Гадаадын иргэний бүртгэл
Гадаадын иргэний бүртгэл
- - Гадаад ажилчин нь Солонгост ирсэн өдрөөс хойш 90 хоногийн дотор оршин сууж байгаа газрыг Гадаадын иргэн, харьяатын асуудал эрхэлсэн албаны дарга(цаашид “албаны дарга” гэнэ), Гадаадын иргэн, харьяатын асуудал эрхэлсэн хэлтсийн дарга(цаашид “хэлтсийн дарга” гэнэ), Гадаадын иргэн, харьяатын асуудал эрхэлсэн алба болон Гадаадын иргэн, харьяатын асуудал эрхэлсэн хэлтсийн салбарын даргад (цаашид “салбарын дарга” гэнэ) бүртгүүлэх ёстой бөгөөд, зөрчсөн тохиолдолд 1 жил хүртэл хугацаагаар шоронд хорих ял юм уу 10,000,000 хүртэл воноор торгох шийтгэл ноогдуулдаг.(「Гадаадын иргэн, харьяатын тухай хууль」-ийн 31-р зүйлийн 1- р заалт болон 95- р зүйлийн 7).
Гадаадын иргэний бүртгэлийн мэдээллийг өөрчлөх
- Гадаадын иргэний бүртгэлд бүртгүүлсний дараа дор дурдсан мэдээллүүдээс аль нэг нь өөрчлөгдсөн тохиолдолд 15 хоногийн дотор оршин сууж байгаа газрыг харьяалах албаны дарга, хэлтсийн дарга, салбарын даргад мэдэгдэх ёстой(「Гадаадын иргэн, харьяатын тухай хууль」 35-р зүйл, 「Гадаадын иргэн, харьяатын тухай хуулийг хэрэгжүүлэх захирамж」-ийн 44-р зүйлийн 1- р заалт болон 「Гадаадын иргэн, харьяатын тухай хуулийг хэрэгжүүлэх журам」-ын 49-р зүйлийн 2).
1. Овог нэр, хүйс, төрсөн огноо болон иргэншил
2. Гадаад паспортын дугаар, олгосон өдөр болон хүчинтэй хугацаа
3. Айлчлангаа ажиллагч(H-2) эрхтэй гадаадын ажилчин хувь хүн, байгууллага, аж ахуйн нэгжид анх удаа ажиллаж байгаа бол ажиллаж эхэлсэн гэдгээ
4. Айлчлангаа ажиллагч(H-2)эрхтэй гадаадын ажилчин хувь хүн, байгууллага, аж ахуйн нэгжид ажиллаж байсан хүн тухайн ажиллаж байсан хувь хүн, байгууллага, аж ахуйн нэгжээ өөрчилвөл(байгууллагын нэршил солигдоход бас хамаатай)
※ Дээрх журмыг зөрчвөл 1,000,000 хүртэл воноор торгоно(「Гадаадын иргэн, харьяатын тухай хууль」 100-р зүйл 2-р заалт 1).
Биометрик мэдээлэл өгөх тухай
- Гадаадын иргэний бүртгэлд бүртгүүлэх ёстой хүмүүс болон хаягийн бүртгэл хийлгэх гэж байгаа 17-оос дээш насны хүн, гадаадын иргэний бүртгэл буюу хаягийн бүртгэлд бүртгүүлэхдээ, Гадаадын иргэн, харьятын асуудал эрхлэх газрын ажилтны заасан мэдээлэл хадгалах төхөөрөмжинд хоёр гарынхаа бүх хурууны хээг уншуулах буюу нүүрээ таниулна. Харин 17 нас хүрэхээсээ өмнө гадаадын иргэний бүртгэлд бүртгүүлсэн юм уу хаягийн бүртгэл хийлгэсэн бол 17 нас хүрсэн өдрөөс хойш 90 хоногийн дотор хурууны хээ болон нүүр таних мэдээллээ өгнө(「Гадаадын иргэн, харьяатын тухай хууль」 38-р зүйлийн 1-р заалтын 1, 「Гадаадын иргэн, харьяатын тухай хуулийг хэрэгжүүлэх журам」 50-р зүйлийн 1).
- Биометрик мэдээллээ өгөхөөс татгалзсан гадаадын иргэнд албаны дарга, хэлтсийн дарга, салбарын дарга оршин суух хугацааг сунгах зөвшөөрөл зэрэг бусад 「Гадаадын иргэн, харьяатын тухай хууль」-д заасан зөвшөөрлүүдийг олгохгүй байж болно(「Гадаадын иргэн, харьяатын тухай хууль」-ийн 38-р зүйлийн 2- р заалт).
