Хянуулах хүсэлтэд оролцогч талууд
Хянуулах хүсэлт гаргагч
- Хянуулах хүсэлт гаргагч гэж даатгалын нөхөн олговрын талаар гарсан шийдвэрийг эсэргүүцэн тус шийдвэрийг хүчингүй болгуулах эсвэл өөрчлүүлэх зорилгоор хүсэлт гаргаж буй этгээдийг хэлнэ (Захиргааны хэргийн давж заалдах шатны шүүхийн тухай хуулийн 13 (1)-р заалт, Үйлдвэрлэлийн ослын даатгалын тухай хуулийн 111 (3)-р заалт).
Хянуулах хүсэлт гаргагчийн байр суурийг үргэлжлүүлэх
- Хянуулах эсвэл дахин хянуулах хүсэлт гаргагч нас барсан бөгөөд тус хүсэлт гаргагч нь даатгалын нөхөн олговор авах эрхтэй этгээд байсан тохиолдолд түүний байр суурийг түүний ар гэрийн хүн үргэлжүүлэх ба хэрэв тухайн ар гэрийн хүн нь үргэлжлүүлэхгүй тохиолдолд түүний өв залгамжлагч эсвэл тухайн маргалдаж буй даатгалын нөхөн олговрыг авах эрх буюу эрх ашгийг залгамжлагч этгээд үргэлжүүлнэ (Үйлдвэрлэлийн ослын даатгалын тухай хуулийн 110-р зүйл).
Хянуулах хүсэлтийн хариуцагч тал
- Хянуулах хүсэлтийн хариуцагч нь тухайн даатгалын нөхөн олговрын талаар шийдвэр гаргасан БНСУ-ын Хөдөлмөр, нийгмийн халамжийн газар байна (Захиргааны хэргийн давж заалдах шатны шүүхийн тухай хуулийн 17 (1)-р заалт, Үйлдвэрлэлийн ослын даатгалын тухай хуулийн 111 (3)-р заалт).
Хянуулах хүсэлт гаргах
Хянуулах хүсэлтийн дагуу хянаж шалгах зүйлс
- Дараах зүйлс (цаашид "даатгалын нөхөн олговрын талаарх шийдвэр" гэх)-ийн талаар БНСУ-ын Хөдөлмөр, нийгмийн халамжийн газрын гаргасан шийдвэртэй санал нийлэхгүй байгаа аливаа этгээд БНСУ-ын Хөдөлмөр, нийгмийн халамжийн газарт хянуулах хүсэлт гаргаж болно (Үйлдвэрлэлийн ослын даатгалын тухай хуулийн 103 (1)-р заалт):
1. Даатгалын нөхөн олговрын талаар гаргасан шийдвэр;
2. Эмчилгээний зардлын талаар гаргасан шийдвэр;
3. Эм, эмийн бэлдмэлийн зардлын талаар гаргасан шийдвэр;
4. Эмчилгээний төлөвлөгөөг өөрчлөх арга хэмжээ;
5. Даатгалын нөхөн төлбөрийг нийтэд нь нэг удаа олгох шийдвэр;
6.Сөрөг үр дагавар гэх мэт урьдчилан сэргийлэх арга хэмжээтэй холбогдсон зохицуулалт
7. Шударга бусаар нөхөн олговор авсан этгээдэд хүлээлгэх хариуцлагын талаар гаргасан шийдвэр;
8. Даатгалын нөхөн олговрыг авах эрхийн суброгацийн талаар гаргасан шийдвэр.
Хянуулах хүсэлт гаргах аргачлал
- Хянуулах хүсэлтийг БНСУ-ын Хөдөлмөр, нийгмийн халамжийн газарт түүний харьяа, тухайн даатгалын нөхөн олговрын талаар шийдвэр гаргасан салбар хэлтэс (цаашид "бүс нутгийн төв эсвэл салбар" гэх)-ээр дамжуулан гаргана (Үйлдвэрлэлийн ослын даатгалын тухай хуулийн 103 (2)-р заалт).
- Хянуулах хүсэлтэд дараах зүйлсийг тусгасан байна (цаашид "бичгээр үйлдсэн хянуулах хүсэлт" гэх) (Үйлдвэрлэлийн ослын даатгалын тухай хуулийг хүчин төгөлдөр мөрдөх тухай тогтоолын 96 (1)-р заалт):
· Хүсэлт гаргагчийн нэр, хаяг (тухайн хүсэлт гаргагч нь ААН байх тохиолдолд тус ААН-ийн нэр, байршил, түүний төлөөлөгчийн нэр);
· Даатгалын нөхөн олговор олгох тухай шийдвэр, арга хэмжээний агуулга(цаашид "Даатгалын нөхөн олговор олгох шийдвэр" гэх)
· Хүсэлт гаргагч даатгалын нөхөн олговрын талаар гаргасан шийдвэрийн тухай олж мэдсэн он, сар, өдөр;
· Хянулах хүсэлт гаргасан зорилго, үндэслэл;
· Хянуулах хүсэлтийг мэдэгдсэн эсэх, мэдэгдлийн агуулга.
