MONGOLIAN

Гадаад ажилчны ажил эрхлэлт

Айлчлангаа ажиллагч(H-2) эрхтэй гадаад ажилчны ажил эрхлэх хүрээ болон ажлын төрөл

Айлчлангаа ажиллагч(H-2) эрхтэй гадаад ажилчны ажилд орох журам

Одоо ажиллаж байгаа Айлчлангаа ажиллагч(H-2) эрхтэй гадаад ажилчин ажлын байраа өөрчлөх тохиолдолд мөрдөх журам

Айлчлангаа ажиллагч(H-2) эрхтэй гадаад ажилчны ажил эрхлэх хүрээ болон ажлын төрөл

Хөдөлмөрийн яам жил бүр гадаад ажилчин ажиллуулах ажлын хүрээ, ажлын төрлийг тусгасан「Гадаад ажилчин ажиллуулах төлөвлөгөө」-г албан ёсны мэдээ болон өдөр тутмын сонин, интернэтээр зарладаг(「Гадаад ажилчны ажил эрхлэлтийн тухай хууль」 5-р зүйлийн 1-р заалт болон 「Гадаад ажилчны ажил эрхлэлтийн тухай хуулийг хэрэгжүүлэх зарлиг」 3-р зүйл).

Айлчлангаа ажиллагч(H-2) эрхтэй гадаад ажилчны ажилд орох журам

Гадаадын иргэн ажилд ороход бэлтгэх сургалтанд сурч төгсөх

- Айлчлангаа ажиллагч(H-2) эрх авч Солонгос улсад ирсэн гадаад ажилчин нь Солонгост ирснийхээ дараа 15 хоногийн дотор Солонгосын хүний нөөцийн хөгжлийн агентлаг болон Олон улсын хөдөлмөрийн хамтын ажиллагааны хүрээлэнгээс зохион байгуулдаг Гадаадын иргэнийг ажилд ороход бэлтгэх сургалтанд хамрагдах ёстой(「Гадаад ажилчны ажил эрхлэлтийн тухай хууль」 12-р зүйлийн 2-р заалт болон 「Гадаад ажилчны ажил эрхлэлтийн тухай хуулийг хэрэгжүүлэх журам」 10-р зүйл).

Эрүүл мэндийн үзлэг оношлогоо

- Ажил олгогч нь ажилчныг эрүүл мэндийн даатгалд даатгуулахын тулд эрүүл мэндийн ерөнхий болон тусгай үзлэг шинжилгээнд хамруулах(「Хөдөлмөрийн аюулгүй байдал, эрүүл ахуйн тухай хууль」-н 129 болон 130-р зүйл) тухай заалтын дагуу гадаад ажилчныг эрүүл мэндийн үзлэгт хамруулна.

※ Эрүүл мэндийн үзлэг, оношлогоонд тэнцээгүй хүнийг дараагийн удаад нарийн шинжилгээнд хамруулна. Дараагийн шинжилгээний хариу гартал Гадаадын иргэн, харьяатын асуудал эрхлэх албатай хэлэлцэн тусгаарласны дараа ямар нэг асуудал байхгүй бол ажлын байранд нь хуваарилан ажиллуулна. Хэрэв эрүүл мэндийн хувьд тэнцэхгүй бол эх оронд нь буцаана.

Ажил хайгчаар бүртгүүлэх

- Ажилд ороход бэлтгэх сургалтанд сурч төгссөн гадаад ажилчин нь дараах бичиг баримтыг хавсарган харьяалах Хөдөлмөрийн биржийн даргад өгөх ёстой(「Гадаад ажилчны ажил эрхлэлтийн тухай хууль」 12-р зүйлийн 2-р заалт, 「Гадаад ажилчны ажил эрхлэлтийн тухай хуулийг хэрэгжүүлэх журам」 12-р зүйл болон хавсралтын 9 дэх маягт).

1. Гадаад паспортын хуулбар

2. Айлчлангаа ажиллагч(H-2) эрхийн визийн хуулбар

- Ажилхайгчаар бүртгүүлсэн гадаад ажилчидыг Солонгосын хүний нөөцийн хөгжлийнагентлаг бүртгэж, хариуцна(「Гадаад ажилчны ажил эрхлэлтийн тухай хууль」12-р зүйлийн 2-р заалт болон 「Гадаад ажилчны ажил эрхлэлтийн тухай хуулийгхэрэгжүүлэх зарлиг」 31-рзүйлийн 2-р заалтын 5).

