Элсэх журам□ Мэдээлэл цуглуулах болон элсэх хүсэлт гаргах
- Суралцах зорилго, мэргэлжил зэргээ шийдсэн бол өөртөө хамгийн тохирох сургуулийг сонгож элсэх хүсэлтээ гаргана. Суралцах сургуулийнхаа тухай мэдээллийг сургууль тус бүрийн цахим хуудаснаас авч болох ба элсэх журам болон гадаадад суралцах журам, амьдарах орчин нөхцөлийн талаархи мэдээллийг Солонгост суралцах мэдээллийн системийн цахим хуудан(
www.studykorea.go.kr)-аас авч болно.
- Олж авсан мэдээллээ харилцуулан судалж суралцах сургуулиа сонгосны дараа тухай сургуулийн элсэгч бүртгэх хугацаанд нь бүртгүүлж шаардлагатай материалыг өгнө.
Элсэлтийн шалгалт
-Элсэхийг хүссэн өргөдөл хүлээн авсан сургууль нь боловсролын харилцааны хууль болон сургуулийн зүгээс тусгайлан тогтоосон дотоод журмын дагуу оюутанд элсэх зөвшөөрөл олгох эсэхийг шийднэ.
Виз авах, хилээр нэвтрэх, гадаадын иргэний бүртгэл
- Элсэх зөвшөөрөл авсан оюутан нь оршин суух эрхээс шалтгаалан виз авч БНСУ-ын хилээр нэвтрэн орж, тухайн сургуулиас тогтоосон элсэх бүртгэлийг хийнэ.
- Оршин суух хугацаа нь БНСУ-ын хилээр нэвтэрсэн өдрөөс хойш 90 хоногоос их байх тохиолдолд уг хилээр нэвтэрсэн өдрөөс 90 хоногийн дотор оршин суугаа газрын харьяа улсын хилээр орж гарах асуудал эрхэлсэн газар болон асуудал түр эрхлэг газарт очиж гадаадын иргэний бүртгэл хийлгэнэ(“Улсын хилээр орж гарахыг зохицуулах тухай хууль”-ийн 31 дүгээр зүйлийн 1).
Боловсролын байгууллага тутмын элсэлтийн шалгалт
Бага сургууль
- Бага насны гадаад хүүхэд юмуу сургуулийн насны насны хүүхдийн асран хамгаалагч нь оршин суугчийн харъяалагдах сургуулийн тойрогт байдаг бага сургуулийн захиралд элсэн орох эсвэл шилжин орох хүсэлт гаргах боломжтой(「бага · дунд сургуулийн боловсролын тухай хуулийг хэрэгжүүлэх захирамж」-ийн 19 дүгээр зүйлийн 1 дүгээр заалтын 4 дүгээр тоот).
- Дээрх өргөдлийг хүлээн авсан бага сургуулийн захирал нь “Цахим засаглалын тухай хууль”-ийн 36 дугаар зүйлийн 1-т заасны дагуу захиргааны мэдээллийн дундын хэрэглээгээр дамжуулан “Улсын хилээр орж гарахыг зохицуулах хууль”-ийн 88 дугаар зүйлд заасны дагуу улсын хилээр орж гарсан тухай тодорхойлолт юмуу гадаад иргэний бүртгэлд бүртгүүлсэн эсэхийг шалгах шаардлагатай. Зөвхөн, Бага насны гадаад хүүхэд болон сургуулийн насны хүүхдийн асран халамжлагч нь уг шалгалтыг зөвшөөрөөгүй тохиолдолд дараахийн аль нэгэнд хамаарах бичиг баримтыг хавсаргах шаардлагатай (“Бага дунд боловсролын тухай хуулийг хэрэгжүүлэх тогтоол”-ын 19 дүгээр зүйлийн 2)
· Улсын хилээр орж гарсан тухай тодорхойлолт болон гадаадын иргэний бүртгэлийн байдлыг тодорхойлсон бичиг баримт
· Түрээсийн гэрээ, оршин суугаа нь үнэн болох тухайн батлан даалтын бичиг зэрэг оршин суугаа тухай батлах бичиг баримтууд.