- Хянуулах хүсэлт гаргагч нь үйлдвэрлэлийн ослын улмаас хохирсон ажилтан биш (дээр заасан эмчилгээний зардал, эм эмийн бэлдмэлийн зардлын талаар гаргасан шийдвэртэй холбоотой хянуулах хүсэлтээс бусад) тохиолдолд дээр заасан зүйлсээс гадна дараах зүйлсийг тухайн хүсэлтэд тусгасан байна (Үйлдвэрлэлийн ослын даатгалын тухай хуулийг хүчин төгөлдөр мөрдөх тухай тогтоолын 96 (2)-р заалт):
· Үйлдвэрлэлийн ослын улмаас хохирсон ажилтны нэр;
· Тухайн осол гарах үед тухайн ажилтны харьяалагдаж байсан ААН-ийн нэр, байршил;
· Томилогдсон төлөөлөгч тухайн хянуулах хүсэлтийг гаргаж буй тохиолдолд дээр заасан зүйлсээс гадна тухайн томилогдсон төлөөлөгчийн нэр, хаягийг тухайн хүсэлтэд тусгасан байна (Үйлдвэрлэлийн ослын даатгалын тухай хуулийг хүчин төгөлдөр мөрдөх тухай тогтоолын 96 (3)-р заалт).
- Бичгээр үйлдсэн хянуулах хүсэлтэд тухайн хянуулах хүсэлт гаргагч эсвэл түүний төлөөлөгч гарын үсэг зурах буюу тамга дарж баталгаажуулсан байна (Үйлдвэрлэлийн ослын даатгалын тухай хуулийг хүчин төгөлдөр мөрдөх тухай тогтоолын 96 (4)-р заалт).
Хянуулах хүсэлт гаргах хугацаа
- Хянуулах хүсэлтийг тухайн даатгалын нөхөн олговрын талаар шийдвэрийг танилцуулснаас хойш 90 хоногийн дотор гаргана (Үйлдвэрлэлийн ослын даатгалын тухай хуулийн 103 (3)-р заалт).
Хянуулах хүсэлтийг залруулах хүсэлт гаргах ба хүсэлтийг хэрэгсэхгүй болгох
- Хянуулах хүсэлт гаргах хугацаа дууссаны дараа хүсэлт ирүүлсэн, эсвэл хянуулах хүсэлт нь залруулах боломжгүй байдлаар хууль тогтоомж, дүрэм, журам зөрчсөн, эсвэл БНСУ-ын Хөдөлмөр, нийгмийн халамжийн газраас тогтоосон хугацаанд залруулах боломжгүй болсон тохиолдолд БНСУ-ын Хөдөлмөр, нийгмийн халамжийн газар нь тус хүсэлтийг хүлээн авахаас татгалзах шийдвэр гаргана (Үйлдвэрлэлийн ослын даатгалын тухай хуулийг хүчин төгөлдөр мөрдөх тухай тогтоолын 97 (1)-р заалт).
- Хянуулах хүсэлт нь хууль, дүрэм, журам зөрчсөн хэдий ч тухайн зөрчлийг залруулах боломжтой тохиолдолд БНСУ-ын Хөдөлмөр, нийгмийн халамжийн газар нь тогтсон хугацаанд зөрчлийг арилгах, залруулахыг тухайн хянуулах хүсэлт гаргагчаас шаардаж болно (Үйлдвэрлэлийн ослын даатгалын тухай хуулийг хүчин төгөлдөр мөрдөх тухай тогтоолын 97 (2)-р заалт).
※ Залруулах асуудал нь ноцтой бус тохиолдолд БНСУ-ын Хөдөлмөр, нийгмийн халамжийн газар нь өөрийн эрхийн хүрээнд залруулга хийж болно (Үйлдвэрлэлийн ослын даатгалын тухай хуулийг хүчин төгөлдөр мөрдөх тухай тогтоолын 97 (2)-р заалт).
Даатгалын нөхөн төлбөрийн талаар гаргасан шийдвэрийг хэрэгжүүлэхийг түдгэлзүүлэх
Даатгалын нөхөн төлбөрийн талаар гаргасан шийдвэрийг хэрэгжүүлэхийг түдгэлзүүлэх
- Хянуулах хүсэлт гаргах нь даатгалын нөхөн төлбөрийн талаар гаргасан шийдвэрийг түдгэлзүүлэх үндэслэл болохгүй (Үйлдвэрлэлийн ослын даатгалын тухай хуулийг хүчин төгөлдөр мөрдөх тухай тогтоолын 98 (1)-р заалт).
