MONGOLIAN

- Ажил олгогч нь ажил хайгч гадаадын иргэдийн бүртгэлд бүртгүүлсэн гадаад ажилчдаас тохирсон ажилчныг сонгон ажиллуулдаг. Мэргэжлийн бус ажил эрхлэгч(E-9) эрхтэй гадаад ажилчин БНСУ-д ажиллах гэж байгаа бол заавал ажил хайгч гадаадын иргэдийн бүртгэлд бүртгүүлсэн байх ёстой(「Гадаад ажилчны ажил эрхлэлтийн тухай хууль」 8-р зүйлийн 3-р заалт).

- Гадаад ажилтан нь ажил олгогчийн хүсэлт болон Хөдөлмөрийн биржийн даргын санал болгосон тодорхойлолтыг бүрдүүлсний дараа ажилд орох боломжтой.

- Ажил олгогч нь санал болгосон гадаад ажилчдаас тохиромжтой хүнийг сонгон авсан тохиолдолд тэр даруй ажиллуулах зөвшөөрөл олгогдоно.

- Стандарт гэрээ байгуулах

- Хөдөлмөрийн гэрээний хугацаа

- Хөдөлмөрийн гэрээ байгуулсан гадаад ажилчин нь ажил олгогчоосоо Виз олгохыг зөвшөөрсөн бичгийг хүлээн авч БНСУ-ын элчин сайдын яам болон Консулын газарт Мэргэжлийн бус ажил эрхлэгч(E-9) эрхтэй визийг мэдүүлнэ(「Гадаад ажилчны ажил эрхлэлтийн тухай хууль」 10조, 「Гадаадын иргэн, харьяатын тухай хууль」 8-р зүйл болон 「Гадаадын иргэн, харьяатын тухай хуулийг хэрэгжүүлэх журам」 9-р зүйл).

- Гадаад ажилчин нь хүчин төгөлдөр гадаад паспорт болонвизтэйгээр хилээр нэвтэрнэ. Харин БНСУ-ын Хууль зүйн яамны сайдаас дахиннэвтрэх зөвшөөрөл авсан юм уу дахин нэвтрэх зөвшөөрөл шаардагдахгүй,хөнгөлөгдсөн хүн тухайн зөвшөөрлийн хугацаа дуусахаас өмнө визгүйгээр нэвтэрчболно(「Гадаадыниргэн, харьяатын тухай хууль」 7-р зүйлийн 1-р заалт,7-р зүйлийн 2-н 1-р заалт).

- Гадаад ажилчин нь Солонгост ирснийхээ дараа 15 хоногийн дотор Солонгосын хүний нөөцийн хөгжлийн агентлаг болон Олон улсын хөдөлмөрийн хамтын ажиллагааны хүрээлэнгээс зохион байгуулдаг Гадаадын иргэнийг ажилд ороход бэлтгэх сургалтанд хамрагдах ёстой(「Гадаад ажилчны ажил эрхлэлтийн тухай хууль」 11-р зүйлийн 1-р заалт болон 「Гадаад ажилчны ажил эрхлэлтийн тухай хуулийг хэрэгжүүлэх журам」 10-р зүйл).

- Ажил олгогч нь ажилчныг эрүүл мэндийн даатгалд даатгуулахын өмнө холбогдох хууль тогтоомж(「Хөдөлмөрийн аюулгүй байдал, эрүүл ахуйн тухай хууль」-н 129 болон 130-р зүйл)-н дагуу эрүүл мэндийн ерөнхий, тусгай үзлэгт заавал хамруулна.

- Гадаад ажилчин нь Солонгост ирснээс хойш 90 хоногийн дотор оршин суух газрыг харьяалдаг Гадаадын иргэн, харьяатын асуудал эрхэлсэн албаны дарга(цаашид “албаны дарга” гэнэ), Гадаадын иргэн, харьяатын асуудал эрхэлсэн хэлтсийн дарга(цаашид “хэлтсийн дарга” гэнэ), Гадаадын иргэн, харьяатын асуудал эрхэлсэн алба болон Гадаадын иргэн, харьяатын асуудал эрхэлсэн хэлтсийн салбарын даргад гадаадын иргэнээр бүртгүүлэх ёстой(「Гадаадын иргэн, харьяатын тухай хууль」-ийн 31-р зүйлийн 1- р заалт).

- Хөдөлмөрийн гэрээг сунгах тохиолдолд, тухайлбал 1 жилийн оршин суух хугацааг сунгах гэж байгаа бол уг хугацааг дуусахаас өмнө оршин суугаа газрыг харьяалдаг албаны дарга, хэлтсийн дарга, салбарын даргад оршин суух хугацаагаа сунгах хүсэлт гаргана「Гадаадын иргэн, харьяатын тухай хууль」-ийн 25-р зүйл),, (「Гадаадын иргэн харъяатын тухай хуулийг хэрэгжүүлэх тогтоол」-н 31-р зүйлийн 1).