Оршин суух хугацааг сунгах зөвшөөрөл
- Гадаад ажилчин заасан хугацаанаасаа илүү хугацаагаар оршин суух гэж байгаа бол тухайн хугацаа дуусахаас өмнө оршин суух хугацааг сунгах зөвшөөрөл хүссэн өргөдөл гаргана(「Гадаадын иргэн, харьяатын тухай хууль」 25-р зүйл болон 「Гадаадын иргэн, харьяатын тухай хуулийг хэрэгжүүлэх зарлиг」 31-р зүйл).
- Оршин суух хугацааг сунгах зөвшөөрөл авах гэж байгаа хүн зөвшөөрөл хүссэн өргөдөлтэйгээ хамт тухайн оршин суух эрхэд хамаарах бичиг баримтыг(「Гадаадын иргэн, харьяатын тухай хуулийг хэрэгжүүлэх журам」-ын хавсралт 5-ын 2) хавсарган харьяалах албаны дарга, хэлтсийн дарга, салбарын даргад өгөх ёстой(「Гадаадын иргэн, харьяатын тухай хуулийг хэрэгжүүлэх захирамж」-ийн 31-р зүйлийн 1- р заалт).
※ Энэ журмыг зөрчсөн тохиолдолд 3 жил хүртэл хугацаагаар шоронд хорих ял юм уу 30,000,000 хүртэл воноор торгох шийтгэл ноогдуулдаг(「Гадаадын иргэн, харьяатын тухай хууль」 94-р зүйл заалт 17).
Ажлын газраа өөрчлөх·нэмэх зөвшөөрөл авах болон мэдэгдэх
Ажлын газраа өөрчлөх·нэмэх зөвшөөрөл авах
- БНСУ-д оршин сууж байгаа гадаад ажилчин оршин суух эрхийнхээ хүрээнд ажлын байраа өөрчлөх юм уу нэмэх тохиолдолд Хууль зүйн яамнаас Гадаадын иргэн харъяатын тухай хуулийг хэрэгжүүлэх тогтоол」-н 26-д заасны дагуу урьдчилан зөвшөөрөл авна(「Гадаадын иргэн, харьяатын тухай хууль」 21-р зүйлийн 1-р заалт Эх баримт бичиг).
- Ажлын газраа өөрчлөх·нэмэх зөвшөөрөл авах өргөдөлдөө оршин суух эрхэд хамаарах бичиг баримтыг хавсарган харьяалах албаны дарга, хэлтсийн дарга, салбарын даргад өгөх хэрэгтэй(「Гадаадын иргэн, харьяатын тухай хуулийг хэрэгжүүлэх захирамж」-ийн 26-р зүйлийн 1- р заалт болон 「Гадаадын иргэн, харьяатын тухай хуулийг хэрэгжүүлэх журам」-ын хавсралт 5-ын 2).
Ажлын газраа өөрчилсөн·нэмсэн тухай мэдэгдэх
- Нарийн мэргэжлийн ур чадвар, мэдлэгтэй, дор дурдсан шаардлагыг хангасан хүмүүс ажлын газраа өөрчилсөн юм уу нэмсэн бол тухайн өдрөөс хойш 15 хоногийн дотор 「Гадаадын иргэн харъяатын тухай хуулийг хэрэгжүүлэх захирамж」-н 26-р зүйлийн 2-т заасны дагуу Хууль зүйн яаманд мэдэгдэнэ[「Гадаадын иргэн, харьяатын тухай хууль」-ийн 21-р зүйлийн 1- р заалтын нөхцөл, 「Гадаадын иргэн, харьяатын тухай хуулийг хэрэгжүүлэх захирамж」-ийн 26-р зүйлийн 21-р заалт болон 「Гадаадын иргэн, харьяатын тухай хуулийг хэрэгжүүлэх захирамжийн 26-р зүйлийн 21-р заалтын дагуу ажлын газраа өөрчилсөн буюу нэмсний дараа мэдэгдэх боломжтой гадаадын иргэдэд тавигдах шаардлага」].
