MONGOLIAN

- Түрээсийн байрны тухай мэдээлэл нь сургуулийн зарлалын самбар, орон нутгийн зар сурталчилгааны сонин, үйл ажиллагаагаа эхлүүлсэн итгэмжлэгдсэн зуучлалын компани зэргээр дамжуулан авах боломжтой. Үйл ажиллагаагаа эхлүүлсэн итгэмжлэгдсэн зуучлалын компаниар дамжуулан байр олж авч байгаа тохиолдолд орон сууц түрээслэгчтэй холбогдсон хууль эрх зүйн байдлыг шалгах, бодитоор очиж үзэх зэрэг шат дараалалаар ажлыг гүйцэтгэж өгдөг болохоор амар боловч, түүнтэй холбогдсон зуучлалын хөлсийг нь төлөх шаардлагатай(“Олон нийтийн хөрөнгө зуучлалын тухай хууль”-ийн 32 дугаар зүйлийн 1 үндсэн зүйл).

- Сонирхож буй хэд хэдэн орон сууцаа сонгосон бол аюулгүй арилжааг хийхийн тулд тухайн орон сууцны бүртгэлийн байдлын тэмдэглэгээг үзэж танилцах эсвэл түүнийг нотлох бүртгэлийн байдлын лавлагаа тодорхойлолтыг гаргуулж аваад үл хөдлөх хөрөнгөтэй холбоотой тэмдэглэгээ болон эзэмшигчийн эрх, газрын эрх, орон нутгийн эрх, барьцаалах эрх, түрээслүүлэх эрх зэрэгтэй холбоотой байдлыг нь нягтлан шалгах нь зүйтэй(“ Үл хөдлөх хөрөнгийн бүртгэлийн тухай хууль”-ийн 3 дугаар зүйл болон19 дүгээр зүйл)

- Бүртгэлийн тэмдэглэгээг үзэж танилцах болон бүртгэлийн байдлын тодорхойлолтыг гаргуулж авах нь бүртгэлийн газар, дүүргийн тамгын газар болон дээд шүүхийн интернет бүртгэлийн газрын цахим хуудас(http://www.iros.go.kr)-аар дамжуулан хийх боломжтой[「Үл хөдлөх хөрөнгийн бүртгэлийн тухай хууль」-ийн 19 дүгээр зүйл, 「Үл хөдлөх хөрөнгийн бүртгэлийн журам」-ийн 26 дугаар зүйлээс 32 дугаар зүйл хүртэл, мөн 「Интернетээр дамжуулан бүртгэлийн хэсгийг үзэж танилцахтай холбогдсон үйл ажиллагааны заавар」-ын 1761 тоот, 2022. 12. 14. гаргасан шийдвэр, 2022. 12. 16. хэрэгжүүлсэн)].

- олон айлын орон сууц биш тохиолдолд үл хөдлөх хөрөнгийн бүртгэлээс гадна газрын бүртгэл, байшин барилгын бүртгэл зэргийг шалгаснаар түрээслэх гэж буй байрны тэмдэглэгдсэн агуулга үл хөдлөх хөрөнгийн бүртгэлийн хэсгийн агуулгатай тохирч байгаа эсэхийг нягталж, тэрхүү байрны зориулалтын газар бүс болон цаашид бүс нутгийг хөгжүүлэх төлөвлөгөөнд багтсан эсэх зэргийг шалгах нь зүйтэй.

-Газрын бүртгэл, барилга байгууламжийн бүртгэлийн тухай мэдээллийг тухайн хот·сум·дүүрэг болон ЗАСГИЙН ГАЗАР 24 вэб хуудас(http://www.gov.kr/)-наас авах боломжтой. (「Барилгын тухай хууль」-н 38 дугаар заалт, 「Барилга байгууламжийн тухай бүртгэл, хяналтын тухай журам」-н 11-1 болон 11-8 дугаар заалт).

