលាការ ស៊ី/ហ្គុន Si/Gun ដែលមានសមត្ថកិច្ចលើតាំងនៃផ្ទះមានកិច្ចសន្យាជួល (មាត្រា 3-3 (1) នៃច្បាប់ស្តីពីការការពារកិច្ចសន្យាជួលផ្ទះ)៖

· ការកត់សម្គាល់ករណីសំណុំរឿង;

· ឈ្មោះនិងអាសយដ្ឋានអ្នកជួលផ្ទះ និងម្ចាស់ផ្ទះជួល និងលេខចុះបញ្ជីទីលំនៅ (បើអ្នកជួលផ្ទះ ឬម្ចាស់ផ្ទះជួលគឺជាក្រុមហ៊ុន ឬជាក្រុមមួយក្រៅពីក្រុមហ៊ុន ឈ្មោះក្រុមហ៊ុនឬក្រុម ឈ្មោះអ្នកតំណាងរបស់ខ្លួន លេខចុះបញ្ជីក្រុមហ៊ុន និងទីតាំងនៃការិយាល័យកណ្តាល និងបរិវេណស្ថានប័នជំនួញ);

· ប្រសិនបើភ្នាក់ងារដាក់ពាក្យសុំនោះ ត្រូវមានឈ្មោះនិងអាសយដ្ឋានរបស់គាត់;

· ការបង្ហាញផ្ទះឬអាគារដែលជាកម្មវត្ថុនៃកិច្ចសន្យាជួល (ករណីកម្មវត្ថុនៃកិច្ចសន្យាជួលជាផ្នែកនៃផ្ទះឬអាគារនោះ សូមភ្ជាប់គំនូរដែលបង្ហាញផ្នែកនោះ។);

· ប្រាក់កក់ធានាសម្រាប់កិច្ចសន្យាជួលដែលមិនបានសងមកវិញ ហើយថ្លៃជួល (ករណីនៃកិច្ចសន្យាសម្រាប់កិច្ចសន្យាជួលដែលមិនបានចុះបញ្ជីតាមគោលការណ៍ប្រាក់កក់ ប្រាក់ធានាសម្រាប់កិច្ចសន្យាជួលតាមគោលការណ៍ប្រាក់កក់);

· គំនិតទូទៅ និងហេតុផលនានាចំពោះការដាក់ពាក្យសុំ។

※ ឯកសារដែលត្រូវដាក់ជូននៅពេលដាក់ពាក្យសុំការបង្គាប់បញ្ជាចុះបញ្ជីកាន់កាប់កិច្ចសន្យាជួល (មាត្រា 3 នៃបទបញ្ជាស្តីពីនីតិវិធីបង្គាប់បញ្ជាចុះបញ្ជីកាន់កាប់កិច្ចសន្យាជួល)

· លិខិតបញ្ជាក់ឯកសារចុះបញ្ជីផ្ទះ ឬអគារដែលបានចុះបញ្ជីជាកម្មសិទ្ធិរបស់ម្ចាស់ផ្ទះជួល;

· ឯកសារដែលបញ្ជាក់ថាផ្ទះឬអគារដែលមិនមែនជាកម្មសិទ្ធិរបស់ម្ចាស់ផ្ទះជួល អាចចុះបញ្ជីសម្រាប់ការរក្សាភាពជាម្ចាស់កម្មសិទ្ធិភ្លាមៗជាឈ្មោះផ្ទាល់របស់ម្ចាស់ផ្ទះជួល;

· កិច្ចសន្យាជួលជាលាយលក្ខណ៍អក្សរ;

· ក្នុងករណីអ្នកជួលផ្ទះដែលបានទទួលសិទ្ធិជំទាស់នៅពេលដាក់ពាក្យសុំ ឯកសារដែលបញ្ជាក់ពីកាលបរិច្ឆេទកាន់កាប់កម្មសិទ្ធិផ្ទះមានកិច្ចសន្យាជួល និងកាលបរិច្ឆេទបញ្ចប់ការចុះបញ្ជីទីលំនៅ;

· ក្នុងករណីអ្នកជួលផ្ទះដែលបានទទួលសិទ្ធិទូទាត់សំណងតាមចំណូលចិត្តនៅពេលដាក់ពាក្យសុំ ឯកសារដែលបញ្ជាក់ពីកាលបរិច្ឆេទកាន់កាប់កម្មសិទ្ធិផ្ទះមានកិច្ចសន្យាជួល និងកាលបរិច្ឆេទបញ្ចប់ការចុះបញ្ជីទីលំនៅ និងកិច្ចសន្យាជួលសរសេរជាឯកសារដែលបញ្ជាក់ផ្លូវការ ឬប្រថាប់ត្រាដោយមានកាលបរិច្ឆេទកំណត់;

· ករណីមានគោលបំណងដែលបានចុះបញ្ជីនៃកម្មវត្ថុកិច្ចសន្យាជួល មិនមែនជាកន្លែងស្នាក់នៅនោះ ឯកសារដែលកបញ្ជាក់ថាផ្ទះមានកិច្ចសន្យាជួលត្រូវបានប្រើប្រាស់សម្រាប់លំនៅដ្ឋានចាប់ពីពេលដែលកិច្ចសន្យាជួល បានសម្រេចរហូតមកដល់បច្ចុប្បន្ន។

- អ្នកជួលផ្ទះអាចស្នើសុំម្ចាស់ផ្ទះជួលទូទាត់សំណងលើការចំណាយដែលកើតមានឡើងក្នុងការដាក់ពាក្យសុំការបង្គាប់បញ្ជាចុះបញ្ជីកាន់កាប់កិច្ចសន្យាជួល និងការបំពេញការចុះបញ្ជីកិច្ចសន្យាជួល (មាត្រា 3-3 (8) នៃច្បាប់ស្តីពីការការពារកិច្ចសន្យាជួលផ្ទះ)។