- Гадаад ажилчин нь дор дурдсан нөхцөл байдал үүсч,тухайн аж ахуйн нэгж болон ажлын байрандаа хэвийн хөдөлмөрийн харьцаагааүргэлжлүүлэхэд бэрхшээлтэй болсон тохиолдолд хөдөлмөрийн гэрээ дууссанаас 1сарын дотор Хөдөлмөрийн биржид очин аж ахуйн нэгж болон ажлын байраа өөрчлөххүсэлт гаргана[「Гадаадажилчны ажил эрхлэлтийн тухай хууль」 25-р зүйлийн 1-р заалт·3заалт, 「Гадаадажилчны ажил эрхлэлтийн тухай хуулийг хэрэгжүүлэх зарлиг」 30зүйлийн 1-р заалт болон 「Гадаад ажилчнаас хамааралгүй ажлын байр өөрчлөх шалтгаан」(Хөдөлмөрийняамны мэдэгдэл 2021-30)].

- Гадаад ажилчин нь дээрх шалтгаанаар шинэ ажлын байранд ажиллах болсон тохиолдолд Хөдөлмөрийн биржид ажлын байраа өөрчлөх хүсэлт гаргахаас гадна ажиллаж эхлэхээсээ өмнө 「Гадаадын иргэн харъяатын тухай хуулийг хэрэгжүүлэх тогтоол」-н 26-д заасны дагуу Хууль зүйн яамнаас урьдчилан зөвшөөрөл авна(「Гадаадын иргэн харъяатын тухай хууль」-н 21-р зүйлийн 1-р заалт).

- Аж ахуйн нэгж болон ажлын байр өөрчлөх хүсэлт гаргасан өдрөөс хойш 3 сарын дотор ажлын газраа өөрчлөх зөвшөөрөл авч чадахгүй бол Солонгос улсаас албадан гаргах шаардлагатай болно. Харин ажлаас болж гэмтсэн, өвдсөн эсвэл жирэмсэн болсон, амаржсан гэсэн шалтгаанаар ажлын газраа өөрчлөх зөвшөөрөл авч чадахгүй болсон буюу зөвшөөрөл хүсэх боломжгүй байх тохиолдолд тухайн шалтгаан арилсан өдрөөс хойш 3 сарын дотор ажлын газраа өөрчлөх зөвшөөрөл авах юм уу 1 сарын дотор ажлын газраа өөрчлөх зөвшөөрөл хүсэх хүсэлтээ гаргах хэрэгтэй(「Гадаад ажилчны ажил эрхлэлтийн тухай хууль」 25-р зүйлийн 3-р заалт).

- Гадаад ажилчны аж ахуйн нэгж болон ажлын байраа Солонгос улсад ирснээс хойш 3 жилийн туршид 3 удаа л өөрчлөх боломжтой.(「Гадаад ажилчны ажил эрхлэлтийн тухай хууль」 25-р зүйлийн 4-р заалт).

- Солонгост ажиллах 3 жилийн хугацаа нь дуусаад эх орон руугаа явахын өмнө, ажил олгогчийн хүсэлтээр ажиллах хугацаа нь сунгагдсан гадаад ажилчин сунгагдсан хугацааны туршид аж ахуйн нэгж болон ажлын байраа 2 удаа л өөрчлөх боломжтой(「Гадаад ажилчны ажил эрхлэлтийн тухай хууль」 25-р зүйлийн 4-р заалт).

- Ажлын байр өөрчлөгдсөнөөс үүдэн гадаад ажилчны оршин суух хаяг ч бас өөрчлөгдөх тохиолдолд тухайн гадаад ажилчин нь шинэ хаяг руу нүүж ирснээс хойш 15 хоногийн дотор шилжин суусан газрын харъяа хот, дүүрэг, сум(биеэ даасан дүүрэг биш байсан ч энд багтана) болон хороо, багийн дарга юм уу шинээр нүүж ирсэн газрыг харьяалах албаны дарга, хэлтсийн дарга, салбарын даргад шилжин ирсэн тухайгаа мэдэгдэнэ(「Гадаадын иргэн, харьяатын тухай хууль」-ийн 36-р зүйлийн 1- р заалт).

- Аж ахуйн нэгж болон ажлын байр өөрчлөх хүсэлт гаргасан гадаад ажилчин ажилд орохдоо ① ажил хайгч гадаадын иргэдийн бүртгэлд бүртгүүлэн, ② хөдөлмөрийн гэрээ байгуулах бөгөөд ③ ажил хийж эхлэхтэй холбоотой бусад зүйлс нь гадаадад оршин сууж буй гадаад ажилчин анх ажилд орж байгаатай адил журмаар явагдана.