- Үл хөдлөх хөрөнгийн бүртгэлийн хэсгийг шалгасны дараагаар өөрийн биеэр очиж тухайн байрыг үзэж амьдрах орчин, хадгалагдан хамгаалагдсан байдал, түрээсийн байдаг, гологдол доголдол байгаа эсэх, орчны нөхцөл зэргийг нь шалгасны дараагаар түрээслэх эсэхээ шийдвэрлэх нь зүйтэй.

- Байр түрээслэх гэрээг үл хөдлөх хөрөнгийн бүртгэлийн хэсэгт тэмдэглэгдсэн түрээслэж буй байрны эзэмшигчтэй байгуулах ёстой бөгөөд дараа нь ямарваа нэгэн маргаан үүсэх магадлалыг багасгах боломжтой юм.

- Тиймээс байрны түрээсийн гэрээг байгуулахын өмнө гэрээнд оролцогч эсрэг тал нь үл хөдлөх хөрөнгийн бүртгэлийн хэсэг дээр тэмдэглэгдсэн байгаа өөрөө мөн эсэхийг биеийн байцаалттай тулгаж шалгаад, түүний бие төлөөлөгч байх тохиолдолд биеийн байцаалтаас гадна итгэмжлэл эзэмшигчийн хувийн баталгаажсан тамгыг шалгаж үзэх шаардлагатай.

- Байр түрээслэх гэрээг түрээслүүлэгч(байраа зээлдүүлж байгаа хүн) болон түрээслэгч(энэ тохиолдолд гадаад оюутан) хамтдаа үйлдэнэ. Түрээсийн гэрээг байгуулахдаа арилжаанд оролцогчийн биеийн байдал, түрээсийн эд зүйл, түрээсийн үнийн дүн, түрээсийн төлбөр төлөх огноо, түрээслэх хугацаа болон бусад нөхцөл зэргүүдийг тодорхой тусгасан байх шаардлагатай(“Нээлттэй зуучын эрхлэх үйл ажиллагаа болон үл хөдлөх хөрөнгийн арилжааг мэдэгдэх тухай хууль”-ийн 26 дугаар зүйлийн 1 болон “Нээлттэй зуучын эрхлэх үйл ажиллагаа болон үл хөдлөх хөрөнгийн арилжааны мэдэгдэх тухай хуулийг хэрэгжүүлэх тогтоол” –ын 22 дугаар зүйлийн 1).

- Түрээсийн гэрээг байгуулахад ерөнхийдөө түрээсийн барьцаа төлбөрийн 10%- тай тэнцэх төлбөрийг гэрээний урьдчилгаа төлбөр болгож төлдөг жишээтэй. Энэхүү гэрээний урьдчилгаа төлбөр нь гэрээг гүйцэтгэл болгохын өмнө түрээсийн гэрээ цуцлагдах тохиолдолд эсрэг талын хохиролын нөхөн төлбөрийг тооцоолох үндэслэл болдог(“Иргэний хууль”-ийн 398 дугаар зүйлийн 4 блон 565 дугаар зүйлийн 1).

- Үлдэгдэл төлбөр нь ерөнхийдөө нүүж орох өдрөө төлнө. Үлдэгдэл төлбөрөө төлөхөөс өмнө үл хөдлөх хөрөнгийн бүртгэлийн хэсгийг дахин нэг нягталж үзээд түрээсийн гэрээг байгуулснаас хойш үл хөдлөх хөрөнгийн эзэмших эрх зэрэгт өөрчлөлт орсон эсэхийг нягтлан шалгах нь зүйтэй.

- Түрээслэх байраа хүлээж аваад шилжиж орсон тухайгаа мэдэгдсэн бол тусгайлан бүртгүүлэхгүй байсан ч болох бөгөөд түүний дараагийн өдрөөс эхлээд 3 дагч этгээдийн зөрчилдөх эрх үүснэ(“Байрны түрээсийг зохицуулж хамгаалах тухай хууль”-ийн 3 дугаар зүйлийн 1). Өөрөөр хэлбэл, “Байрны түрээсийг зохицуулж хамгаалах тухай хууль”-ийн дагуу хамааралтай этгээд нь болж дуудлага худалдаа зэрэг асуудал үүссэн тохиолдолд хуулийн дагуу хамгаалалт авах боломжтой болно.