Дунд болон ахлах сургууль
- Гадаад сурагчийг тусгай заалтаар элсүүлэх нь гадаадад сурч байгаа сургуультай адил сургуулийн процесс · адил анги · адил хичээлийн улирал ба түүнээс доош байхаар элсүүлэх зарчим баримталдаг боловч, онцгой тохиолдолд гадаадын болон дотоодын сургуулийн тогтолцооны ялгааны улмаас 1 хичээлийн улирал(6 сар)-ын хүрээнд Солонгост тасралтгүй суралцсан үеийн ангиас өндөр байх юмуу багасгаж элсүүлэх · шилжүүлэн элсүүлэх болон давтуулан элсүүлэх боломжтой[「Дунд · ахлах сургуулийн тусгай заалтаар элсүүлэх ажиллагааны зааварчилгаа」(Боловсролын яамны мэдэгдэл 2022-37 тоот, 2022. 12. 26. тогтоол гаргаж · хэрэгжүүлсэн) Ⅳ.2].
- Дунд болон ахлах сургуульд элсэх орох болон шилжин орохыг тулд бүрдүүлэх материал нь доорхтой адил байна [“Дунд болон ахлах сургуульд тусгай эрхээр элсүүлэх ажлыг зохион байгуулах зааварчилгаа”Ⅳ. 8. болон хавсралт ].
1. Дунд(ахлах)сургуульд элсэн орохыг хүссэн өргөдөл
2. Өмнө суралцаж байсан гадаадын сургуулийн дүнгийн жагсаалт
3. Гадаад паспортын хуулбар аль эсвэл Солонгос улсын хилээр орж гарсан лавлагаа (Оюутан)
4. Солонгост оршин суух гадаад иргэний үнэмлэхний лавлагаа (Эцэг эх нь гадаад иргэн бол эцэг эхийн лавлагаа мөн хамт өгөх)
Их сургууль болон Магистрант, Докторант
- Их дээд сургуульд элсэн орохын тулд ахлах сургуулиа төгссөн юмуу хуулийн дагуу үүнтэй дүйцэх болон түүнээс дээш түвшиний болох нь хүлээн зөвшөөрөгдсөн этгээд байх шаардлагатай (“Дээд боловсролын тухай хууль”-ийн 33 дугаар зүйлийн 1).
- Баклавар болон магистерын нэгдсэн шатанд элсэхийн тулд ахлах сургуулиа төгссөн юмуу хуулийн дагуу үүнтэй дүйцэх болон түүнээс дээш түвшиний болох нь хүлээн зөвшөөрөгдсөн болон тухайн сургуульд сурч байгаа этгээдийн хувьд сургуулийн дотоод журамд заасан стандартад нийцсэн байх шаардлагатай (“Дээд боловсролын тухай хууль”-ийн 33дугаар зүйлийн 2).
- Магистерын шат, магистер болон докторын нэгдсэн шатанд элсэн орохын тулд бакалаврын зэрэгтэй байх юмуу хуулийн хуулийн дагуу үүнтэй дүйцэх болон түүнээс дээш түвшиний болох нь хүлээн зөвшөөрөгдсөн этгээд байх шаардлагатай (“Дээд боловсролын тухай хууль”-ийн 33 дугаар зүйлийн 3).
- Докторын шатанд элсэхийн тулд магистерын зэрэгтэй байх юмуу хуулийн дагуу үүнтэй дүйцэх болон түүнээс дээш түвшиний болох нь хүлээн зөвшөөрөгдсөн этгээд байх шаардлагатай (“Дээд боловсролын тухай хууль”-ийн 33 дугаар зүйлийн 4).