※ Тухайн шийдвэрийг хэрэгжүүлснээс үүдэн ноцтой хохирол гарахаас зайлсхийх шаардлагатай гэж үзсэн тохиолдолд БНСУ-ын Хөдөлмөр, нийгмийн халамжийн газар тухайн шийдвэрийг хэрэгжүүлэхийг түдгэлзүүлж болно (Үйлдвэрлэлийн ослын даатгалын тухай хуулийг хүчин төгөлдөр мөрдөх тухай тогтоолын 98 (1)-р заалт).
- БНСУ-ын Хөдөлмөр, нийгмийн халамжийн газар даатгалын нөхөн олговрын талаар гаргасан шийдвэрийг түдгэлзүүлэх тохиолдолд БНСУ-ын Хөдөлмөр, нийгмийн халамжийн газар энэ талаар тухайн хүсэлт гаргагчид даруй мэдэгдэх ба тус мэдэгдэлд дараах зүйлсийг тусгасан байна (Үйлдвэрлэлийн ослын даатгалын тухай хуулийг хүчин төгөлдөр мөрдөх тухай тогтоолын 98 (2) ба (3)-р заалт):
· Хянуулах хүсэлтэд хамаарах хэргийн нэр;
· Хэрэгжүүлэхээс түдгэлзүүлж буй нөхөн олговрын шийдвэр, хэрэгжүүлэхээс түдгэлзүүлэх талаарх мэдээлэл;
· Хянуулах хүсэлт гаргагчийн нэр, хаяг;
· Хэрэгжүүлэхээс түдгэлзүүлж буй шалтгаан
Хянуулах хүсэлттэй холбогдуулан гаргасан шийдвэр
Хянуулах хүсэлтийн талаар шийдвэр гаргах
- Хянуулах хүсэлтийн талаарх шийдвэрийг гаргахдаа дараах зүйлсийг тусгасан байна (Үйлдвэрлэлийн ослын даатгалын тухай хуулийг хүчин төгөлдөр мөрдөх тухай тогтоолын 101 (1) ба (2)-р заалт).
1. Тухайн хэргийн дугаар, нэр;
2. Хүсэлт гаргагчийн нэр, хаяг (тухайн хүсэлт гаргагч нь ААН байх тохиолдолд тус ААН-ийн нэр, байршил, түүний төлөөлөгчийн нэр);
3. Томилогдсон төлөөлөгчийн нэр, хаяг (тухайн хүсэлтийг томилогдсон төлөөлөгч гаргасан тохиолдолд);
4. Хянуулах хүсэлт гаргагч нь үйлдвэрлэлийн ослын улмаас хохирсон ажилтан биш тохиолдолд ослын улмаас хохирсон ажилтны нэр, хаяг;
5. Үндсэн бичвэр;
6. Хянуулах хүсэлтийн зорилго;
7. Шалтгаан;
8. Шийдвэр гаргасан огноо.
Хянуулах тухай бичгээр гаргасан шийдвэрийн эх хувийг хүргүүлэх
- БНСУ-ын Хөдөлмөр, нийгмийн халамжийн газар нь хянуулах хүсэлттэй холбогдуулан шийдвэр гаргасан тохиолдолд тус шийдвэрийг бичгээр үйлдэн, эх хувийг тухайн хянуулах хүсэлт гаргагчид хүргүүлнэ (Үйлдвэрлэлийн ослын даатгалын тухай хуулийг хүчин төгөлдөр мөрдөх тухай тогтоолын 101 (3)-р заалт).
- БНСУ-ын Хөдөлмөр, нийгмийн халамжийн газар нь даатгалын нөхөн олговрын талаар шийдвэр гаргасан эсвэл хянан шалгуулах хүсэлттэй холбогдуулан шийдвэр гаргасан тохиолдолд бусад тал эсвэл хянуулах хүсэлт гаргагчид дараах зүйлсийг мэдэгдэнэ. Үүнд: даатгалын нөхөн олговрын талаарх шийдвэрийг эсвэл хянуулах хүсэлттэй холбогдуулан гаргасан шийдвэрийг хянуулах эсвэл дахин хянуулах хүсэлт гаргах боломжтой эсэх, хүсэлт гаргах журам, хүсэлт гаргах хугацаа (Үйлдвэрлэлийн ослын даатгалын тухай хуулийг хүчин төгөлдөр мөрдөх тухай тогтоолын 101 (4)-р заалт).