MONGOLIAN

- Хянуулах хүсэлттэй холбогдуулан гаргасан шийдвэрийг хүлээн зөвшөөрөхгүй байгаа этгээд дахин хянуулах хүсэлтийг Үйлдвэрлэлийн ослын даатгалын дахин хянах хороо (цаашид "Дахин хянах хороо" гэх)-нд гаргаж болно (Үйлдвэрлэлийн ослын даатгалын тухай хуулийн 106 (1)-р заалт).

- Мэргэжлээс шалтгаалах өвчнийг тогтоох хорооноос гаргасан даатгалын нөхөн олговрын талаарх шийдвэрийг хүлээн зөвшөөрөхгүй байгаа этгээд Үйлдвэрлэлийн ослын даатгалын тухай хуулийн 103-р зүйлийн дагуу хянуулах хүсэлт гаргалгүйгээр дахин хянуулах хүсэлт гаргаж болно (Үйлдвэрлэлийн ослын даатгалын тухай хуулийн 106 (1)-р заалт).

- Дахин хянуулах хүсэлт гаргагч нас барсан бөгөөд тус хүсэлт гаргагч нь даатгалын нөхөн олговор авах эрхтэй этгээд байсан тохиолдолд Үйлдвэрлэлийн ослын даатгалын тухай хуулийн 62 (1)-р заалт эсвэл 81-р зүйлийн дагуу түүний байр суурийг түүний ар гэрийн хүн үргэлжүүлэх ба хэрэв тухайн ар гэрийн хүн нь үргэлжлүүлэхгүй тохиолдолд түүний өв залгамжлагч эсвэл тухайн маргалдаж буй даатгалын нөхөн олговрыг авах эрх буюу сонирхлыг залгамжлагч этгээд үргэлжүүлнэ (Үйлдвэрлэлийн ослын даатгалын тухай хуулийн 110-р зүйл).

- Дахин хянуулах хүсэлтийн хариуцагч нь тухайн даатгалын нөхөн олговрын талаар шийдвэр гаргасан БНСУ-ын Хөдөлмөр, нийгмийн халамжийн газар байна (Захиргааны хэргийн давж заалдах шатны шүүхийн тухай хуулийн 17 (1)-р заалт, Үйлдвэрлэлийн ослын даатгалын тухай хуулийн 111 (3)-р заалт).

- Дахин хянуулах хүсэлтийг БНСУ-ын Хөдөлмөр, нийгмийн халамжийн газарт түүний харьяа, тухайн даатгалын нөхөн олговрын талаар шийдвэр гаргасан салбар хэлтэс (цаашид "бүс нутгийн төв эсвэл салбар" гэх)-ээр дамжуулан гаргана (Үйлдвэрлэлийн ослын даатгалын тухай хуулийн 106 (2)-р заалт).

- Дахин хянуулах хүсэлтэд дараах зүйлсийг тусгасан байна (цаашид "бичгээр үйлдсэн хянуулах хүсэлт" гэх) (Үйлдвэрлэлийн ослын даатгалын тухай хуулийг хүчин төгөлдөр мөрдөх тухай тогтоолын 105 (1)-р заалт).

- Дахин хянуулах хүсэлт гаргагч нь үйлдвэрлэлийн ослын улмаас хохирсон ажилтан биш (дээр заасан эмчилгээний зардал, эм эмийн бэлдмэлийн зардлын талаар гаргасан шийдвэртэй холбоотой хянуулах хүсэлтээс бусад) тохиолдолд дээр заасан зүйлсээс гадна дараах зүйлсийг тухайн хүсэлтэд тусгасан байна (Үйлдвэрлэлийн ослын даатгалын тухай хуулийг хүчин төгөлдөр мөрдөх тухай тогтоолын 96 (2)-р заалт ба 105 (2)-р заалт ).

- Бичгээр үйлдсэн дахин хянуулах хүсэлтэд тухайн дахин хянуулах хүсэлт гаргагч эсвэл түүний төлөөлөгч гарын үсэг зурах буюу тамга дарж баталгаажуулсан байна (Үйлдвэрлэлийн ослын даатгалын тухай хуулийг хүчин төгөлдөр мөрдөх тухай тогтоолын 96 (4)-р заалт ба 105 (2)-р заалт).

- Дахин хянуулах хүсэлтийг өмнөх хянуулах хүсэлтийн талаар гаргасан шийдвэрийг танилцуулснаас хойш 90 хоногийн дотор гаргана (Үйлдвэрлэлийн ослын даатгалын тухай хуулийн 106 (3)-р заалт).