- 「Орон сууц түрээслэгч, түрээслүүлэгчийн эрхийг хамгаалах тухай хууль」-д орон сууц худалдан авсан хүний эрхээ хамгаалуулах этгээд заавал БНСУ-ын иргэний харъяалалтай байна гэж заасан тул 「Орон сууц түрээслэгч, түрээслүүлэгчийн эрхийг хамгаалах тухай хууль」-н хүрээнд эрхээ хамгаалуулах субьектад гадаад иргэн хамрагдахгүй(「Орон сууц түрээслэгч, түрээслүүлэгчийн эрхийг хамгаалах тухай хууль」-н 1 дүгээр зүйл). Харин байр түрээслэсэн гадаадын иргэн шилжиж орсон тухайгаа мэдэгдэхтэй дүйцэхүйцээр оршин суугаа хаягын өөрчлөлтөө мэдэгдсэн бол “Байрны түрээсийг зохицуулж хамгаалах тухай хууль”-ийн хамгаалалтанд багтана(「Орон сууц түрээслэгч, түрээслүүлэгчийн эрхийг хамгаалах тухай хууль」-н 88 дугаар зүйлийн 2 дугаар заалтын 2, Сөүл хотын иргэний хэргийн шүүхийн 1993 оны 12 сарын 16-ны өдрийн 93ГА-ХАБ73367 тоот шийдвэрийн 11-р тогтоол: Эцэслэн шийдвэрлэгдсэн).

- Тиймээс гадаадын иргэн түрээсийн байранд нүүж орсон өдрөөс хойш 15 хоногийн дотор Хот/Муж/Дүүргийн засаг дарга (үүнд бие даасан бус Дүүрэг орно)шинэ оршин суугаа хаягийн харьяалалыг хамаарах Хот/Сум/Дүүргийн засаг дарга түүнчлэн шинэ түр оршин суугаа газрын харьяаллын газрын дарга буюу салбар оффист заавал оршин суугаа хаягийн өөрчлөлтийг мэдэгдэх шаардлагатай (“Улсын Хилээр Орж, Гарахыг Зохицуулах тухай Хууль”-ийн 36 дугаар зүйлийн 1 дүгээр заалт).

- Баталгаажуулсан өдрийн тодорхойлолт гэдэг нь энэхүү тодорхойлолт үйлдэгдсэн өдөр байрны түрээсийн гэрээ бодитоор байсан гэдгийг нотлохын тулд хууль зүйн хувьд хүлээн зөвшөөрөгдөж байгааг хэлнэ. Түрээсийн гэрээнд баталгаажуулсан өдрийн тодорхойлолтыг авч, дээрх эсэргүүцэх нөхцөл[байр хүлээж авах + шилжиж орсон мэдэгдэл(оршин суугаа хаягын өөрчлөлтийг мэдэгдэх)]-өө бүрдүүлвэл түрүүлж чөлөөлүүлэх эрхийг олж авна(“Байрны түрээсийг зохицуулах хамгаалах тухай хууль”-ийн 3 дугаар зүйлийн2-2).

- Баталгаажуулсан өдрийн тодорхойлолтыг ① орон нутгийн шүүх(салбар шүүхийг хамруулна), бүртгэлийн газар болон наториатын газар(наториатч, наториатын хуулийн товчоо, нэгдсэн хууль эрх зүйн товчоог хэлнэ)-аас авах боломжтой бөгөөд, ② баг, тосгон, хорооны даргад шилжиж ирсэн тухай мэдэгдэлээ хийнгээ тухайн үедээ ч гаргуулж авах боломжтой[“Наториатын тухай хууль”-ийн 77 дугаар зүйлийн 2-2, “Иргэний бүртгэлийн тухай хуулийг хэрэгжүүлэх тогтоол”-ын хавсралтын 15 дугаар маягтын анхаарах зүйлсийн хэсэг, “Албан бичгийн өдрийг баталгаажуулах үйл ажиллагааг явуулах тухай жишиг зааварчилгаа” 2 дугаар зүйл].