- Гадаад оюутаны элсэлт нь их дээд сургууль, магистрант докторантын шат тус бүрдээ тусдаа байна(“Дээд боловсролын тухай хууль”-ийн 32 дугаар зүйл, “Дээд боловсролын тухай хуулийг хэрэгжүүлэх тогтоол”-ын 29 дүгээр зүйлийн 2, 6, 7 болон 30 дугаар зүйлийн 7- 1). Их дээд сургууль, магистр докторын элсэлт, элсэлтийн журам, бүрдүүлэх бичиг баримт зэрэг нь сургууль тус бүр өөр өөр байдаг тул элсэх гэж байгаа сургуулийнхаа элсэлтийн танилцуулга зааварчилгааг сайн анхаарч үзэхийг хүсье.
|
СОЛОНГОС ХЭЛНИЙ ТҮВШИН ТОГТООХ ШАЛГАЛТ
|
|
Ихэнхи дээд сургуулийн гадаад оюутан элсүүлэх шаардлагуудын нэг нь СОЛОНГОС ХЭЛНИЙ ТҮВШИН ТОГТООХ ШАЛГАЛТ (TOPIK: Test of Proficiency in Korea) аль эсвэл АНГЛИ ХЭЛНИЙ ТҮВШИН ТОГТООХ ШАЛГАЛТ (TOEFL, TOEIC, TEPS г.м)-с тогтсон онооноос дээш оноо авсан байхыг шаарддаг. СОЛОНГОС ХЭЛНИЙ ТҮВШИН ТОГТООХ ШАЛГАЛТ(TOPIK) нь үндсэн хэл нь солонгос хэл биш гадаадын иргэн болон гадаад оршин суугаа солонгос иргэдийн солонгос хэлний хэрэглээний чадварыг тогтоох, дүгнэх шалгалт бөгөөд БНСУ-ын Засгийн газар (Боловсролын яам)-с удирдан явуулж шалгадаг. ※ СОЛОНГОС ХЭЛНИЙ ТҮВШИН ТОГТООХ ШАЛГАЛТ-г явуулах өдөр, дүгнэх шат болон тэнцүүлэх стандарт, шалгалтын асуулт, шалгалтыг зохион байгуулах улс орон зэргийн талаар тодорхой мэдээллийг СОЛОНГОС ХЭЛНИЙ ТҮВШИН ТОГТООХ ШАЛГАЛТ-н цахим хуудас(www.topik.or.kr)-с авах боломжтой.
|
|
Гадаад оюутанд олгох сургалтын тэтгэлгийн тогтолцоо
|
|
Гадаад оюутнуудад олгох сургалтын тэтгэлгийн тогтолцоо - БНСУ-ын Засгийн газрын урилгаар сурч байгаа Гадаад оюутан ·БНСУ-ын Засгийн газар нь зарим нэг гадаад орны Засгийн газартай соёл гэрээ зэргийг байгуулж оюутан сурагчидыг харилцан засгийн газрын тэтгэлэгт хамрагдүүлж байгаа. Засгийн газрын тэтгэлэгт оюутан сурагчид нь оюутан болон магистрант, докторант байх ба тэтгэлгийн хугацаа (их дээд сургууль 4 жил, магистер 2 жил, доктор 3 жил)-ны сургалтын төлбөр болон солонгос хэлний курсын төлбөрөөр зогсохгүй 2 талын онгоцны билет, амьдрах зардал, эрүүл мэндийн даатгал зэргийн дэмжлэг үзүүлнэ. · Сонгон шалгаруулах хүний тоо, сонгон шалгаруулах арга зэрэг нь улс орон тус бүр өөр байх магадлалтай тул илүү дэлгэрэнгүй мэдээллийг Олон улсын боловсролын төвийн цахим хуудас(www.niied.go.kr)-с авах боломжтой. - Сургууль тус бүр тэтгэлэг · Олон тооны сургуулиуд Гадаадын оюутнуудыг тэтгэлэгтэй суралцуулах системийг хэрэгжүүлж байгаа. Өөрийн сурч байгаа сургуулийн сургалтын тэтгэлгийн тогтолцоог сургуулийнхаа гадаад оюутан хариуцсан хэлтэс болон сургалтын тэтгэлгийн хэлтэс зэргээр дамжуулан мэдэж авах боломжтой. - Өөрийн улсын тэтгэлэг · Гадаад оюутны өөрийн улсаас хэрэгжүүлж буй Засгийн газраас гадаадад тэтгэлгээр суралцуулах оюутан юмуу өөрийн сурч байгаа сургуулиас хэрэгжүүлж буй тэтгэлэгт солилцооны оюутан болон төрөл бүрийн тэтгэлэгийн байгууллагаас явуулж буй тэтгэлэгийн тогтолцоог ашиглах арга юм.
|