- Даатгалын нөхөн олговрын талаар Мэргэжлээс шалтгаалах өвчнийг тогтоох хорооноос гаргасан шийдвэрийг хүлээн зөвшөөрөхгүй тохиолдолд хянуулах хүсэлт гаргалгүйгээр дахин хянах хүсэлт гаргасан тохиолдолд тус хүсэлтийг тухайн даатгалын нөхөн олговрын талаар гарсан шийдвэрийг танилцуулснаас хойш 90 хоногийн дотор гаргана (Үйлдвэрлэлийн ослын даатгалын тухай хуулийн 106 (3)-р заалт).

- Дахин хянуулах хүсэлт гаргах хугацаа дууссаны дараа дахин хянуулах хүсэлт ирүүлсэн, эсвэл дахин хянуулах хүсэлт нь залруулах боломжгүй байдлаар хууль тогтоомж, дүрэм, журам зөрчсөн, эсвэл Дахин хянах хорооноос тогтоосон хугацаанд залруулах боломжгүй болсон тохиолдолд Дахин хянах хороо нь тус хүсэлтийг хүлээн авахаас татгалзах шийдвэр гаргана (Үйлдвэрлэлийн ослын даатгалын тухай хуулийг хүчин төгөлдөр мөрдөх тухай тогтоолын 97 (1)-р заалт ба 113-р зүйл).

- Дахин хянуулах хүсэлт нь хууль, дүрэм, журам зөрчсөн хэдий ч тухайн зөрчлийг залруулах боломжтой тохиолдолд Дахин хянах хороо нь тогтсон хугацаанд зөрчлийг арилгах, залруулахыг тухайн дахин хянуулах хүсэлт гаргагчаас шаардаж болно (Үйлдвэрлэлийн ослын даатгалын тухай хуулийг хүчин төгөлдөр мөрдөх тухай тогтоолын 97 (2)-р заалт ба 113-р зүйл).

- Дахин хянуулах хүсэлт гаргах нь даатгалын нөхөн төлбөрийн талаар гаргасан шийдвэрийг түдгэлзүүлэх үндэслэл болохгүй (Үйлдвэрлэлийн ослын даатгалын тухай хуулийг хүчин төгөлдөр мөрдөх тухай тогтоолын 98 (1)-р заалт ба 113-р зүйл).

- Дахин хянах хороо даатгалын нөхөн олговрын талаар гаргасан шийдвэрийг түдгэлзүүлэх тохиолдолд тус хороо энэ талаар тухайн хянуулах хүсэлт гаргагчид даруй мэдэгдэх ба тус мэдэгдэлд дараах зүйлсийг тусгасан байна (Үйлдвэрлэлийн ослын даатгалын тухай хуулийг хүчин төгөлдөр мөрдөх тухай тогтоолын 98 (2), (3)-р заалт, 113-р зүйл)

- Дахин хянуулах хүсэлтийн талаарх шийдвэрийг гаргахдаа дараах зүйлсийг тусгасан байна (Үйлдвэрлэлийн ослын даатгалын тухай хуулийг хүчин төгөлдөр мөрдөх тухай тогтоолын 101 (1), (2)-р заалт, 113-р зүйл).

- Дахин хянах хороо нь дахин хянуулах хүсэлттэй холбогдуулан шийдвэр гаргасан тохиолдолд тус шийдвэрийг бичгээр үйлдэн, эх хувийг БНСУ-ын Хөдөлмөр, нийгмийн халамжийн газарт болон тухайн дахин хянуулах хүсэлт гаргагчид хүргүүлнэ (Үйлдвэрлэлийн ослын даатгалын тухай хуулийг хүчин төгөлдөр мөрдөх тухай тогтоолын 101 (3)-р заалт, 113-р зүйл).

- Дахин хянах хороо нь дахин хянуулах хүсэлттэй холбогдуулан шийдвэр гаргасан тохиолдолд тус хороо нь дахин хянуулах хүсэлт гаргагчид дараах зүйлсийг мэдэгдэнэ. Үүнд: дахин хянуулах хүсэлттэй холбогдуулан гаргасан шийдвэрийн талаар дахин хянуулах хүсэлт гаргагч нь захиргааны хэргийн шүүхэд гомдол гаргах эрхтэй эсэх, захиргааны хэргийн шүүхэд гомдол гаргах тохиолдолд гомдол гаргах журам, хугацаа (Үйлдвэрлэлийн ослын даатгалын тухай хуулийг хүчин төгөлдөр мөрдөх тухай тогтоолын 101 (4), 113-р зүйл).

- Дахин хянах хорооны гаргасан шийдвэрийг БНСУ-ын Хөдөлмөр, нийгмийн халамжийн газар дагаж мөрдөнө (Үйлдвэрлэлийн ослын даатгалын тухай хуулийн 109 (2)-р заалт).