Хөдөлмөрийн гэрээ байгуулах

- Стандарт гэрээ байгуулах

· Ажил хайгч гадаадын иргэдийн бүртгэлд бүртгүүлсэн гадаад ажилчдаас БНСУ-ын ажил олгогчийн сонгосон хүн тухайн ажил олгогчтой хөдөлмөрийн гэрээ байгуулна. Ингэхдээ Хөдөлмөрийн стандарт гэрээг ашиглан байгуулна(「Гадаад ажилчны ажил эрхлэлтийн тухай хууль」 9-р зүйлийн 1-р заалт).

· Хөдөлмөрийн гэрээ байгуулсан гадаад ажилчин гэрээний нэг хувийг өөртөө авна(「Гадаад ажилчны ажил эрхлэлтийн тухай хуулийг хэрэгжүүлэх зарлиг」 16-р зүйл).

- Хөдөлмөрийн гэрээний хугацаа

· Гадаад ажилчин болон ажил олгогч нь 3 жил дотроохарилцан тохиролцсоны үндсэн дээр хөдөлмөрийн гэрээ байгуулах буюу сунгажболно(「Гадаадажилчны ажил эрхлэлтийн тухай хууль」 9-р зүйлийн 3-р заалт болон 18-р зүйл).

· Харин ажиллах 3 жилийн хугацаа нь дуусаж Солонгос улсаас явахын өмнө ажил олгогч нь Хөдөлмөрийн яамны сайдаас тус ажилчинг дахин ажиллуулах зөвшөөрөл хүссэн бол тэрхүү гадаад ажилчин зөвхөн нэг удаа 2 хүртэл жилээр ажиллах хугацаагаа сунгуулж, тухайн хугацаагаар хөдөлмөрийн гэрээ байгуулж болно(「Гадаад ажилчны ажил эрхлэлтийн тухай хууль」 18-р зүйлийн 2).

√ Ажиллах хугацааг нь сунгуулах хүсэлтийг хүлээн авсан харьяалах Хөдөлмөрийн аюулгүй байдлыг хангах байгууллагын дарга хугацаа сунгах хүсэлт бүхий бичиг баримтыг шалгаж үзээд зохих шаардлагыг хангаж байвал хүсэлтийг хүлээн авсан өдрөөс хойш 7 хоногийн дотор ажиллах хугацаа нь дуусч байгаа ажилчны ажиллах хугацааг сунгасан тодорхойлолтыг олгоно(「Гадаад ажилчны ажил эрхлэлтийн тухай хуулийг хэрэгжүүлэх журам」 14-р зүйлийн 22-р заалт болон хавсралтын 12-н 4 дэх маят).

Ажиллаж эхэлсэн тухайгаа мэдэгдэх

- Гадаадын иргэний бүртгэлд бүртгүүлсэн гадаадажилчин анх удаа ажиллаж байгаа бол ажил эрхэлж эхэлснээ(Гадаадын иргэнийбүртгэл өөрчлөлтийн мэдээлэл) 15 хоногийн дотор харьяа Гадаадыниргэн, харьяатын албаны дарга(цаашид “албаны дарга” гэнэ), Гадаадын иргэн, харьяатын асуудалэрхэлсэн хэлтсийн дарга(цаашид “хэлтсийн дарга” гэнэ), Гадаадын иргэн, харьяатын албаны салбарын дарга, Гадаадыниргэн, харьяатын асуудал эрхэлсэн хэлтсийн салбарын дарга(цаашид “салбарын дарга” гэнэ)-д мэдэгдэнэ(「Гадаадыниргэн, харьяатын тухай хууль」-ийн 35-р зүйл, 「Гадаадын иргэн, харьяатын тухай хуулийг хэрэгжүүлэх тогтоол」-н 44-р зүйлийн 1-р заалт, 「Гадаадын иргэн, харьяатын тухай хуулийг хэрэгжүүлэх журам」н 49-рзүйлийн 2-ын 4).

Оршин суух хугацааг сунгах хүсэлт гаргах

- Хөдөлмөрийн гэрээг сунгах зэрэг шалтгаанаар заасан хугацаанаасаа илүү хугацаагаар оршин суух гэж байгаа бол тухайн хугацаа дуусахаас өмнө харьяалах албаны дарга, хэлтсийн дарга, салбарын даргад оршин суух хугацаагаа сунгах хүсэлт гаргах ёстой(「Гадаадын иргэн, харьяатын тухай хууль」-ийн 25-р зүйлийн 1, 「Гадаадын иргэн харъяатын тухай хуулийг хэрэгжүүлэх тогтоол」-н 31-р зүйлийн 1).