1. Тавигдах шаардлага
√ Профессор(E-1), Ярианы багш(E-2), Судлаач(E-3), Технологийн зааварлагч(E-4), Мэргэжилтэн(E-5), Урлаг соёлын ажилтан(E-6), Тусгай үйл ажиллагаанд оролцогч(E-7) эрхтэй, гадаадын иргэний бүртгэлд бүртгүүлж оршин сууж байгаа иргэн
√ Өөрчилсөн·нэмсэн ажлын газартаа шаардлагатай чадвар мэдлэгийг эзэмшсэн байх
2. Хамаарахгүй хүмүүс
√ Урлаг соёлын ажилтан(E-6) эрхтэй хүмүүс дундаас зочид буудал, цэнгээний газар тоглолт хийдэг хүн(E-6-2)
√Тусгай үйл ажиллагаанд оролцогч(E-7) эрхтэй хүмүүсээс ажил олгогч байгууллага тус бүрээр зөвшөөрөгдсөн ажилчны тоогхязгаарлагдмал буюу урьдчилсан менежмент шаардлагатай дараах ажлын байрандажилладаг хүн : тоног төхөөрөмж технологийн мэргэжилтэн(2351),эсгүүрчин(2395),гадаад дах худалдааны ажилтан(2742) дундаас гадаад руу онлайн бүтээгдэхүүн борлуулалтын ажилтан, дизайнер(285),худалдагч(31215), ахлах тогооч болон туслах тогооч(441), үйлчлүүлэгчийн зөвлөх ажилтан(3991), зочид буудлын бүртгэлийн ажилтан(3922), эрүүлмэндийн чиглүүлэгч ажилтан(S3922), үржүүлгийн газрын технологич(6301), усан онгоцны гагнуурчин(7430), өндөр урчадварын системийн технологич〔ургамалын үндэс судлалын аж үйлдвэрлэлийн өндөр ур чадвар технологийнмэргэжилтэн(S740), газар тариалан мал аж ахуйн техноогийн мэргэжилтэн(S610),энгийн үйлдвэрийн болон барилгын салбарын өндөр ур чадвар бүхиймэргэжилтэн(S700)〕
√ Шаардлага хангасан боловч өөрийн буруутай шалтгаанаар ажлаас халагдсан, ажлаас гарснаас болж өмнөх ажил олгогчоосоо зөвшөөрөл авч чадаагүй байгаа хүн
- Ажлын газраа өөрчилсөн, нэмсэн тухайгаа мэдэгдэх гэж байгаа хүн өргөдөлдөө оршин суух эрхэд хамаарах бичиг баримтыг хавсарган харьяалах албаны дарга, хэлтсийн дарга, салбарын даргад өгөх хэрэгтэй(「Гадаадын иргэн, харьяатын тухай хуулийг хэрэгжүүлэх захирамж」-ийн 26-р зүйлийн 22- р заалт болон 「Гадаадын иргэн, харьяатын тухай хуулийг хэрэгжүүлэх журам」-ын хавсралт 5-н 2).
Оршин суугаа хаяг өөрчлөгдсөн тухай мэдэгдэх
- Гадаад иргэний бүртгэлд бүртгүүлсэн гадаад ажилчны оршин суугаа газар өөрчлөгдсөн тохиолдолд шинэ хаяг рүү нүүж ирснээс хойш 15 хоногийндотор тухайн оршин суугаа газрыг харъяалах хотын захирагч · сумын засаг дарга · дүүргийн засаг дарга(бие даасан дүүрэг бус энгийн дүүргийг хэлнэ) түүнчлэн тосгон · баг · хорооны засаг дарга юмуу шинээр оршин суух газрыг харъяалах албаныдарга· газрын дарга түүнчлэн төлөөлөгчийн газрын даргад мэдэгдэнэ(「Гадаадын иргэн харъяатын тухай хууль」-н 36.1-р зүйл, 「Гадаадын иргэн харъяатын тухай хуулийг хэрэгжүүлэх тогтоол」-н 45-р зүйлийн 1-р заалт).
Гадаад паспорт болон гадаадын иргэний үнэмлэхээ биедээ авч явах
- БНСУ-д оршин сууж буй гадаад ажилчин нь үргэлж өөрийн биедээ гадаад паспорт болон гадаадын иргэний үнэмлэхээ авч явж байх ёстой бөгөөд Гадаадын иргэн, харьяатын асуудал эрхлэх албаны ажилтан юм уу эрх бүхий ажилтан биеийн байцаалтаа үзүүлэхийг шаардах юм бол шаардлагыг биелүүлэх хэрэгтэй(「Гадаадын иргэн, харьяатын тухай хууль」 27-р зүйл).